Редактирование: Садашива-аштака

सदाशिवाष्टकम्<br />
sadāśivāṣṭakam


पतञ्जलिरुवाच<br />सुवर्णपद्मिनी-तटान्त-दिव्यहर्म्य-वासिने सुपर्णवाहन-प्रियाय सूर्यकोटि-तेजसे।<br />अपर्णया विहारिणे फणाधरेन्द्र-धारिणे सदा नमः शिवाय ते सदाशिवाय शम्भवे॥१॥<br />
patañjaliruvāca<br />suvarṇapadminī-taṭānta-divyaharmya-vāsinē suparṇavāhana-priyāya sūryakōṭi-tējasē .<br />aparṇayā vihāriṇē phaṇādharēndra-dhāriṇē sadā namaḥ śivāya tē sadāśivāya śambhavē ..1 ..<br />
सतुङ्ग-भङ्ग-जह्नुजा-सुधांशु-खण्ड-मौलये पतङ्ग-पङ्कजासुहृत्-कृपीटयोनि-चक्षुषे।<br />भुजङ्गराज-मण्डलाय पुण्यशालि-बन्धवे सदा नमः शिवाय ते सदाशिवाय शम्भवे॥२॥<br />
satuṅga-bhaṅga-jahnujā-sudhāṃśu-khaṇḍa-maulayē pataṅga-paṅkajāsuhṛt-kṛpīṭayōni-cakṣuṣē .<br />bhujaṅgarāja-maṇḍalāya puṇyaśāli-bandhavē sadā namaḥ śivāya tē sadāśivāya śambhavē ..2 ..<br />
चतुर्मुखाननारविन्द-वेदगीत-भूतये चतुर्भुजानुजा-शरीर-शोभमान-मूर्तये।<br />चतुर्विधार्थ-दान-शौण्ड-ताण्डव-स्वरूपिणे सदा नमः शिवाय ते सदाशिवाय शम्भवे॥३॥<br />
caturmukhānanāravinda-vēdagīta-bhūtayē caturbhujānujā-śarīra-śōbhamāna-mūrtayē .<br />caturvidhārtha-dāna-śauṇḍa-tāṇḍava-svarūpiṇē sadā namaḥ śivāya tē sadāśivāya śambhavē ..3 ..<br />
शरन्निशाकर-प्रकाश-मन्दहास-मञ्जुलाधरप्रवाल-भासमान-वक्त्रमण्डल-श्रिये।<br />करस्फुरत्-कपालमुक्तरक्त-विष्णुपालिने सदा नमः शिवाय ते सदाशिवाय शम्भवे॥४॥<br />
śaranniśākara-prakāśa-mandahāsa-mañjulā-dharapravāla-bhāsamāna-vaktramaṇḍala-śriyē .<br />karasphurat-kapālamuktarakta-viṣṇupālinē sadā namaḥ śivāya tē sadāśivāya śambhavē ..4 ..<br />
सहस्र-पुण्डरीक-पूजनैक-शून्यदर्शनात् सहस्रनेत्र-कल्पितार्चनाऽच्युताय भक्तितः।<br />सहस्रभानुमण्डल-प्रकाश-चक्रदायिने सदा नमः शिवाय ते सदाशिवाय शम्भवे॥५॥<br />
sahasra-puṇḍarīka-pūjanaika-śūnyadarśanāt sahasranētra-kalpitārcanā'cyutāya bhaktitaḥ .<br />sahasrabhānumaṇḍala-prakāśa-cakradāyinē sadā namaḥ śivāya tē sadāśivāya śambhavē ..5 ..<br />
रसारथाय रम्यपत्र-भृद्रथाङ्गपाणये रसाधरेन्द्र-चापशिञ्जिनी-कृतानिलाशिने।<br />स्वसारथी-कृताजनुन्न-वेदरूपवाजिने सदा नमः शिवाय ते सदाशिवाय शम्भवे॥६॥<br />
rasārathāya ramyapatra-bhṛdrathāṅgapāṇayē rasādharēndra-cāpaśiñjinī-kṛtānilāśinē .<br />svasārathī-kṛtājanunna-vēdarūpavājinē sadā namaḥ śivāya tē sadāśivāya śambhavē ..6 ..<br />
अति-प्रगल्भ-वीरभद्र-सिंहनाद-गर्जितश्रुतिप्रभीत-दक्षयाग-भोगिनाक-सद्मनाम्।<br />गतिप्रदाय गर्जिताखिल-प्रपञ्चसाक्षिणे सदा नमः शिवाय ते सदाशिवाय शम्भवे॥७॥<br />
ati-pragalbha-vīrabhadra-siṃhanāda-garjita-śrutiprabhīta-dakṣayāga-bhōgināka-sadmanām .<br />gatipradāya garjitākhila-prapañcasākṣiṇē sadā namaḥ śivāya tē sadāśivāya śambhavē ..7 ..<br />
मृकण्डुसूनु-रक्षणावधूतदण्ड-पाणये सुगन्धमण्डल-स्फुरत्-प्रभाजितामृतांशवे।<br />अखण्डभोग-सम्पदर्थलोक-भावितात्मने सदा नमः शिवाय ते सदाशिवाय शम्भवे॥८॥<br />
mṛkaṇḍusūnu-rakṣaṇāvadhūtadaṇḍa-pāṇayē sugandhamaṇḍala-sphurat-prabhājitāmṛtāṃśavē .<br />akhaṇḍabhōga-sampadarthalōka-bhāvitātmanē sadā namaḥ śivāya tē sadāśivāya śambhavē ..8 ..<br />
मधुरिपु-विधि-शक्र-मुख्य-देवैरपि नियमार्चित-पादपङ्कजाय।<br />कनकगिरि-शरासनाय तुभ्यं रजत-सभापतये नमः शिवाय॥९॥<br />
madhuripu-vidhi-śakra-mukhya-dēvairapi niyamārcita-pādapaṅkajāya .<br />kanakagiri-śarāsanāya tubhyaṃ rajata-sabhāpatayē namaḥ śivāya ..9 ..<br />
हालास्यनाथाय महेश्वराय हालाहलालङ्कृत-कन्धराय।<br />मीनेक्षणायाः पतये शिवाय नमो-नमः सुन्दर-ताण्डवाय॥१०॥<br />
hālāsyanāthāya mahēśvarāya hālāhalālaṅkṛta-kandharāya .<br />mīnēkṣaṇāyāḥ patayē śivāya namō-namaḥ sundara-tāṇḍavāya ..10 ..<br />

॥इति श्री हालास्यमाहात्म्ये पतञ्जलिकृतं सदाशिवाष्टकं सम्पूर्णम्॥<br />
..iti śrī hālāsyamāhātmyē patañjalikṛtaṃ sadāśivāṣṭakaṃ sampūrṇam ..<br />


== Примечания ==
{{примечания}}

[[Категория:Гимны к Шиве]]
[[Категория:Статьи без иллюстраций]]
[[Категория:Не переведённые тексты]]