Редактирование: Медха-дакшинамурти-сахасранама-стотра

<center>'''॥  मेधादक्षिणामूर्तिसहस्रनामस्तोत्र ॥'''<br /><big>'''.. medhā-dakṣiṇāmūrti-sahasranāma-stotra ..'''</big><br /> <br />'''Тысяча имён (учителя) мудрости (Шивы)-Дакшинамурти.'''</center>



:: श्रीः ॥<br />अस्य श्री मेधादक्षिणामूर्तिसहस्रनामस्तोत्रस्य ब्रह्मा ऋषिः ।  गायत्री छन्दः ।  दक्षिणामूर्तिर्देवताआ ।  ॐ बीजम् ।  स्वाहा शक्तिः ।  नमः कीलकम् ।  मेधादक्षिणामूर्तिप्रसादसिद्ध्यर्थे जपे विनियोगः ।  ह्राम् इत्यादिना अङ्ग न्यासः ।<br />śrīḥ ..<br />asya śrī medhādakṣiṇāmūrtisahasranāmastotrasya brahmā ṛṣiḥ . gāyatrī chandaḥ . dakṣiṇāmūrtirdevatāā . oṁ bījam . svāhā śaktiḥ . namaḥ kīlakam . medhādakṣiṇāmūrtiprasādasiddhyarthe jape viniyogaḥ . hrām ityādinā aṅga nyāsaḥ .<br />


::: ध्यानम् ॥<br />सिद्धितोयनिधेर्मध्ये रत्नग्रीवे मनोरमे ।<br />कदम्बवनिकामध्ये श्रीमद्वटतरोरधः ॥  १॥<br /> dhyānam ..<br />siddhitoyanidhermadhye ratnagrīve manorame .<br />kadambavanikāmadhye śrīmadvaṭataroradhaḥ .. 1..<br />आसीनमाद्यं पुरुषमादिमध्यान्तवर्जितम् ।<br />शुद्धस्फटिकगोक्षीरशरत्पूर्णेन्दुशेखरम् ॥  २॥<br /> āsīnamādyaṁ puruṣamādimadhyāntavarjitam .<br />śuddhasphaṭikagokṣīraśaratpūrṇenduśekharam .. 2..<br />दक्षिणे चाक्षमालां च वह्निं वै वामहस्तके ।<br />जटामण्डलसंलग्नशीताम्शुकरमण्डितम् ॥  ३॥<br /> dakṣiṇe cākṣamālāṁ ca vahniṁ vai vāmahastake .<br />jaṭāmaṇḍalasaṁlagnaśītāmśukaramaṇḍitam .. 3..<br />नागहारधरं चारुकङ्कणैः कटिसूत्रकैः ।<br />विराजमानवृषभं व्याघ्रचर्माम्बरावृतम् ॥  ४॥<br /> nāgahāradharaṁ cārukaṅkaṇaiḥ kaṭisūtrakaiḥ .<br />virājamānavṛṣabhaṁ vyāghracarmāmbarāvṛtam .. 4..<br />चिन्तामणिमहाबृन्दैः कल्पकैः कामधेनुभिः ।<br />चतुष्षष्टिकलाविद्यामूर्तिभिः श्रुतिमस्तकैः ॥  ५॥<br /> cintāmaṇimahābṛndaiḥ kalpakaiḥ kāmadhenubhiḥ .<br />catuṣṣaṣṭikalāvidyāmūrtibhiḥ śrutimastakaiḥ .. 5..<br />रत्नसिंहासने साधुद्वीपिचर्मसमायुतम् ।<br />तत्राष्टदलपद्मस्य कर्णिकायां सुशोभने ॥  ६॥<br /> ratnasiṁhāsane sādhudvīpicarmasamāyutam .<br />tatrāṣṭadalapadmasya karṇikāyāṁ suśobhane .. 6..<br />वीरासने समासीनं लम्बदक्षपदांबुजम् ।<br />ज्ञानमुद्रां पुस्तकं च वराभीतिधरं हरम् ॥  ७॥<br /> vīrāsane samāsīnaṁ lambadakṣapadāṁbujam .<br />jñānamudrāṁ pustakaṁ ca varābhītidharaṁ haram .. 7..<br />पादमूलसमाक्रान्तमहापस्मारवैभवम् ।<br />रुद्राक्षमालाभरणभूषितं भूतिभासुरम् ॥  ८॥<br /> pādamūlasamākrāntamahāpasmāravaibhavam .<br />rudrākṣamālābharaṇabhūṣitaṁ bhūtibhāsuram .. 8..<br />गजचर्मोत्तरीयं च मन्दस्मितमुखाम्बुजम् ।<br />सिद्धबृन्दैर्योगिबृन्दैर्मुनिबृन्दैर्निषेवितम् ॥  ९॥<br /> gajacarmottarīyaṁ ca mandasmitamukhāmbujam .<br />siddhabṛndairyogibṛndairmunibṛndairniṣevitam .. 9..<br />आराध्यमानवृषभं अग्नीन्दुरविलोचनम् ।<br />पूरयन्तं कृपादृष्ट्या पुमर्थानाश्रिते जने ॥  १०॥<br /> ārādhyamānavṛṣabhaṁ agnīnduravilocanam .<br />pūrayantaṁ kṛpādṛṣṭyā pumarthānāśrite jane .. 10..<br />एवं विभावयेदीशं सर्वविद्याकलानिधिम् ॥  ११॥<br /> evaṁ vibhāvayedīśaṁ sarvavidyākalānidhim .. 11..<br />


:: लं इत्यादिना पञ्चोपचाराः ॥<br /> laṁ ityādinā pañcopacārāḥ ..<br />



देवदेवो महादेवो देवानामपि देशिकः ।<br />दक्षिणामूर्तिरीशानो दयापूरितदिङ्मुखः ॥  १॥<br /> devadevo mahādevo devānāmapi deśikaḥ .<br />dakṣiṇāmūrtirīśāno dayāpūritadiṅmukhaḥ .. 1..<br />
कैलासशिखरोत्तुङ्ग-कमनीयनिजाकृतिः ।<br />वटद्रुमतटीदिव्यकनकासनसंस्थितः ॥  २॥<br /> kailāsaśikharottuṅga-kamanīyanijākṛtiḥ .<br />vaṭadrumataṭīdivyakanakāsanasaṁsthitaḥ .. 2..<br />
कटीतटपटीभूतकरिचर्मोज्ज्वलाकृतिः ।<br />पाटीरापाण्डुराकारपरिपूर्णसुधाधिपः । ३॥<br /> kaṭītaṭapaṭībhūtakaricarmojjvalākṛtiḥ .<br />pāṭīrāpāṇḍurākāraparipūrṇasudhādhipaḥ .3..<br />
जपाकोटीरघटितसुधाकरसुधाप्लुतः ।<br />पश्यल्ललाटसुभगसुन्दरभ्रूविलासवान् ॥  ४॥<br /> japākoṭīraghaṭitasudhākarasudhāplutaḥ .<br />paśyallalāṭasubhagasundarabhrūvilāsavān .. 4..<br />
कटाक्षसरणीनिर्यत्करुणापूर्णलोचनः ।<br />कर्णालोलतटिद्वर्णकुण्डलोज्ज्वलगण्डभूः ॥  ५॥<br /> kaṭākṣasaraṇīniryatkaruṇāpūrṇalocanaḥ .<br />karṇālolataṭidvarṇakuṇḍalojjvalagaṇḍabhūḥ .. 5..<br />
तिलप्रसूनसंकाशनासिकापुटभासुरः ।<br />मन्दस्मितस्पुरन्मुग्धमहनीयमुखाम्बुजः ॥  ६॥<br /> tilaprasūnasaṁkāśanāsikāpuṭabhāsuraḥ .<br />mandasmitaspuranmugdhamahanīyamukhāmbujaḥ .. 6..<br />
कुन्दकुड्मलसंस्पर्धिदन्तपङ्क्तिविराजितः ।<br />सिन्दूरारुणसुस्निग्धकोमलाधरपल्लवः ॥  ७॥<br /> kundakuḍmalasaṁspardhidantapaṅktivirājitaḥ .<br />sindūrāruṇasusnigdhakomalādharapallavaḥ .. 7..<br />
शङ्खाटोपगलद्दिव्यगळवैभवमञ्जुलः ।<br />करकन्दलितज्ञानमुद्रारुद्राक्षमालिकः ॥  ८॥<br /> śaṅkhāṭopagaladdivyagaḽavaibhavamañjulaḥ .<br />karakandalitajñānamudrārudrākṣamālikaḥ .. 8..<br />
अन्यहस्ततलन्यस्तवीणापुस्तोल्लसद्वपुः ।<br />विशालरुचिरोरस्कवलिमत्पल्लवोदरः ॥  ९॥<br /> anyahastatalanyastavīṇāpustollasadvapuḥ .<br />viśālaruciroraskavalimatpallavodaraḥ .. 9..<br />
बॄहत्कटिनितंबाढ्यः पीवरोरुद्वयान्वितः ।<br />जङ्घाविजिततूणीरस्तुङ्गगुल्फयुगोज्ज्वलः ॥  १०॥<br /> bqatkaṭinitaṁbāḍhyaḥ pīvarorudvayānvitaḥ .<br />jaṅghāvijitatūṇīrastuṅgagulphayugojjvalaḥ .. 10..<br />
मृदुपाटलपादाब्जश्चन्द्राभनखदीधितिः ।<br />अपसव्योरुविन्यस्तसव्यपादसरोरुहः ॥  ११॥<br /> mṛdupāṭalapādābjaścandrābhanakhadīdhitiḥ .<br />apasavyoruvinyastasavyapādasaroruhaḥ .. 11..<br />
घोरापस्मारनिक्षिप्तधीरदक्षपदाम्बुजः ।<br />सनकादिमुनिध्येयः सर्वाभरणभूषितः ॥  १२॥<br /> ghorāpasmāranikṣiptadhīradakṣapadāmbujaḥ .<br />sanakādimunidhyeyaḥ sarvābharaṇabhūṣitaḥ .. 12..<br />
दिव्यचन्दनलिप्ताङ्गश्चारुहासपरिष्कृतः ।<br />कर्पूरधवलाकारः कन्दर्पशतसुन्दरः ॥  १३॥<br /> divyacandanaliptāṅgaścāruhāsapariṣkṛtaḥ .<br />karpūradhavalākāraḥ kandarpaśatasundaraḥ .. 13..<br />
कात्यायनीप्रेमनिधिः करुणारसवारिधिः ।<br />कामितार्थप्रदःश्रीमत्कमलावल्लभप्रियः ॥  १४॥<br /> kātyāyanīpremanidhiḥ karuṇārasavāridhiḥ .<br />kāmitārthapradaḥśrīmatkamalāvallabhapriyaḥ .. 14..<br />
कटाक्षितात्मविज्ञानः कैवल्यानन्दकन्दलः ।<br />मन्दहाससमानेन्दुः छिन्नाज्ञानतमस्ततिः ॥  १५॥<br /> kaṭākṣitātmavijñānaḥ kaivalyānandakandalaḥ .<br />mandahāsasamānenduḥ chinnājñānatamastatiḥ .. 15..<br />
संसारानलसंतप्तजनतामृतसागरः ।<br />गंभीरहृदयाम्भोजनभोमणिनिभाकृतिः ॥  १६॥<br /> saṁsārānalasaṁtaptajanatāmṛtasāgaraḥ .<br />gaṁbhīrahṛdayāmbhojanabhomaṇinibhākṛtiḥ .. 16..<br />
निशाकरकराकारवशीकृतजगत्त्रयः ।<br />तापसाराध्यपादाब्जस्तरुणानन्दविग्रहः ॥  १७॥<br /> niśākarakarākāravaśīkṛtajagattrayaḥ .<br />tāpasārādhyapādābjastaruṇānandavigrahaḥ .. 17..<br />
भूतिभूषितसर्वाङ्गो भूताधिपतिरीश्वरः ।<br />वदनेन्दुस्मितज्योत्स्नानिलीनत्रिपुराकृतिः ॥  १८॥<br /> bhūtibhūṣitasarvāṅgo bhūtādhipatirīśvaraḥ .<br />vadanendusmitajyotsnānilīnatripurākṛtiḥ .. 18..<br />
तापत्रयतमोभानुः पापारण्यदवानलः ।<br />संसारसागरोद्धर्ता हंसाग्र्योपास्यविग्रहः ॥  १९॥<br /> tāpatrayatamobhānuḥ pāpāraṇyadavānalaḥ .<br />saṁsārasāgaroddhartā haṁsāgryopāsyavigrahaḥ .. 19..<br />
ललाटहुतभुग्दग्धमनोभवशुभाकृतिः ।<br />तुच्छीकृतजगज्जालस्तुषारकरशीतलः ॥  २०॥<br /> lalāṭahutabhugdagdhamanobhavaśubhākṛtiḥ .<br />tucchīkṛtajagajjālastuṣārakaraśītalaḥ .. 20..<br />
अस्तंगतसमस्तेच्छो निस्तुलानन्दमन्थरः ।<br />धीरोदात्तगुणाधार उदारवरवैभवः ॥  २१॥<br /> astaṁgatasamasteccho nistulānandamantharaḥ .<br />dhīrodāttaguṇādhāra udāravaravaibhavaḥ .. 21..<br />
अपारकरुणामूर्तिरज्ञानध्वान्तभास्करः ।<br />भक्तमानसहंसाग्र्यभवामयभिषक्तमः ॥  २२॥<br /> apārakaruṇāmūrtirajñānadhvāntabhāskaraḥ .<br />bhaktamānasahaṁsāgryabhavāmayabhiṣaktamaḥ .. 22..<br />
योगीन्द्रपूज्यपादाब्जो योगपट्टोल्लसत्कटिः ।<br />शुद्धस्फटिकसंकाशो बद्धपन्नगभूषणः ॥  २३॥<br /> yogīndrapūjyapādābjo yogapaṭṭollasatkaṭiḥ .<br />śuddhasphaṭikasaṁkāśo baddhapannagabhūṣaṇaḥ .. 23..<br />
नानामुनिसमाकीर्णो नासाग्रन्यस्तलोचनः ।<br />वेदमूर्धैकसंवेद्यो नादध्यानपरायणः ॥  २४॥<br /> nānāmunisamākīrṇo nāsāgranyastalocanaḥ .<br />vedamūrdhaikasaṁvedyo nādadhyānaparāyaṇaḥ .. 24..<br />
धराधरेन्दुरानन्दसन्दोहरससागरः ।<br />द्वैतबृन्दविमोहान्ध्यपराकृतदृगद्भुतः ॥  २५॥<br /> dharādharendurānandasandoharasasāgaraḥ .<br />dvaitabṛndavimohāndhyaparākṛtadṛgadbhutaḥ .. 25..<br />
प्रत्यगात्मा परंज्योतिः पुराणः परमेश्वरः ।<br />प्रपञ्चोपशमः प्राज्ञः पुण्यकीर्तिः पुरातनः ॥  २६॥<br /> pratyagātmā paraṁjyotiḥ purāṇaḥ parameśvaraḥ .<br />prapañcopaśamaḥ prājñaḥ puṇyakīrtiḥ purātanaḥ .. 26..<br />
सर्वाधिष्ठानसन्मात्रस्स्वात्मबन्धहरो हरः ।<br />सर्वप्रेमनिजाहासः सर्वानुग्रहकृत् शिवः ॥  २७॥<br /> sarvādhiṣṭhānasanmātrassvātmabandhaharo haraḥ .<br />sarvapremanijāhāsaḥ sarvānugrahakṛt śivaḥ .. 27..<br />
सर्वेन्द्रियगुणाभासः सर्वभूतगुणाश्रयः ।<br />सच्चिदानन्दपूर्णात्मा स्वे महिम्नि प्रतिष्ठितः ॥  २८॥<br /> sarvendriyaguṇābhāsaḥ sarvabhūtaguṇāśrayaḥ .<br />saccidānandapūrṇātmā sve mahimni pratiṣṭhitaḥ .. 28..<br />
सर्वभूतान्तरस्साक्षी सर्वज्ञस्सर्वकामदः ।<br />सनकादिमहायोगिसमाराधितपादुकः ॥  २९॥<br /> sarvabhūtāntarassākṣī sarvajñassarvakāmadaḥ .<br />sanakādimahāyogisamārādhitapādukaḥ .. 29..<br />
आदिदेवो दयासिन्धुः शिक्षितासुरविग्रहः ।<br />यक्षकिन्नरगन्धर्वस्तूयमानात्मवैभवः ॥  ३०॥<br /> ādidevo dayāsindhuḥ śikṣitāsuravigrahaḥ .<br />yakṣakinnaragandharvastūyamānātmavaibhavaḥ .. 30..<br />
ब्रह्मादिदेवविनुतो योगमायानियोजकः ।<br />शिवयोगी शिवानन्दः शिवभक्तसमुद्धरः ॥  ३१॥<br /> brahmādidevavinuto yogamāyāniyojakaḥ .<br />śivayogī śivānandaḥ śivabhaktasamuddharaḥ .. 31..<br />
वेदान्तसारसन्दोहः सर्वसत्त्वावलम्बनः ।<br />वटमूलाश्रयो वाग्मी मान्यो मलयजप्रियः ॥  ३२॥<br /> vedāntasārasandohaḥ sarvasattvāvalambanaḥ .<br />vaṭamūlāśrayo vāgmī mānyo malayajapriyaḥ .. 32..<br />
सुशीलो वाञ्छितार्थज्ञः प्रसन्नवदनेक्षणः ॥<br />नृत्तगीतकलाभिज्ञः कर्मवित् कर्ममोचकः ॥  ३३॥<br /> suśīlo vāñchitārthajñaḥ prasannavadanekṣaṇaḥ ..<br />nṛttagītakalābhijñaḥ karmavit karmamocakaḥ .. 33..<br />
कर्मसाक्षी कर्ममयः कर्मणां च फलप्रदः ।<br />ज्ञानदाता सदाचारः सर्वोपद्रवमोचकः ॥  ३४॥<br /> karmasākṣī karmamayaḥ karmaṇāṁ ca phalapradaḥ .<br />jñānadātā sadācāraḥ sarvopadravamocakaḥ .. 34..<br />
अनाथनाथो भगवानाश्रितामरपादपः ।<br />वरप्रदः प्रकाशात्मा सर्वभूतहिते रतः ॥  ३५॥<br /> anāthanātho bhagavānāśritāmarapādapaḥ .<br />varapradaḥ prakāśātmā sarvabhūtahite rataḥ .. 35..<br />
व्याघ्रचर्मासनासीन आदिकर्ता महेश्वरः ।<br />सुविक्रमः सर्वगतो विशिष्टजनवत्सलः ॥  ३६॥<br /> vyāghracarmāsanāsīna ādikartā maheśvaraḥ .<br />suvikramaḥ sarvagato viśiṣṭajanavatsalaḥ .. 36..<br />
चिन्ताशोकप्रशमनो जगदानन्दकारकः ।<br />रश्मिमान् भुवनेशश्च देवासुरसुपूजितः ॥  ३७॥<br /> cintāśokapraśamano jagadānandakārakaḥ .<br />raśmimān bhuvaneśaśca devāsurasupūjitaḥ .. 37..<br />
मृत्युञ्जयो व्योमकेशः षट्त्रिंशत्तत्त्वसङ्ग्रहः ।<br />अज्ञातसम्भवो भिक्षुरद्वितीयो दिगम्बरः ॥  ३८॥<br /> mṛtyuñjayo vyomakeśaḥ ṣaṭtriṁśattattvasaṅgrahaḥ .<br />ajñātasambhavo bhikṣuradvitīyo digambaraḥ .. 38..<br />
समस्तदेवतामूर्तिः सोमसूर्याग्निलोचनः ।<br />सर्वसाम्राज्यनिपुणो धर्ममार्गप्रवर्तकः ॥  ३९॥<br /> samastadevatāmūrtiḥ somasūryāgnilocanaḥ .<br />sarvasāmrājyanipuṇo dharmamārgapravartakaḥ .. 39..<br />
विश्वाधिकः पशुपतिः पशुपाशविमोचकः ।<br />अष्टमूर्तिर्दीप्तमूर्तिः नामोच्चारणमुक्तिदः ॥  ४०॥<br /> viśvādhikaḥ paśupatiḥ paśupāśavimocakaḥ .<br />aṣṭamūrtirdīptamūrtiḥ nāmoccāraṇamuktidaḥ .. 40..<br />
सहस्रादित्यसङ्काशः सदाषोडशवार्षिकः ।<br />दिव्यकेलीसमायुक्तो दिव्यमाल्याम्बरावृतः ॥  ४१॥<br /> sahasrādityasaṅkāśaḥ sadāṣoḍaśavārṣikaḥ .<br />divyakelīsamāyukto divyamālyāmbarāvṛtaḥ .. 41..<br />
अनर्घरत्नसंपूर्णो मल्लिकाकुसुमप्रियः ।<br />तप्तचामीकराकारो जितदावानलाकृतिः ॥  ४२॥<br /> anargharatnasaṁpūrṇo mallikākusumapriyaḥ .<br />taptacāmīkarākāro jitadāvānalākṛtiḥ .. 42..<br />
निरञ्जनो निर्विकारो निजावासो निराकृतिः ।<br />जगद्गुरुर्जगत्कर्ता जगदीशो जगत्पतिः ॥  ४३॥<br /> nirañjano nirvikāro nijāvāso nirākṛtiḥ .<br />jagadgururjagatkartā jagadīśo jagatpatiḥ .. 43..<br />
कामहन्ता काममूर्तिः कल्याणवृषवाहनः ।<br />गङ्गाधरो महादेवो दीनबन्धविमोचकः ॥  ४४॥<br /> kāmahantā kāmamūrtiḥ kalyāṇavṛṣavāhanaḥ .<br />gaṅgādharo mahādevo dīnabandhavimocakaḥ .. 44..<br />
धूर्जटिः खण्डपरशुः सद्गुणो गिरिजासखः ।<br />अव्ययो भूतसेनेशः पापघ्नः पुण्यदायकः ॥  ४५॥<br /> dhūrjaṭiḥ khaṇḍaparaśuḥ sadguṇo girijāsakhaḥ .<br />avyayo bhūtaseneśaḥ pāpaghnaḥ puṇyadāyakaḥ .. 45..<br />
उपदेष्टा दृढप्रज्ञो रुद्रो रोगविनाशनः ।<br />नित्यानन्दो निराधारो हरो देवशिखामणिः ॥  ४६॥<br /> upadeṣṭā dṛḍhaprajño rudro rogavināśanaḥ .<br />nityānando nirādhāro haro devaśikhāmaṇiḥ .. 46..<br />
प्रणतार्तिहरः सोमः सान्द्रानन्दो महामतिः ।<br />आश्चर्यवैभवो देवः संसारार्णवतारकः ॥  ४७॥<br /> praṇatārtiharaḥ somaḥ sāndrānando mahāmatiḥ .<br />āścaryavaibhavo devaḥ saṁsārārṇavatārakaḥ .. 47..<br />
यज्ञेशो राजराजेशो भस्मरुद्राक्षलाञ्छनः ।<br />अनन्तस्तारकः स्थाणुः सर्वविद्येश्वरो हरिः ॥  ४८॥<br /> yajñeśo rājarājeśo bhasmarudrākṣalāñchanaḥ .<br />anantastārakaḥ sthāṇuḥ sarvavidyeśvaro hariḥ .. 48..<br />
विश्वरूपो विरूपाक्षः प्रभुः परिबृडो दृढः ।<br />भव्यो जितारिषद्वर्गो महोदारो विषाशनः ॥  ४९॥<br /> viśvarūpo virūpākṣaḥ prabhuḥ paribṛḍo dṛḍhaḥ .<br />bhavyo jitāriṣadvargo mahodāro viṣāśanaḥ .. 49..<br />
सुकीर्तिरादिपुरुषो जरामरणवर्जितः ।<br />प्रमाणभूतो दुर्ज्ञेयः पुण्यः परपुरञ्जयः ॥  ५०॥<br /> sukīrtirādipuruṣo jarāmaraṇavarjitaḥ .<br />pramāṇabhūto durjñeyaḥ puṇyaḥ parapurañjayaḥ .. 50..<br />
गुणाकारो गुणश्रेष्ठः सच्चिदानन्दविग्रहः ।<br />सुखदः कारणं कर्ता भवबन्धविमोचकः ॥  ५१॥<br /> guṇākāro guṇaśreṣṭhaḥ saccidānandavigrahaḥ .<br />sukhadaḥ kāraṇaṁ kartā bhavabandhavimocakaḥ .. 51..<br />
अनिर्विण्णो गुणग्राही निष्कलङ्कः कलङ्कहा ।<br />पुरुषः शाश्वतो योगी व्यक्ताव्यक्तः सनातनः ॥  ५२॥<br /> anirviṇṇo guṇagrāhī niṣkalaṅkaḥ kalaṅkahā .<br />puruṣaḥ śāśvato yogī vyaktāvyaktaḥ sanātanaḥ .. 52..<br />
चराचरात्मा सूक्ष्मात्मा विश्वकर्मा तमोऽपहृत् ।<br />भुजङ्गभूषणो भर्गस्तरुणः करुणालयः ॥  ५३॥<br /> carācarātmā sūkṣmātmā viśvakarmā tamo'pahṛt .<br />bhujaṅgabhūṣaṇo bhargastaruṇaḥ karuṇālayaḥ .. 53..<br />
अणिमादिगुणोपेतो लोकवश्यविधायकः ।<br />योगपट्टधरो मुक्तो मुक्तानां परमा गतिः ॥  ५४॥<br /> aṇimādiguṇopeto lokavaśyavidhāyakaḥ .<br />yogapaṭṭadharo mukto muktānāṁ paramā gatiḥ .. 54..<br />
गुरुरूपधरः श्रीमत्परमानन्दसागरः ।<br />सहस्रबाहुः सर्वेशः सहस्रावयवान्वितः ॥  ५५॥<br /> gururūpadharaḥ śrīmatparamānandasāgaraḥ .<br />sahasrabāhuḥ sarveśaḥ sahasrāvayavānvitaḥ .. 55..<br />
सहस्रमूर्धा सर्वात्मा सहस्राक्षः सहस्रपात् ।<br />निराभासः सूक्ष्मतनुर्हृदि ज्ञातः परात्परः ॥  ५६॥<br /> sahasramūrdhā sarvātmā sahasrākṣaḥ sahasrapāt .<br />nirābhāsaḥ sūkṣmatanurhṛdi jñātaḥ parātparaḥ .. 56..<br />
सर्वात्मगः सर्वसाक्षी निःसङ्गो निरुपद्रवः ।<br />निष्कलः सकलाध्यक्षश्चिन्मयस्तमसः परः ॥  ५७॥<br /> sarvātmagaḥ sarvasākṣī niḥsaṅgo nirupadravaḥ .<br />niṣkalaḥ sakalādhyakṣaścinmayastamasaḥ paraḥ .. 57..<br />
ज्ञानवैराग्यसंपन्नो योगानन्दमयः शिवः ।<br />शाश्वतैश्वर्यसम्पूर्णो महायोगीश्वरेश्वरः ॥  ५८॥<br /> jñānavairāgyasaṁpanno yogānandamayaḥ śivaḥ .<br />śāśvataiśvaryasampūrṇo mahāyogīśvareśvaraḥ .. 58..<br />
सहस्रशक्तिसंयुक्तः पुण्यकायो दुरासदः ।<br />तारकब्रह्मसंपूर्णस्तपस्विजनसंवृतः ॥  ५९॥<br /> sahasraśaktisaṁyuktaḥ puṇyakāyo durāsadaḥ .<br />tārakabrahmasaṁpūrṇastapasvijanasaṁvṛtaḥ .. 59..<br />
विधीन्द्रामरसंपूज्यो ज्योतिषां ज्योतिरुत्तमः ।<br />निरक्षरो निरालम्बः स्वात्मारामो विकर्तनः ॥  ६०॥<br /> vidhīndrāmarasaṁpūjyo jyotiṣāṁ jyotiruttamaḥ .<br />nirakṣaro nirālambaḥ svātmārāmo vikartanaḥ .. 60..<br />
निरवद्यो निरातङ्को भीमो भीमपराक्रमः ।<br />वीरभद्रः पुरारातिर्जलन्धरशिरोहरः ॥  ६१॥<br /> niravadyo nirātaṅko bhīmo bhīmaparākramaḥ .<br />vīrabhadraḥ purārātirjalandharaśiroharaḥ .. 61..<br />
अन्धकासुरसंहर्ता भगनेत्रभिदद्भुतः ।<br />विश्वग्रासोऽधर्मशत्रुर्ब्रह्मज्ञानैकमन्थरः ॥  ६२॥<br /> andhakāsurasaṁhartā bhaganetrabhidadbhutaḥ .<br />viśvagrāso'dharmaśatrurbrahmajñānaikamantharaḥ .. 62..<br />
अग्रेसरस्तीर्थभूतः सितभस्मावकुण्ठनः ।<br />अकुण्ठमेधाः श्रीकण्ठो वैकुण्ठपरमप्रियः ॥  ६३॥<br /> agresarastīrthabhūtaḥ sitabhasmāvakuṇṭhanaḥ .<br />akuṇṭhamedhāḥ śrīkaṇṭho vaikuṇṭhaparamapriyaḥ .. 63..<br />
ललाटोज्ज्वलनेत्राब्जस्तुषारकरशेखरः ।<br />गजासुरशिरश्छेत्ता गङ्गोद्भासितमूर्धजः ॥  ६४॥<br /> lalāṭojjvalanetrābjastuṣārakaraśekharaḥ .<br />gajāsuraśiraśchettā gaṅgodbhāsitamūrdhajaḥ .. 64..<br />
कल्याणाचलकोदण्डः कमलापतिसायकः ।<br />वारांशेवधितूणीरःसरोजासनसारथिः ॥  ६५॥<br /> kalyāṇācalakodaṇḍaḥ kamalāpatisāyakaḥ .<br />vārāṁśevadhitūṇīraḥsarojāsanasārathiḥ .. 65..<br />
त्रयीतुरङ्गसंक्रान्तो वासुकिज्याविराजितः ।<br />रवीन्दुचरणाचारिधरारथविराजितः ॥  ६६॥<br /> trayīturaṅgasaṁkrānto vāsukijyāvirājitaḥ .<br />ravīnducaraṇācāridharārathavirājitaḥ .. 66..<br />
त्रय्यन्तप्रग्रहोदारचारुघण्टारवोज्ज्वलः ।<br />उत्तानपर्वलोमाढ्यो लीलाविजितमन्मथः ॥  ६७॥<br /> trayyantapragrahodāracārughaṇṭāravojjvalaḥ .<br />uttānaparvalomāḍhyo līlāvijitamanmathaḥ .. 67..<br />
जातुप्रपन्नजनताजीवनोपायनोत्सुकः ।<br />संसारार्णवनिर्मग्नसमुद्धरणपण्डितः ॥  ६८॥<br /> jātuprapannajanatājīvanopāyanotsukaḥ .<br />saṁsārārṇavanirmagnasamuddharaṇapaṇḍitaḥ .. 68..<br />
मदद्विरदधिक्कारिगतिमञ्जुलवैभवः ।<br />मत्तकोकिलमाधुर्यरसनिर्भरगीर्गणः ॥  ६९॥<br /> madadviradadhikkārigatimañjulavaibhavaḥ .<br />mattakokilamādhuryarasanirbharagīrgaṇaḥ .. 69..<br />
कैवल्योदधिकल्लोललीलाताण्डवपण्डितः ।<br />विष्णुर्जिष्णुर्वासुदेवः प्रभविष्णुः पुरातनः ॥  ७०॥<br /> kaivalyodadhikallolalīlātāṇḍavapaṇḍitaḥ .<br />viṣṇurjiṣṇurvāsudevaḥ prabhaviṣṇuḥ purātanaḥ .. 70..<br />
वर्धिष्णुर्वरदो वैद्यो हरिर्नारायणोऽच्युतः ।<br />अज्ञानवनदावाग्निः प्रज्ञाप्रासादभूपतिः ॥  ७१॥<br /> vardhiṣṇurvarado vaidyo harirnārāyaṇo'cyutaḥ .<br />ajñānavanadāvāgniḥ prajñāprāsādabhūpatiḥ .. 71..<br />
सर्पभूषितसर्वाङ्गः कर्पूरोज्ज्वलिताकृतिः ।<br />अनादिमध्यनिधनो गिरीशो गिरिजापतिः ॥  ७२॥<br /> sarpabhūṣitasarvāṅgaḥ karpūrojjvalitākṛtiḥ .<br />anādimadhyanidhano girīśo girijāpatiḥ .. 72..<br />
वीतरागो विनीतात्मा तपस्वी भूतभावनः ।<br />देवासुरगुरुध्येयो देवासुरनमस्कृतः ॥  ७३॥<br /> vītarāgo vinītātmā tapasvī bhūtabhāvanaḥ .<br />devāsuragurudhyeyo devāsuranamaskṛtaḥ .. 73..<br />
देवादिदेवो देवर्षिर्देवासुरवरप्रदः ।<br />सर्वदेवमयोऽचिन्त्यो देवात्मा चात्मसंभवः ॥  ७४॥<br /> devādidevo devarṣirdevāsuravarapradaḥ .<br />sarvadevamayo'cintyo devātmā cātmasaṁbhavaḥ .. 74..<br />
निर्लेपो निष्प्रपञ्चात्मा निर्विघ्नो विघ्ननाशकः ।<br />एकज्योतिर्निरातङ्को व्याप्तमूर्तिरनाकुलः ॥  ७५॥<br /> nirlepo niṣprapañcātmā nirvighno vighnanāśakaḥ .<br />ekajyotirnirātaṅko vyāptamūrtiranākulaḥ .. 75..<br />
निरवद्यपदोपाधिर्विद्याराशिरनुत्तमः ।<br />नित्यानन्दः सुराध्यक्षो निःसंकल्पो निरञ्जनः ॥  ७६॥<br /> niravadyapadopādhirvidyārāśiranuttamaḥ .<br />nityānandaḥ surādhyakṣo niḥsaṁkalpo nirañjanaḥ .. 76..<br />
निष्कलङ्को निराकारो निष्प्रपञ्चो निरामयः ।<br />विद्याधरो वियत्केशो मार्कण्डेयवरप्रदः ॥  ७७॥<br /> niṣkalaṅko nirākāro niṣprapañco nirāmayaḥ .<br />vidyādharo viyatkeśo mārkaṇḍeyavarapradaḥ .. 77..<br />
भैरवो भैरवीनाथः कामदः कमलासनः ।<br />वेदवेद्यः सुरानन्दो लसज्ज्योतिः प्रभाकरः ॥  ७८॥<br /> bhairavo bhairavīnāthaḥ kāmadaḥ kamalāsanaḥ .<br />vedavedyaḥ surānando lasajjyotiḥ prabhākaraḥ .. 78..<br />
चूडामणिः सुराधीशो यज्ञगेयो हरिप्रियः ।<br />निर्लेपो नीतिमान् सूत्री श्रीहालाहलसुन्दरः ॥  ७९॥<br /> cūḍāmaṇiḥ surādhīśo yajñageyo haripriyaḥ .<br />nirlepo nītimān sūtrī śrīhālāhalasundaraḥ .. 79..<br />
धर्मदक्षो महाराजःकिरीटी वन्दितो गुहः ।<br />माधवो यामिनीनाथः शम्बरः शबरीप्रियः ॥  ८०॥<br /> dharmadakṣo mahārājaḥkirīṭī vandito guhaḥ .<br />mādhavo yāminīnāthaḥ śambaraḥ śabarīpriyaḥ .. 80..<br />
सङ्गीतवेत्ता लोकज्ञः शान्तः कलशसंभवः ।<br />ब्रह्मण्यो वरदो नित्यः शूली गुरुवरो हरः ॥  ८१॥<br /> saṅgītavettā lokajñaḥ śāntaḥ kalaśasaṁbhavaḥ .<br />brahmaṇyo varado nityaḥ śūlī guruvaro haraḥ .. 81..<br />
मार्ताण्डः पुण्डरीकाक्षो लोकनायकविक्रमः ।<br />मुकुन्दार्च्यो वैद्यनाथः पुरन्दरवरप्रदः ॥  ८२॥<br /> mārtāṇḍaḥ puṇḍarīkākṣo lokanāyakavikramaḥ .<br />mukundārcyo vaidyanāthaḥ purandaravarapradaḥ .. 82..<br />
भाषाविहीनो भाषाज्ञो विघ्नेशो विघ्ननाशनः ।<br />किन्नरेशो बृहद्भानुः श्रीनिवासः कपालभृत् ॥  ८३॥<br /> bhāṣāvihīno bhāṣājño vighneśo vighnanāśanaḥ .<br />kinnareśo bṛhadbhānuḥ śrīnivāsaḥ kapālabhṛt .. 83..<br />
विजयो भूतभावज्ञो भीमसेनो दिवाकरः ।<br />बिल्वप्रियो वसिष्ठेशः सर्वमार्गप्रवर्तकः ॥  ८४॥<br /> vijayo bhūtabhāvajño bhīmaseno divākaraḥ .<br />bilvapriyo vasiṣṭheśaḥ sarvamārgapravartakaḥ .. 84..<br />
ओषधीशो वामदेवो गोविन्दो नीललोहितः ।<br />षडर्धनयनः श्रीमन्महादेवो वृषध्वजः ॥  ८५॥<br /> oṣadhīśo vāmadevo govindo nīlalohitaḥ .<br />ṣaḍardhanayanaḥ śrīmanmahādevo vṛṣadhvajaḥ .. 85..<br />
कर्पूरदीपिकालोलः कर्पूररसचर्चितः ।<br />अव्याजकरुणामूर्तिस्त्यागराजः क्षपाकरः ॥  ८६॥<br /> karpūradīpikālolaḥ karpūrarasacarcitaḥ .<br />avyājakaruṇāmūrtistyāgarājaḥ kṣapākaraḥ .. 86..<br />
आश्चर्यविग्रहः सूक्ष्मः सिद्धेशः स्वर्णभैरवः ।<br />देवराजः कृपासिन्धुरद्वयोऽमितविक्रमः ॥  ८७॥<br /> āścaryavigrahaḥ sūkṣmaḥ siddheśaḥ svarṇabhairavaḥ .<br />devarājaḥ kṛpāsindhuradvayo'mitavikramaḥ .. 87..<br />
निर्भेदो नित्यसत्वस्थो निर्योगक्षेम आत्मवान् ।<br />निरपायो निरासङ्गो निःशब्दो निरुपाधिकः ॥  ८८॥<br /> nirbhedo nityasatvastho niryogakṣema ātmavān .<br />nirapāyo nirāsaṅgo niḥśabdo nirupādhikaḥ .. 88..<br />
भवः सर्वेश्वरः स्वामी भवभीतिविभञ्जनः ।<br />दारिद्र्यतृणकूटाग्निर्दारितासुरसन्ततिः ॥  ८९॥<br /> bhavaḥ sarveśvaraḥ svāmī bhavabhītivibhañjanaḥ .<br />dāridryatṛṇakūṭāgnirdāritāsurasantatiḥ .. 89..<br />
मुक्तिदो मुदितोऽकुब्जो धार्मिको भक्तवत्सलः ।<br />अभ्यासातिशयज्ञेयस्चन्द्रमौलिः कलाधरः ॥  ९०॥<br /> muktido mudito'kubjo dhārmiko bhaktavatsalaḥ .<br />abhyāsātiśayajñeyascandramauliḥ kalādharaḥ .. 90..<br />
महाबलो महावीर्यो विभुः श्रीशः शुभप्रदः ।<br />सिद्धः पुराणपुरुषो रणमण्डलभैरवः ॥  ९१॥<br /> mahābalo mahāvīryo vibhuḥ śrīśaḥ śubhapradaḥ .<br />siddhaḥ purāṇapuruṣo raṇamaṇḍalabhairavaḥ .. 91..<br />
सद्योजातो वटारण्यवासी पुरुषवल्लभः ।<br />हरिकेशो महात्राता नीलग्रीवस्सुमङ्गलः ॥  ९२॥<br /> sadyojāto vaṭāraṇyavāsī puruṣavallabhaḥ .<br />harikeśo mahātrātā nīlagrīvassumaṅgalaḥ .. 92..<br />
हिरण्यबाहुस्तीक्ष्णांशुः कामेशः सोमविग्रहः ।<br />सर्वात्मा सर्वकर्ता च ताण्डवो मुण्डमालिकः ॥  ९३॥<br /> hiraṇyabāhustīkṣṇāṁśuḥ kāmeśaḥ somavigrahaḥ .<br />sarvātmā sarvakartā ca tāṇḍavo muṇḍamālikaḥ .. 93..<br />
अग्रगण्यः सुगम्भीरो देशिको वैदिकोत्तमः ।<br />प्रसन्नदेवो वागीशश्चिन्तातिमिरभास्करः ॥  ९४॥<br /> agragaṇyaḥ sugambhīro deśiko vaidikottamaḥ .<br />prasannadevo vāgīśaścintātimirabhāskaraḥ .. 94..<br />
गौरीपतिस्तुङ्गमौलिर्मखराजो महाकविः ।<br />श्रीधरस्सर्वसिद्धेशो विश्वनाथो दयानिधिः ॥  ९५॥<br /> gaurīpatistuṅgamaulirmakharājo mahākaviḥ .<br />śrīdharassarvasiddheśo viśvanātho dayānidhiḥ .. 95..<br />
अन्तर्मुखो बहिर्दृष्टिः सिद्धवेषमनोहरः ।<br />कृत्तिवासाः कृपासिन्धुर्मन्त्रसिद्धो मतिप्रदः ॥  ९६॥<br /> antarmukho bahirdṛṣṭiḥ siddhaveṣamanoharaḥ .<br />kṛttivāsāḥ kṛpāsindhurmantrasiddho matipradaḥ .. 96..<br />
महोत्कृष्टः पुण्यकरो जगत्साक्षी सदाशिवः ।<br />महाक्रतुर्महायज्वा विश्वकर्मा तपोनिधिः ॥  ९७॥<br /> mahotkṛṣṭaḥ puṇyakaro jagatsākṣī sadāśivaḥ .<br />mahākraturmahāyajvā viśvakarmā taponidhiḥ .. 97..<br />
छन्दोमयो महाज्ञानी सर्वज्ञो देववन्दितः ।<br />सार्वभौमस्सदानन्दः करुणामृतवारिधिः ॥  ९८॥<br /> chandomayo mahājñānī sarvajño devavanditaḥ .<br />sārvabhaumassadānandaḥ karuṇāmṛtavāridhiḥ .. 98..<br />
कालकालः कलिध्वंसी जरामरणनाशकः ।<br />शितिकण्ठश्चिदानन्दो योगिनीगणसेवितः ॥  ९९॥<br /> kālakālaḥ kalidhvaṁsī jarāmaraṇanāśakaḥ .<br />śitikaṇṭhaścidānando yoginīgaṇasevitaḥ .. 99..<br />
चण्डीईशः शुकसंवेद्यः पुण्यश्लोको दिवस्पतिः ।<br />स्थायी सकलतत्त्वात्मा सदासेवकवर्धनः ॥  १००॥<br /> caṇḍīīśaḥ śukasaṁvedyaḥ puṇyaśloko divaspatiḥ .<br />sthāyī sakalatattvātmā sadāsevakavardhanaḥ .. 100..<br />
रोहिताश्वः क्षमारूपी तप्तचामीकरप्रभः ।<br />त्रियंबको वररुचिर्देवदेवश्चतुर्भुजः ॥  १०१।<br /> rohitāśvaḥ kṣamārūpī taptacāmīkaraprabhaḥ .<br />triyaṁbako vararucirdevadevaścaturbhujaḥ .. 101.<br />
विश्वंभरो विचित्राङ्गो विधाता पुरशासनः ।<br />सुब्रह्मण्यो जगत्स्वामी रोहिताक्षः शिवोत्तमः ॥  १०२॥<br /> viśvaṁbharo vicitrāṅgo vidhātā puraśāsanaḥ .<br />subrahmaṇyo jagatsvāmī rohitākṣaḥ śivottamaḥ .. 102..<br />
नक्षत्रमालाभरणो मघवान् अघनासनः ।<br />विधिकर्ता विधानज्ञः प्रधानपुरुषेश्वरः ॥  १०३॥<br /> nakṣatramālābharaṇo maghavān aghanāsanaḥ .<br />vidhikartā vidhānajñaḥ pradhānapuruṣeśvaraḥ .. 103..<br />
चिन्तामणिः सुरगुरुर्ध्येयो नीराजनप्रियः ।<br />गोविन्दो राजराजेशो बहुपुष्पार्चनप्रियः ॥  १०४॥ ।<br /> cintāmaṇiḥ suragururdhyeyo nīrājanapriyaḥ .<br />govindo rājarājeśo bahupuṣpārcanapriyaḥ .. 104...<br />
सर्वानन्दो दयारूपी शैलजासुमनोहरः ।<br />सुविक्रमः सर्वगतो हेतुसाधनवर्जितः ॥  १०५॥<br /> sarvānando dayārūpī śailajāsumanoharaḥ .<br />suvikramaḥ sarvagato hetusādhanavarjitaḥ .. 105..<br />
वृषाङ्को रमणीयाङ्गः सदङ्घ्रिः सामपारगः ।<br />मन्त्रात्मा कोटिकन्दर्पसौन्दर्यरसवारिधिः ॥  १०६ ॥<br /> vṛṣāṅko ramaṇīyāṅgaḥ sadaṅghriḥ sāmapāragaḥ .<br />mantrātmā koṭikandarpasaundaryarasavāridhiḥ .. 106 ..<br />
यज्ञेशो यज्ञपुरुषः सृष्टिस्थित्यन्तकारणम् ।<br />परहंसैकजिज्ञास्यः स्वप्रकाशस्वरूपवान् ॥  १०७॥<br /> yajñeśo yajñapuruṣaḥ sṛṣṭisthityantakāraṇam .<br />parahaṁsaikajijñāsyaḥ svaprakāśasvarūpavān .. 107..<br />
मुनिमृग्यो देवमृग्यो मृगहस्तो मृगेश्वरः ।<br />मृगेन्द्रचर्मवसनो नरसिंहनिपातनः ॥  १०८॥<br /> munimṛgyo devamṛgyo mṛgahasto mṛgeśvaraḥ .<br />mṛgendracarmavasano narasiṁhanipātanaḥ .. 108..<br />
मुनिवन्द्यो मुनिश्रेष्ठो मुनिबृन्दनिषेवितः ।<br />दुष्टमृत्युरदुष्टेहो मृत्युहा मृत्युपूजितः ॥  १०९॥<br /> munivandyo muniśreṣṭho munibṛndaniṣevitaḥ .<br />duṣṭamṛtyuraduṣṭeho mṛtyuhā mṛtyupūjitaḥ .. 109..<br />
अव्यक्तोऽम्बुजजन्मादिकोटिकोटिसुपूजितः ।<br />लिङ्गमूर्तिरलिङ्गात्मा लिङ्गात्मा लिङ्गविग्रहः ॥  ११०॥<br /> avyakto'mbujajanmādikoṭikoṭisupūjitaḥ .<br />liṅgamūrtiraliṅgātmā liṅgātmā liṅgavigrahaḥ .. 110..<br />
यजुर्मूर्तिः साममूर्तिरृङ्मूर्तिर्मूर्तिवर्जितः ।<br />विश्वेशो गजचर्मैकचेलाञ्चितकटीतटः ॥  १११॥<br /> yajurmūrtiḥ sāmamūrtirṛṅmūrtirmūrtivarjitaḥ .<br />viśveśo gajacarmaikacelāñcitakaṭītaṭaḥ .. 111..<br />
पावनान्तेवसद्योगिजनसार्थसुधाकरः ।<br />अनन्तसोमसूर्याग्निमण्डलप्रतिमप्रभः ॥  ११२॥<br /> pāvanāntevasadyogijanasārthasudhākaraḥ .<br />anantasomasūryāgnimaṇḍalapratimaprabhaḥ .. 112..<br />
चिन्ताशोकप्रशमनः सर्वविद्याविशारदः ।<br />भक्तविज्ञाप्तिसन्धाता कर्ता गिरिवराकृतिः ॥  ११३॥<br /> cintāśokapraśamanaḥ sarvavidyāviśāradaḥ .<br />bhaktavijñāptisandhātā kartā girivarākṛtiḥ .. 113..<br />
ज्ञानप्रदो मनोवासः क्षेम्यो मोहविनाशनः ।<br />सुरोत्तमश्चित्रभानुः सदावैभवतत्परः ॥  ११४॥<br /> jñānaprado manovāsaḥ kṣemyo mohavināśanaḥ .<br />surottamaścitrabhānuḥ sadāvaibhavatatparaḥ .. 114..<br />
सुहृदग्रेसरः सिद्धज्ञानमुद्रो गणाधिपः ।<br />आगमश्चर्मवसनो वाञ्छितार्थफलप्रदः ॥  ११५॥<br /> suhṛdagresaraḥ siddhajñānamudro gaṇādhipaḥ .<br />āgamaścarmavasano vāñchitārthaphalapradaḥ .. 115..<br />
अन्तर्हितोऽसमानश्च देवसिंहासनाधिपः ।<br />विवादहन्ता सर्वात्मा कालः कालविवर्जितः ॥  ११६॥<br /> antarhito'samānaśca devasiṁhāsanādhipaḥ .<br />vivādahantā sarvātmā kālaḥ kālavivarjitaḥ .. 116..<br />
विश्वातीतो विश्वकर्ता विश्वेशो विश्वकारणम् ।<br />योगिध्येयो योगनिष्ठो योगात्मा योगवित्तमः ॥  ११७॥<br /> viśvātīto viśvakartā viśveśo viśvakāraṇam .<br />yogidhyeyo yoganiṣṭho yogātmā yogavittamaḥ .. 117..<br />
ओंकाररूपो भगवान् बिन्दुनादमयः शिवः ।<br />चतुर्मुखादिसंस्तुत्यश्चतुर्वर्गफलप्रदः ॥  ११८॥<br /> oṁkārarūpo bhagavān bindunādamayaḥ śivaḥ .<br />caturmukhādisaṁstutyaścaturvargaphalapradaḥ .. 118..<br />
सह्याचलगुहावासी साक्षान्मोक्षरसामृतः ।<br />दक्षाध्वरसमुच्छेत्ता पक्षपातविवर्जितः ॥  ११९॥<br /> sahyācalaguhāvāsī sākṣānmokṣarasāmṛtaḥ .<br />dakṣādhvarasamucchettā pakṣapātavivarjitaḥ .. 119..<br />
ओंकारवाचकः शंभुः शंकरः शशिशीतलः ।<br />पङ्कजासनसंसेव्यः किंकरामरवत्सलः ॥  १२०॥<br /> oṁkāravācakaḥ śaṁbhuḥ śaṁkaraḥ śaśiśītalaḥ .<br />paṅkajāsanasaṁsevyaḥ kiṁkarāmaravatsalaḥ .. 120..<br />
नतदौर्भाग्यतूलाग्निः कृतकौतुकमङ्गलः ।<br />त्रिलोकमोहनः श्रीमत्त्रिपुण्ड्राङ्कितमस्तकः ॥  १२१॥<br /> natadaurbhāgyatūlāgniḥ kṛtakautukamaṅgalaḥ .<br />trilokamohanaḥ śrīmattripuṇḍrāṅkitamastakaḥ .. 121..<br />
क्रौञ्चारिजनकः श्रीमद्गणनाथसुतान्वितः ।<br />अद्भुतानन्तवरदोऽपरिच्छिनात्मवैभवः ॥  १२२॥<br /> krauñcārijanakaḥ śrīmadgaṇanāthasutānvitaḥ .<br />adbhutānantavarado'paricchinātmavaibhavaḥ .. 122..<br />
इष्टापूर्तप्रियः शर्व एकवीरः प्रियंवदः ।<br />ऊहापोहविनिर्मुक्त ओंकारेश्वरपूजितः ॥  १२३॥<br /> iṣṭāpūrtapriyaḥ śarva ekavīraḥ priyaṁvadaḥ .<br />ūhāpohavinirmukta oṁkāreśvarapūjitaḥ .. 123..<br />
रुद्राक्षवक्षा रुद्राक्षरूपो रुद्राक्षपक्षकः ।<br />भुजगेन्द्रलसत्कण्ठो भुजङ्गाभरणप्रियः ॥  १२४॥<br /> rudrākṣavakṣā rudrākṣarūpo rudrākṣapakṣakaḥ .<br />bhujagendralasatkaṇṭho bhujaṅgābharaṇapriyaḥ .. 124..<br />
कल्याणरूपः कल्याणः कल्याणगुणसंश्रयः ।<br />सुन्दरभ्रूः सुनयनः सुललाटः सुकन्धरः ॥  १२५॥<br /> kalyāṇarūpaḥ kalyāṇaḥ kalyāṇaguṇasaṁśrayaḥ .<br />sundarabhrūḥ sunayanaḥ sulalāṭaḥ sukandharaḥ .. 125..<br />
विद्वज्जनाश्रयो विद्वज्जनस्तव्यपराक्रमः ।<br />विनीतवत्सलो नीतिस्वरूपो नीतिसंश्रयः ॥  १२६॥<br /> vidvajjanāśrayo vidvajjanastavyaparākramaḥ .<br />vinītavatsalo nītisvarūpo nītisaṁśrayaḥ .. 126..<br />
अतिरागी वीतरागी रागहेतुर्विरागवित् ।<br />रागहा रागशमनो रागदो रागिरागवित् ॥  १२७॥<br /> atirāgī vītarāgī rāgaheturvirāgavit .<br />rāgahā rāgaśamano rāgado rāgirāgavit .. 127..<br />
मनोन्मनो मनोरूपो बलप्रमथनो बलः ।<br />विद्याकरो महाविद्यो विद्याविद्याविशारदः ॥  १२८॥<br /> manonmano manorūpo balapramathano balaḥ .<br />vidyākaro mahāvidyo vidyāvidyāviśāradaḥ .. 128..<br />
वसन्तकृद्वसन्तात्मा वसन्तेशो वसन्तदः ।<br />प्रावृट्कृत् प्रावृडाकारः प्रावृट्कालप्रवर्तकः ॥  १२९॥<br /> vasantakṛdvasantātmā vasanteśo vasantadaḥ .<br />prāvṛṭkṛt prāvṛḍākāraḥ prāvṛṭkālapravartakaḥ .. 129..<br />
शरन्नाथो शरत्कालनाशकः शरदाश्रयः ।<br />कुन्दमन्दारपुष्पौघलसद्वायुनिषेवितः ॥  १३०॥<br /> śarannātho śaratkālanāśakaḥ śaradāśrayaḥ .<br />kundamandārapuṣpaughalasadvāyuniṣevitaḥ .. 130..<br />
दिव्यदेहप्रभाकूटसंदीपितदिगन्तरः ।<br />देवासुरगुरुस्तव्यो देवासुरनमस्कृतः ॥  १३१॥<br /> divyadehaprabhākūṭasaṁdīpitadigantaraḥ .<br />devāsuragurustavyo devāsuranamaskṛtaḥ .. 131..<br />
वामाङ्गभागविलसच्छ्यामलावीक्षणप्रियः ।<br />कीर्त्याधारः कीर्तिकरः कीर्तिहेतुरहेतुकः ॥  १३२॥<br /> vāmāṅgabhāgavilasacchyāmalāvīkṣaṇapriyaḥ .<br />kīrtyādhāraḥ kīrtikaraḥ kīrtiheturahetukaḥ .. 132..<br />
शरणागतदीनार्तपरित्राणपरायणः ।<br />महाप्रेतासनासीनो जितसर्वपितामहः ॥  १३३॥<br /> śaraṇāgatadīnārtaparitrāṇaparāyaṇaḥ .<br />mahāpretāsanāsīno jitasarvapitāmahaḥ .. 133..<br />
मुक्तादामपरीताङ्गो नानागानविशारदः ।<br />विष्णुब्रह्मादिवन्द्याङ्घ्रिर्नानादेशैकनायकः ॥  १३४॥<br /> muktādāmaparītāṅgo nānāgānaviśāradaḥ .<br />viṣṇubrahmādivandyāṅghrirnānādeśaikanāyakaḥ .. 134..<br />
धीरोदात्तो महाधीरो धैर्यदो धैर्यवर्धकः ।<br />विज्ञानमय आनन्दमयः प्राणमयोऽन्नदः ॥  १३५॥<br /> dhīrodātto mahādhīro dhairyado dhairyavardhakaḥ .<br />vijñānamaya ānandamayaḥ prāṇamayo'nnadaḥ .. 135..<br />
भवाब्धितरणोपायः कविर्दुःस्वप्ननाशनः ।<br />गौरीविलाससदनः पिशचानुचरावृतः ॥  १३६॥<br /> bhavābdhitaraṇopāyaḥ kavirduḥsvapnanāśanaḥ .<br />gaurīvilāsasadanaḥ piśacānucarāvṛtaḥ .. 136..<br />
दक्षिणाप्रेमसंतुष्टो दारिद्र्यबडवानलः ।<br />अद्भुतानन्तसंग्रामो डक्कावादनतत्परः ॥  १३७॥<br /> dakṣiṇāpremasaṁtuṣṭo dāridryabaḍavānalaḥ .<br />adbhutānantasaṁgrāmo ḍakkāvādanatatparaḥ .. 137..<br />
प्राच्यात्मा दक्षिणाकारः प्रतीच्यात्मोत्तराकृतिः ।<br />ऊर्ध्वाद्यन्यदिगाकारो मर्मज्ञः सर्वशिक्षकः ॥  १३८॥<br /> prācyātmā dakṣiṇākāraḥ pratīcyātmottarākṛtiḥ .<br />ūrdhvādyanyadigākāro marmajñaḥ sarvaśikṣakaḥ .. 138..<br />
युगावहो युगाधीशो युगात्मा युगनायकः ।<br />जङ्गमः स्थावराकारः कैलासशिखरप्रियः ॥  १३९॥<br /> yugāvaho yugādhīśo yugātmā yuganāyakaḥ .<br />jaṅgamaḥ sthāvarākāraḥ kailāsaśikharapriyaḥ .. 139..<br />
हस्तराजत्पुण्डरीकः पुण्डरीकनिभेक्षणः ।<br />लीलाविडंबितवपुर्भक्तमानसमण्डितः ॥  १४०॥<br /> hastarājatpuṇḍarīkaḥ puṇḍarīkanibhekṣaṇaḥ .<br />līlāviḍaṁbitavapurbhaktamānasamaṇḍitaḥ .. 140..<br />
बृन्दारकप्रियतमो बृन्दारकवरार्चितः ।<br />नानाविधानेकरत्नलसत्कुण्डलमण्डितः ॥  १४१॥<br /> bṛndārakapriyatamo bṛndārakavarārcitaḥ .<br />nānāvidhānekaratnalasatkuṇḍalamaṇḍitaḥ .. 141..<br />
निःसीममहिमा नित्यलीलाविग्रहरूपधृत् ।<br />चन्दनद्रवदिग्धाङ्गश्चाम्पेयकुसुमार्चितः ॥  १४२॥<br /> niḥsīmamahimā nityalīlāvigraharūpadhṛt .<br />candanadravadigdhāṅgaścāmpeyakusumārcitaḥ .. 142..<br />
समस्तभक्तसुखदः परमाणुर्महाह्रदः ।<br />अलौकिको दुष्प्रधर्षः कपिलः कालकन्धरः ॥  १४३॥<br /> samastabhaktasukhadaḥ paramāṇurmahāhradaḥ .<br />alaukiko duṣpradharṣaḥ kapilaḥ kālakandharaḥ .. 143..<br />
कर्पूरगौरः कुशलः सत्यसन्धो जितेन्द्रियः ।<br />शाश्वतैश्वर्यविभवः पोषकः सुसमाहितः ॥  १४४॥<br /> karpūragauraḥ kuśalaḥ satyasandho jitendriyaḥ .<br />śāśvataiśvaryavibhavaḥ poṣakaḥ susamāhitaḥ .. 144..<br />
महर्षिनाथितो ब्रह्मयोनिः सर्वोत्तमोत्तमः ।<br />भूतिभारार्तिसंहर्ता षडूर्मिरहितो मृडः ॥  १४५॥<br /> maharṣināthito brahmayoniḥ sarvottamottamaḥ .<br />bhūtibhārārtisaṁhartā ṣaḍūrmirahito mṛḍaḥ .. 145..<br />
त्रिविष्टपेश्वरः सर्वहृदयाम्बुजमध्यगः ।<br />सहस्रदलपद्मस्थः सर्ववर्णोपशोभितः ॥  १४६॥<br /> triviṣṭapeśvaraḥ sarvahṛdayāmbujamadhyagaḥ .<br />sahasradalapadmasthaḥ sarvavarṇopaśobhitaḥ .. 146..<br />
पुण्यमूर्तिः पुण्यलभ्यः पुण्यश्रवणकीर्तनः ।<br />सूर्यमण्डलमध्यस्थश्चन्द्रमण्डलमध्यगः ॥  १४७॥<br /> puṇyamūrtiḥ puṇyalabhyaḥ puṇyaśravaṇakīrtanaḥ .<br />sūryamaṇḍalamadhyasthaścandramaṇḍalamadhyagaḥ .. 147..<br />
सद्भक्तध्याननिगलः शरणागतपालकः ।<br />श्वेतातपत्ररुचिरः श्वेतचामरवीजितः ॥  १४८॥<br /> sadbhaktadhyānanigalaḥ śaraṇāgatapālakaḥ .<br />śvetātapatraruciraḥ śvetacāmaravījitaḥ .. 148..<br />
सर्वावयवसंपूर्णः सर्वलक्षणलक्षितः ।<br />सर्वमङ्गलमाङ्गल्यः सर्वकारणकारणः ॥  १४९॥<br /> sarvāvayavasaṁpūrṇaḥ sarvalakṣaṇalakṣitaḥ .<br />sarvamaṅgalamāṅgalyaḥ sarvakāraṇakāraṇaḥ .. 149..<br />
अमोदो मोदजनकः सर्पराजोत्तरीयकः ।<br />कपाली कोविदः सिद्धकान्तिसंवलिताननः ॥  १५०॥<br /> amodo modajanakaḥ sarparājottarīyakaḥ .<br />kapālī kovidaḥ siddhakāntisaṁvalitānanaḥ .. 150..<br />
सर्वसद्गुरुसंसेव्यो दिव्यचन्दनचर्चितः ।<br />विलासिनीकृतोल्लास इच्छाशक्तिनिषेवितः ॥  १५१॥<br /> sarvasadgurusaṁsevyo divyacandanacarcitaḥ .<br />vilāsinīkṛtollāsa icchāśaktiniṣevitaḥ .. 151..<br />
अनन्तानन्दसुखदो नन्दनः श्रीनिकेतनः ।<br />अमृताब्धिकृतावासो नित्यक्लीबो निरामयः ॥  १५२॥<br /> anantānandasukhado nandanaḥ śrīniketanaḥ .<br />amṛtābdhikṛtāvāso nityaklībo nirāmayaḥ .. 152..<br />
अनपायोऽनन्तदृष्टिरप्रमेयोऽजरोऽमरः ।<br />तमोमोहप्रतिहतिरप्रतर्क्योऽमृतोऽक्षरः ॥  १५३॥<br /> anapāyo'nantadṛṣṭiraprameyo'jaro'maraḥ .<br />tamomohapratihatirapratarkyo'mṛto'kṣaraḥ .. 153..<br />
अमोघबुद्धिराधार आधाराधेयवर्जितः ।<br />ईषणात्रयनिर्मुक्त इहामुत्रविवर्जितः ॥  १५४॥<br /> amoghabuddhirādhāra ādhārādheyavarjitaḥ .<br />īṣaṇātrayanirmukta ihāmutravivarjitaḥ .. 154..<br />
ऋग्यजुःसामनयनो बुद्धिसिद्धिसमृद्धिदः ।<br />औदार्यनिधिरापूर्ण ऐहिकामुष्मिकप्रदः ॥  १५५॥<br /> ṛgyajuḥsāmanayano buddhisiddhisamṛddhidaḥ .<br />audāryanidhirāpūrṇa aihikāmuṣmikapradaḥ .. 155..<br />
शुद्धसन्मात्रसंविद्धी-स्वरूपसुखविग्रहः ।<br />दर्शनप्रथमाभासो दृष्टिदृश्यविवर्जितः ॥  १५६॥<br /> śuddhasanmātrasaṁviddhī-svarūpasukhavigrahaḥ .<br />darśanaprathamābhāso dṛṣṭidṛśyavivarjitaḥ .. 156..<br />
अग्रगण्योऽचिन्त्यरूपः कलिकल्मषनाशनः ।<br />विमर्शरूपो विमलो नित्यरूपो निराश्रयः ॥  १५७॥<br /> agragaṇyo'cintyarūpaḥ kalikalmaṣanāśanaḥ .<br />vimarśarūpo vimalo nityarūpo nirāśrayaḥ .. 157..<br />
नित्यशुद्धो नित्यबुद्धः नित्यमुक्तोऽपराकृतः ।<br />मैत्र्यादिवासनालभ्यो महाप्रलयस<ंस्थितः ॥  १५८॥<br /> nityaśuddho nityabuddhaḥ nityamukto'parākṛtaḥ .<br />maitryādivāsanālabhyo mahāpralayasa<ṁsthitaḥ .. 158..<br />
महाकैलासनिलयः प्रज्ञानघनविग्रहः ।<br />श्रीमान् व्याघ्रपुरावासो भुक्तिमुक्तिप्रदायकः ॥  १५९॥<br /> mahākailāsanilayaḥ prajñānaghanavigrahaḥ .<br />śrīmān vyāghrapurāvāso bhuktimuktipradāyakaḥ .. 159..<br />
जगद्योनिर्जगत्साक्षी जगदीशो जगन्मयः ।<br />जपो जपपरो जप्यो विद्यासिंहासनप्रभुः ॥  १६०॥<br /> jagadyonirjagatsākṣī jagadīśo jaganmayaḥ .<br />japo japaparo japyo vidyāsiṁhāsanaprabhuḥ .. 160..<br />
तत्त्वानां प्रकृतिस्तत्त्वं तत्त्वंपदनिरूपितः ।<br />दिक्कालाद्यनवच्छिन्नः सहजानन्दसागरः ॥  १६१॥<br /> tattvānāṁ prakṛtistattvaṁ tattvaṁpadanirūpitaḥ .<br />dikkālādyanavacchinnaḥ sahajānandasāgaraḥ .. 161..<br />
प्रकृतिः प्राकृतातीतो विज्ञानैकरसाकृतिः ।<br />निःशङ्कमतिदूरस्थश्चैत्यचेतनचिन्तनः ॥  १६२॥<br /> prakṛtiḥ prākṛtātīto vijñānaikarasākṛtiḥ .<br />niḥśaṅkamatidūrasthaścaityacetanacintanaḥ .. 162..<br />
तारकानां हृदन्तस्थस्तारकस्तारकान्तकः ।<br />ध्यानैकप्रकटो ध्येयो ध्यानी ध्यानविभूषणः ॥  १६३॥<br /> tārakānāṁ hṛdantasthastārakastārakāntakaḥ .<br />dhyānaikaprakaṭo dhyeyo dhyānī dhyānavibhūṣaṇaḥ .. 163..<br />
परं व्योम परं धाम परमात्मा परं पदम् ।<br />पूर्णानन्दः सदानन्दो नादमध्यप्रतिष्ठितः ॥  १६४॥<br /> paraṁ vyoma paraṁ dhāma paramātmā paraṁ padam .<br />pūrṇānandaḥ sadānando nādamadhyapratiṣṭhitaḥ .. 164..<br />
प्रमाविपर्ययातीतः प्रणताज्ञाननाशकः ।<br />बाणार्चिताङ्घ्रिर्बहुदो बालकेलिकुतूहली ॥  १६५॥<br /> pramāviparyayātītaḥ praṇatājñānanāśakaḥ .<br />bāṇārcitāṅghrirbahudo bālakelikutūhalī .. 165..<br />
ब्रह्मरूपी ब्रह्मपदं ब्रह्मविद् ब्राह्मणप्रियः ।<br />भूक्षेपदत्तलक्ष्मीको भूमध्यध्यानलक्षितः ॥  १६६॥<br /> brahmarūpī brahmapadaṁ brahmavid brāhmaṇapriyaḥ .<br />bhūkṣepadattalakṣmīko bhūmadhyadhyānalakṣitaḥ .. 166..<br />
यशस्करो रत्नगर्भो महाराज्यसुखप्रदः ।<br />शब्दब्रह्म शमप्राप्यो लाभकृल्लोकविश्रुतः ॥  १६७॥<br /> yaśaskaro ratnagarbho mahārājyasukhapradaḥ .<br />śabdabrahma śamaprāpyo lābhakṛllokaviśrutaḥ .. 167..<br />
शास्ता शिवाद्रिनिलयः शरण्यो याजकप्रियः ।<br />संसारवैद्यः सर्वज्ञः सभेषजविभेषजः ॥  १६८॥<br /> śāstā śivādrinilayaḥ śaraṇyo yājakapriyaḥ .<br />saṁsāravaidyaḥ sarvajñaḥ sabheṣajavibheṣajaḥ .. 168..<br />
मनोवचोभिरग्राह्यः पञ्चकोशविलक्षणः ।<br />अवस्थात्रयनिर्मुक्तस्त्ववस्थासाक्षितुर्यकः ॥  १६९॥<br /> manovacobhiragrāhyaḥ pañcakośavilakṣaṇaḥ .<br />avasthātrayanirmuktastvavasthāsākṣituryakaḥ .. 169..<br />
पञ्चभूतादिदूरस्थः प्रत्यगेकरसोऽव्ययः ।<br />षट्चक्रान्तर्गतोल्लासी षड्विकारविवर्जितः ॥  १७०॥<br /> pañcabhūtādidūrasthaḥ pratyagekaraso'vyayaḥ .<br />ṣaṭcakrāntargatollāsī ṣaḍvikāravivarjitaḥ .. 170..<br />
विज्ञानघनसंपूर्णो वीणावादनतत्परः ।<br />नीहाराकारगौराङ्गो महालावण्यवारिधिः ॥  १७१॥<br /> vijñānaghanasaṁpūrṇo vīṇāvādanatatparaḥ .<br />nīhārākāragaurāṅgo mahālāvaṇyavāridhiḥ .. 171..<br />
पराभिचारशमनः षडध्वोपरिसंस्थितः ।<br />सुषुम्नामार्गसंचारी बिसतन्तुनिभाकृतिः ॥  १७२॥<br /> parābhicāraśamanaḥ ṣaḍadhvoparisaṁsthitaḥ .<br />suṣumnāmārgasaṁcārī bisatantunibhākṛtiḥ .. 172..<br />
पिनाकी लिङ्गरूपश्रीः मङ्गलावयवोज्ज्वलः ।<br />क्षेत्राधिपः सुसंवेद्यः श्रीप्रदो विभवप्रदः ॥  १७३॥<br /> pinākī liṅgarūpaśrīḥ maṅgalāvayavojjvalaḥ .<br />kṣetrādhipaḥ susaṁvedyaḥ śrīprado vibhavapradaḥ .. 173..<br />
सर्ववश्यकरः सर्वदोषहा पुत्रपौत्रदः ।<br />तैलदीपप्रियस्तैलपक्वान्नप्रीतमानसः ॥  १७४॥<br /> sarvavaśyakaraḥ sarvadoṣahā putrapautradaḥ .<br />tailadīpapriyastailapakvānnaprītamānasaḥ .. 174..<br />
तैलाभिषेकसंतुष्टस्तिलभक्षणतत्परः ।<br />आपादकनिकामुक्ताभूषाशतमनोहरः ॥  १७५॥<br /> tailābhiṣekasaṁtuṣṭastilabhakṣaṇatatparaḥ .<br />āpādakanikāmuktābhūṣāśatamanoharaḥ .. 175..<br />
शाणोल्लीढमणिश्रेणीरम्याङ्घ्रिनखमण्डलः ।<br />मणिमञ्जीरकिरणकिञ्जल्कितपदाम्बुजः ॥  १७६॥<br /> śāṇollīḍhamaṇiśreṇīramyāṅghrinakhamaṇḍalaḥ .<br />maṇimañjīrakiraṇakiñjalkitapadāmbujaḥ .. 176..<br />
अपस्मारोपरिन्यस्तसव्यपादसरोरुहः ।<br />कन्दर्पतूणाभजङ्घो गुल्फोदञ्चितनूपुरः ॥  १७७॥<br /> apasmāroparinyastasavyapādasaroruhaḥ .<br />kandarpatūṇābhajaṅgho gulphodañcitanūpuraḥ .. 177..<br />
करिहस्तोपमेयोरुरादर्शोज्ज्वलजानुभृत् ।<br />विशङ्कटकटिन्यस्तवाचालमणिमेखलः ॥  १७८॥<br /> karihastopameyorurādarśojjvalajānubhṛt .<br />viśaṅkaṭakaṭinyastavācālamaṇimekhalaḥ .. 178..<br />
आवर्तनाभिरोमालिवलिमत्पल्लवोदरः ।<br />मुक्ताहारलसत्तुङ्गविपुलोरस्करञ्जितः ॥  १७९॥<br /> āvartanābhiromālivalimatpallavodaraḥ .<br />muktāhāralasattuṅgavipuloraskarañjitaḥ .. 179..<br />
वीरासनसमासीनो वीणापुस्तोल्लसत्करः ।<br />अक्षमालालसत्पाणिश्चिन्मुद्रितकराम्बुजः ॥  १८०॥<br /> vīrāsanasamāsīno vīṇāpustollasatkaraḥ .<br />akṣamālālasatpāṇiścinmudritakarāmbujaḥ .. 180..<br />
माणिक्यकङ्कणोल्लासिकराम्बुजविराजितः ।<br />अनर्घरत्नग्रैवेयविलसत्कंबुकन्धरः ॥  १८१॥<br /> māṇikyakaṅkaṇollāsikarāmbujavirājitaḥ .<br />anargharatnagraiveyavilasatkaṁbukandharaḥ .. 181..<br />
अनाकलितसादृश्यचिबुकश्रीविराजितः ।<br />मुग्धस्मितपरीपाकप्रकाशितरदाङ्कुरः ॥  १८२॥<br /> anākalitasādṛśyacibukaśrīvirājitaḥ .<br />mugdhasmitaparīpākaprakāśitaradāṅkuraḥ .. 182..<br />
चारुचाम्पेयपुष्पाभनासिकापुटरञ्जितः ।<br />वरवज्रशिलादर्शपरिभाविकपोलभूः ॥  १८३॥<br /> cārucāmpeyapuṣpābhanāsikāpuṭarañjitaḥ .<br />varavajraśilādarśaparibhāvikapolabhūḥ .. 183..<br />
कर्णद्वयोल्लसद्दिव्यमणिकुण्डलमण्डित्तः ।<br />करुणालहरीपूर्णकर्णान्तायतलोचनः ॥  १८४॥<br /> karṇadvayollasaddivyamaṇikuṇḍalamaṇḍittaḥ .<br />karuṇālaharīpūrṇakarṇāntāyatalocanaḥ .. 184..<br />
अर्धचन्द्राभनिटिलपाटीरतिलकोज्ज्वलः ।<br />चारुचामीकराकारजटाचर्चितचन्दनः ।<br />कैलासशिखरस्फर्धिकमनीयनिजाकृतिः ॥  १८५॥<br /> ardhacandrābhaniṭilapāṭīratilakojjvalaḥ .<br />cārucāmīkarākārajaṭācarcitacandanaḥ .<br />kailāsaśikharasphardhikamanīyanijākṛtiḥ .. 185..<br />


<center>'''॥ श्री दक्षिणामूर्तिसहस्रनामस्तोत्रं संपूर्णम् ॥'''<br /><big>'''.. śrī dakṣiṇāmūrtisahasranāmastotraṁ saṁpūrṇam ..'''</big><br /></center>


== Примечания ==
{{примечания}}

[[Категория:Гимны к Шиве]]
[[Категория:Сахасранама]]
[[Категория:Статьи без иллюстраций]]
[[Категория:Не переведённые тексты]]