Редактирование: Риг-веда, книга 1

{| class="wikitable" | width="99%"
|-
| width="33%"|<p style="text-align:right;"></p> || width="33%"|<p style="text-align:center;">[[Риг-веда в ASCII-транслитерации|Содержание]]</p> || width="33%"|<p style="text-align:left;">[[Риг-веда, книга 1a]] (1.49.1a-1.102.11c)</p>
|}

==Book 1==
1.1.1a     agni/m iiLe puro/hitaM yaj~na/sya deva/m Rtvi/jam<br>
1.1.1c     ho/taaraM ratnadhaa/tamam<br>
1.1.2a     agni/H puu/rvebhir R/Sibhir ii/Dyo nuu/tanair uta/<br>
1.1.2c     sa/ devaa/M+ e/ha/ vakSati<br>
1.1.3a     agni/naa rayi/m ashnavat po/Sam eva/ dive/-dive<br>
1.1.3c     yasha/saM viira/vattamam<br>
1.1.4a     a/gne ya/M yaj~na/m adhvara/M vishva/taH paribhuu/r a/si<br>
1.1.4c     sa/ i/d deve/Su gachati<br>
1.1.5a     agni/r ho/taa kavi/kratuH satya/sh citra/shravastamaH<br>
1.1.5c     devo/ deve/bhir aa/ gamat<br>
1.1.6a     ya/d a~Nga/ daashu/Se tva/m a/gne bhadra/M kariSya/si<br>
1.1.6c     ta/ve/t ta/t satya/m a~NgiraH<br>
1.1.7a     u/pa tvaagne dive/-dive do/Saavastar dhiyaa/ vaya/m<br>
1.1.7c     na/mo bha/ranta e/masi<br>
1.1.8a     raa/jantam adhvaraa/NaaM gopaa/m Rta/sya dii/divim<br>
1.1.8c     va/rdhamaanaM sve/ da/me<br>
1.1.9a     sa/ naH pite/va suuna/ve/ .agne suupaayano/ bhava<br>
1.1.9c     sa/casvaa naH svasta/ye<br>
1.2.1a     vaa/yav aa/ yaahi darshateme/ so/maa a/raMkRtaaH<br>
1.2.1c     te/Saam paahi shrudhii/ ha/vam<br>
1.2.2a     vaa/ya ukthe/bhir jarante tvaa/m a/chaa jaritaa/raH<br>
1.2.2c     suta/somaa aharvi/daH<br>
1.2.3a     vaa/yo ta/va prapR~ncatii/ dhe/naa jigaati daashu/Se<br>
1.2.3c     uruucii/ so/mapiitaye<br>
1.2.4a     i/ndravaayuu ime/ sutaa/ u/pa pra/yobhir aa/ gatam<br>
1.2.4c     i/ndavo vaam usha/nti hi/<br>
1.2.5a     vaa/yav i/ndrash ca cetathaH sutaa/naaM vaajiniivasuu<br>
1.2.5c     taa/v aa/ yaatam u/pa drava/t<br>
1.2.6a     vaa/yav i/ndrash ca sunvata/ aa/ yaatam u/pa niSkRta/m<br>
1.2.6c     makSv ai\tthaa/ dhiyaa/ naraa<br>
1.2.7a     mitra/M huve puuta/dakSaM va/ruNaM ca rishaa/dasam<br>
1.2.7c     dhi/yaM ghRtaa/ciiM saa/dhantaa<br>
1.2.8a     Rte/na mitraavaruNaav RtaavRdhaav RtaspRshaa<br>
1.2.8c     kra/tum bRha/ntam aashaathe<br>
1.2.9a     kavii/ no mitraa/va/ruNaa tuvijaataa/ urukSa/yaa<br>
1.2.9c     da/kSaM dadhaate apa/sam<br>
1.3.1a     a/shvinaa ya/jvariir i/So dra/vatpaaNii shu/bhas patii<br>
1.3.1c     pu/rubhujaa canasya/tam<br>
1.3.2a     a/shvinaa pu/rudaMsasaa na/raa sha/viirayaa dhiyaa/<br>
1.3.2c     dhi/SNyaa va/nataM gi/raH<br>
1.3.3a     da/sraa yuvaa/kavaH sutaa/ naa/satyaa vRkta/barhiSaH<br>
1.3.3c     aa/ yaataM rudravartanii<br>
1.3.4a     i/ndraa/ yaahi citrabhaano sutaa/ ime/ tvaaya/vaH<br>
1.3.4c     a/Nviibhis ta/naa puutaa/saH<br>
1.3.5a     i/ndraa/ yaahi dhiye/Sito/ vi/prajuutaH sutaa/vataH<br>
1.3.5c     u/pa bra/hmaaNi vaagha/taH<br>
1.3.6a     i/ndraa/ yaahi tuu/tujaana u/pa bra/hmaaNi harivaH<br>
1.3.6c     sute/ dadhiSva nash ca/naH<br>
1.3.7a     o/maasash carSaNiidhRto vi/shve devaasa aa/ gata<br>
1.3.7c     daashvaa/Mso daashu/SaH suta/m<br>
1.3.8a     vi/shve devaa/so aptu/raH suta/m aa/ ganta tuu/rNayaH<br>
1.3.8c     usraa/ iva sva/saraaNi<br>
1.3.9a     vi/shve devaa/so asri/dha e/himaayaaso adru/haH<br>
1.3.9c     me/dhaM juSanta va/hnayaH<br>
1.3.10a     paavakaa/ naH sa/rasvatii vaa/jebhir vaaji/niivatii<br>
1.3.10c     yaj~na/M vaSTu dhiyaa/vasuH<br>
1.3.11a     codayitrii/ suunR/taanaaM ce/tantii sumatiinaa/m<br>
1.3.11c     yaj~na/M dadhe sa/rasvatii<br>
1.3.12a     maho/ a/rNaH sa/rasvatii pra/ cetayati ketu/naa<br>
1.3.12c     dhi/yo vi/shvaa vi/ raajati<br>
1.4.1a     suruupakRtnu/m uuta/ye sudu/ghaam iva godu/he<br>
1.4.1c     juhuuma/si dya/vi-dyavi<br>
1.4.2a     u/pa naH sa/vanaa/ gahi so/masya somapaaH piba<br>
1.4.2c     godaa/ i/d reva/to ma/daH<br>
1.4.3a     a/thaa te a/ntamaanaaM vidyaa/ma sumatiinaa/m<br>
1.4.3c     maa/ no a/ti khya aa/ gahi<br>
1.4.4a     pa/rehi vi/gram a/stRtam i/ndram pRchaa vipashci/tam<br>
1.4.4c     ya/s te sa/khibhya aa/ va/ram<br>
1.4.5a     uta/ bruvantu no ni/do ni/r anya/tash cid aarata<br>
1.4.5c     da/dhaanaa i/ndra i/d du/vaH<br>
1.4.6a     uta/ naH subha/gaaM+ ari/r voce/yur dasma kRSTa/yaH<br>
1.4.6c     syaa/me/d i/ndrasya sha/rmaNi<br>
1.4.7a     e/m aashu/m aasha/ve bhara yaj~nashri/yaM nRmaa/danam<br>
1.4.7c     pataya/n mandaya/tsakham<br>
1.4.8a     asya/ piitvaa/ shatakrato ghano/ vRtraa/Naam abhavaH<br>
1.4.8c     praa/vo vaa/jeSu vaaji/nam<br>
1.4.9a     ta/M tvaa vaa/jeSu vaaji/naM vaaja/yaamaH shatakrato<br>
1.4.9c     dha/naanaam indra saata/ye<br>
1.4.10a     yo/ raayo\ .ava/nir mahaa/n supaara/H sunvata/H sa/khaa<br>
1.4.10c     ta/smaa i/ndraaya gaayata<br>
1.5.1a     aa/ tv e/taa ni/ Siidate/ndram abhi/ pra/ gaayata<br>
1.5.1c     sa/khaaya sto/mavaahasaH<br>
1.5.2a     puruuta/mam puruuNaa/m ii/shaanaM vaa/ryaaNaam<br>
1.5.2c     i/ndraM so/me sa/caa sute/<br>
1.5.3a     sa/ ghaa no yo/ga aa/ bhuvat sa/ raaye/ sa/ pu/raMdhyaam<br>
1.5.3c     ga/mad vaa/jebhir aa/ sa/ naH<br>
1.5.4a     ya/sya saMsthe/ na/ vRNva/te ha/rii sama/tsu sha/travaH<br>
1.5.4c     ta/smaa i/ndraaya gaayata<br>
1.5.5a     sutapaa/vne sutaa/ ime/ shu/cayo yanti viita/ye<br>
1.5.5c     so/maaso da/dhyaashiraH<br>
1.5.6a     tva/M suta/sya piita/ye sadyo/ vRddho/ ajaayathaaH<br>
1.5.6c     i/ndra jyai/SThyaaya sukrato<br>
1.5.7a     aa/ tvaa vishantv aasha/vaH so/maasa indra girvaNaH<br>
1.5.7c     sha/M te santu pra/cetase<br>
1.5.8a     tvaa/M sto/maa aviivRdhan tvaa/m ukthaa/ shatakrato<br>
1.5.8c     tvaa/M vardhantu no gi/raH<br>
1.5.9a     a/kSitotiH saned ima/M vaa/jam i/ndraH sahasri/Nam<br>
1.5.9c     ya/smin vi/shvaani pau/Msyaa<br>
1.5.10a     maa/ no ma/rtaa abhi/ druhan tanuu/naam indra girvaNaH<br>
1.5.10c     ii/shaano yavayaa vadha/m<br>
1.6.1a     yu~nja/nti bradhna/m aruSa/M ca/rantam pa/ri tasthu/SaH<br>
1.6.1c     ro/cante rocanaa/ divi/<br>
1.6.2a     yu~nja/nty asya kaa/myaa ha/rii vi/pakSasaa ra/the<br>
1.6.2c     sho/Naa dhRSNuu/ nRvaa/hasaa<br>
1.6.3a     ketu/M kRNva/nn aketa/ve pe/sho maryaa apesha/se<br>
1.6.3c     sa/m uSa/dbhir ajaayathaaH<br>
1.6.4a     aa/d a/ha svadhaa/m a/nu pu/nar garbhatva/m erire/<br>
1.6.4c     da/dhaanaa naa/ma yaj~ni/yam<br>
1.6.5a     viiLu/ cid aarujatnu/bhir gu/haa cid indra va/hnibhiH<br>
1.6.5c     a/vinda usri/yaa a/nu<br>
1.6.6a     devaya/nto ya/thaa mati/m a/chaa vida/dvasuM gi/raH<br>
1.6.6c     mahaa/m anuuSata shruta/m<br>
1.6.7a     i/ndreNa sa/M hi/ dR/kSase saMjagmaano/ a/bibhyuSaa<br>
1.6.7c     manduu/ samaana/varcasaa<br>
1.6.8a     anavadyai/r abhi/dyubhir makha/H sa/hasvad arcati<br>
1.6.8c     gaNai/r i/ndrasya kaa/myaiH<br>
1.6.9a     a/taH parijmann aa/ gahi divo/ vaa rocanaa/d a/dhi<br>
1.6.9c     sa/m asminn R~njate gi/raH<br>
1.6.10a     ito/ vaa saati/m ii/mahe divo/ vaa paa/rthivaad a/dhi<br>
1.6.10c     i/ndram maho/ vaa ra/jasaH<br>
1.7.1a     i/ndram i/d gaathi/no bRha/d i/ndram arke/bhir arki/NaH<br>
1.7.1c     i/ndraM vaa/Niir anuuSata<br>
1.7.2a     i/ndra i/d dha/ryoH sa/caa sa/mmishla aa/ vacoyu/jaa<br>
1.7.2c     i/ndro vajrii/ hiraNya/yaH<br>
1.7.3a     i/ndro diirghaa/ya ca/kSasa aa/ suu/ryaM rohayad divi/<br>
1.7.3c     vi/ go/bhir a/drim airayat<br>
1.7.4a     i/ndra vaa/jeSu no .ava saha/srapradhaneSu ca<br>
1.7.4c     ugra/ ugraa/bhir uuti/bhiH<br>
1.7.5a     i/ndraM vaya/m mahaadhana/ i/ndram a/rbhe havaamahe<br>
1.7.5c     yu/jaM vRtre/Su vajri/Nam<br>
1.7.6a     sa/ no vRSann amu/M caru/M sa/traadaavann a/paa vRdhi<br>
1.7.6c     asma/bhyam a/pratiSkutaH<br>
1.7.7a     tu~nje/-tu~nje ya/ u/ttare sto/maa i/ndrasya vajri/NaH<br>
1.7.7c     na/ vindhe asya suSTuti/m<br>
1.7.8a     vR/Saa yuuthe/va va/MsagaH kRSTii/r iyarty o/jasaa<br>
1.7.8c     ii/shaano a/pratiSkutaH<br>
1.7.9a     ya/ e/kash carSaNiinaa/M va/suunaam irajya/ti<br>
1.7.9c     i/ndraH pa/~nca kSitiinaa/m<br>
1.7.10a     i/ndraM vo vishva/tas pa/ri ha/vaamahe ja/nebhyaH<br>
1.7.10c     asmaa/kam astu ke/valaH<br>
1.8.1a     e/ndra saanasi/M rayi/M saji/tvaanaM sadaasa/ham<br>
1.8.1c     va/rSiSTham uuta/ye bhara<br>
1.8.2a     ni/ ye/na muSTihatya/yaa ni/ vRtraa/ ruNa/dhaamahai<br>
1.8.2c     tvo/taaso ny a/rvataa<br>
1.8.3a     i/ndra tvo/taasa aa/ vaya/M va/jraM ghanaa/ dadiimahi<br>
1.8.3c     ja/yema sa/M yudhi/ spR/dhaH<br>
1.8.4a     vaya/M shuu/rebhir a/stRbhir i/ndra tva/yaa yujaa/ vaya/m<br>
1.8.4c     saasahyaa/ma pRtanyata/H<br>
1.8.5a     mahaa/M+ i/ndraH para/sh ca nu/ mahitva/m astu vajri/Ne<br>
1.8.5c     dyau/r na/ prathinaa/ sha/vaH<br>
1.8.6a     samohe/ vaa ya/ aa/shata na/ras toka/sya sa/nitau<br>
1.8.6c     vi/praaso vaa dhiyaaya/vaH<br>
1.8.7a     ya/H kukSi/H somapaa/tamaH samudra/ iva pi/nvate<br>
1.8.7c     urvii/r aa/po na/ kaaku/daH<br>
1.8.8a     evaa/ hy a\sya suunR/taa virapshii/ go/matii mahii/<br>
1.8.8c     pakvaa/ shaa/khaa na/ daashu/Se<br>
1.8.9a     evaa/ hi/ te vi/bhuutaya uuta/ya indra maa/vate<br>
1.8.9c     sadya/sh cit sa/nti daashu/Se<br>
1.8.10a     evaa/ hy a\sya kaa/myaa sto/ma uktha/M ca sha/Msyaa<br>
1.8.10c     i/ndraaya so/mapiitaye<br>
1.9.1a     i/ndre/hi ma/tsy a/ndhaso vi/shvebhiH somapa/rvabhiH<br>
1.9.1c     mahaa/M+ abhiSTi/r o/jasaa<br>
1.9.2a     e/m enaM sRjataa sute/ mandi/m i/ndraaya mandi/ne<br>
1.9.2c     ca/kriM vi/shvaani ca/kraye<br>
1.9.3a     ma/tsvaa sushipra mandi/bhi sto/mebhir vishvacarSaNe<br>
1.9.3c     sa/caiSu/ sa/vaneSv aa/<br>
1.9.4a     a/sRgram indra te gi/raH pra/ti tvaa/m u/d ahaasata<br>
1.9.4c     a/joSaa vRSabha/m pa/tim<br>
1.9.5a     sa/M codaya citra/m arvaa/g raa/dha indra va/reNyam<br>
1.9.5c     a/sad i/t te vibhu/ prabhu/<br>
1.9.6a     asmaa/n su/ ta/tra codaye/ndra raaye/ ra/bhasvataH<br>
1.9.6c     tu/vidyumna ya/shasvataH<br>
1.9.7a     sa/M go/mad indra vaa/javad asme/ pRthu/ shra/vo bRha/t<br>
1.9.7c     vishvaa/yur dhehy a/kSitam<br>
1.9.8a     asme/ dhehi shra/vo bRha/d dyumna/M sahasrasaa/tamam<br>
1.9.8c     i/ndra taa/ rathi/niir i/SaH<br>
1.9.9a     va/sor i/ndraM va/supatiM giirbhi/r gRNa/nta Rgmi/yam<br>
1.9.9c     ho/ma ga/ntaaram uuta/ye<br>
1.9.10a     sute/-sute nyo\kase bRha/d bRhata/ e/d ari/H<br>
1.9.10c     i/ndraaya shuuSa/m arcati<br>
1.10.1a     gaa/yanti tvaa gaayatri/No/ .arcanty arka/m arki/NaH<br>
1.10.1c     brahmaa/Nas tvaa shatakrata u/d vaMsha/m iva yemire<br>
1.10.2a     ya/t saa/noH saa/num aa/ruhad bhuu/ry a/spaSTa ka/rtvam<br>
1.10.2c     ta/d i/ndro a/rthaM cetati yuuthe/na vRSNi/r ejati<br>
1.10.3a     yukSvaa/ hi/ keshi/naa ha/rii vR/SaNaa kakSyapraa/<br>
1.10.3c     a/thaa na indra somapaa giraa/m u/pashrutiM cara<br>
1.10.4a     e/hi sto/maaM+ abhi/ svaraabhi/ gRNiihy aa/ ruva<br>
1.10.4c     bra/hma ca no vaso sa/ce/ndra yaj~na/M ca vardhaya<br>
1.10.5a     uktha/m i/ndraaya sha/MsyaM va/rdhanam puruniSSi/dhe<br>
1.10.5c     shakro/ ya/thaa sute/Su No raara/Nat sakhye/Su ca<br>
1.10.6a     ta/m i/t sakhitva/ iimahe ta/M raaye/ ta/M suvii/rye<br>
1.10.6c     sa/ shakra/ uta/ naH shakad i/ndro va/su da/yamaanaH<br>
1.10.7a     suvivR/taM sunira/jam i/ndra tvaa/daatam i/d ya/shaH<br>
1.10.7c     ga/vaam a/pa vraja/M vRdhi kRNuSva/ raa/dho adrivaH<br>
1.10.8a     nahi/ tvaa ro/dasii ubhe/ Rghaaya/maaNam i/nvataH<br>
1.10.8c     je/SaH sva\rvatiir apa/H sa/M gaa/ asma/bhyaM dhuunuhi<br>
1.10.9a     aa/shrutkarNa shrudhii/ ha/vaM nuu/ cid dadhiSva me gi/raH<br>
1.10.9c     i/ndra sto/mam ima/m ma/ma kRSvaa/ yuja/sh cid a/ntaram<br>
1.10.10a     vidmaa/ hi/ tvaa vR/SantamaM vaa/jeSu havanashru/tam<br>
1.10.10c     vR/Santamasya huumaha uuti/M sahasrasaa/tamaam<br>
1.10.11a     aa/ tuu/ na indra kaushika mandasaana/H suta/m piba<br>
1.10.11c     na/vyam aa/yuH pra/ suu/ tira kRdhii/ sahasrasaa/m R/Sim<br>
1.10.12a     pa/ri tvaa girvaNo gi/ra imaa/ bhavantu vishva/taH<br>
1.10.12c     vRddhaa/yum a/nu vR/ddhayo ju/STaa bhavantu ju/STayaH<br>
1.11.1a     i/ndraM vi/shvaa aviivRdhan samudra/vyacasaM gi/raH<br>
1.11.1c     rathii/tamaM rathii/naaM vaa/jaanaaM sa/tpatim pa/tim<br>
1.11.2a     sakhye/ ta indra vaaji/no maa/ bhema shavasas pate<br>
1.11.2c     tvaa/m abhi/ pra/ Nonumo je/taaram a/paraajitam<br>
1.11.3a     puurvii/r i/ndrasya raata/yo na/ vi/ dasyanty uuta/yaH<br>
1.11.3c     ya/dii vaa/jasya go/mata stotR/bhyo ma/Mhate magha/m<br>
1.11.4a     puraa/m bhindu/r yu/vaa kavi/r a/mitaujaa ajaayata<br>
1.11.4c     i/ndro vi/shvasya ka/rmaNo dhartaa/ vajrii/ puruSTuta/H<br>
1.11.5a     tva/M vala/sya go/mato/ .apaavar adrivo bi/lam<br>
1.11.5c     tvaa/M devaa/ a/bibhyuSas tujya/maanaasa aaviSuH<br>
1.11.6a     ta/vaaha/M shuura raati/bhiH pra/ty aayaM si/ndhum aava/dan<br>
1.11.6c     u/paatiSThanta girvaNo vidu/S Te ta/sya kaara/vaH<br>
1.11.7a     maayaa/bhir indra maayi/naM tva/M shu/SNam a/vaatiraH<br>
1.11.7c     vidu/S Te ta/sya me/dhiraas te/SaaM shra/vaaMsy u/t tira<br>
1.11.8a     i/ndram ii/shaanam o/jasaabhi/ sto/maa anuuSata<br>
1.11.8c     saha/sraM ya/sya raata/ya uta/ vaa sa/nti bhuu/yasiiH<br>
1.12.1a     agni/M duuta/M vRNiimahe ho/taaraM vishva/vedasam<br>
1.12.1c     asya/ yaj~na/sya sukra/tum<br>
1.12.2a     agni/m-agniM ha/viimabhiH sa/daa havanta vishpa/tim<br>
1.12.2c     havyavaa/ham purupriya/m<br>
1.12.3a     a/gne devaa/M+ ihaa/ vaha jaj~naano/ vRkta/barhiSe<br>
1.12.3c     a/si ho/taa na ii/DyaH<br>
1.12.4a     taa/M+ ushato/ vi/ bodhaya ya/d agne yaa/si duutya\m<br>
1.12.4c     devai/r aa/ satsi barhi/Si<br>
1.12.5a     ghR/taahavana diidivaH pra/ti Sma ri/Sato daha<br>
1.12.5c     a/gne tva/M rakSasvi/naH<br>
1.12.6a     agni/naagni/H sa/m idhyate kavi/r gRha/patir yu/vaa<br>
1.12.6c     havyavaa/D juhvaaaa\syaH<br>
1.12.7a     kavi/m agni/m u/pa stuhi satya/dharmaaNam adhvare/<br>
1.12.7c     deva/m amiivacaa/tanam<br>
1.12.8a     ya/s tvaa/m agne havi/Spatir duuta/M deva saparya/ti<br>
1.12.8c     ta/sya sma praavitaa/ bhava<br>
1.12.9a     yo/ agni/M deva/viitaye havi/SmaaM+ aavi/vaasati<br>
1.12.9c     ta/smai paavaka mRLaya<br>
1.12.10a     sa/ naH paavaka diidivo/ .agne devaa/M+ ihaa/ vaha<br>
1.12.10c     u/pa yaj~na/M havi/sh ca naH<br>
1.12.11a     sa/ na sta/vaana aa/ bhara gaayatre/Na na/viiyasaa<br>
1.12.11c     rayi/M viira/vatiim i/Sam<br>
1.12.12a     a/gne shukre/Na shoci/Saa vi/shvaabhir deva/huutibhiH<br>
1.12.12c     ima/M sto/maM juSasva naH<br>
1.13.1a     su/samiddho na aa/ vaha devaa/M+ agne havi/Smate<br>
1.13.1c     ho/taH paavaka ya/kSi ca<br>
1.13.2a     ma/dhumantaM tanuunapaad yaj~na/M deve/Su naH kave<br>
1.13.2c     adyaa/ kRNuhi viita/ye<br>
1.13.3a     na/raasha/Msam iha/ priya/m asmi/n yaj~na/ u/pa hvaye<br>
1.13.3c     ma/dhujihvaM haviSkR/tam<br>
1.13.4a     a/gne sukha/tame ra/the devaa/M+ iiLita/ aa/ vaha<br>
1.13.4c     a/si ho/taa ma/nurhitaH<br>
1.13.5a     stRNiita/ barhi/r aanuSa/g ghRta/pRSTham maniiSiNaH<br>
1.13.5c     ya/traamR/tasya ca/kSaNam<br>
1.13.6a     vi/ shrayantaam RtaavR/dho dvaa/ro devii/r asashca/taH<br>
1.13.6c     adyaa/ nuuna/M ca ya/STave<br>
1.13.7a     na/ktoSaa/saa supe/shasaasmi/n yaj~na/ u/pa hvaye<br>
1.13.7c     ida/M no barhi/r aasa/de<br>
1.13.8a     taa/ sujihvaa/ u/pa hvaye ho/taaraa dai/vyaa kavii/<br>
1.13.8c     yaj~na/M no yakSataam ima/m<br>
1.13.9a     i/Laa sa/rasvatii mahii/ tisro/ devii/r mayobhu/vaH<br>
1.13.9c     barhi/H siidantv asri/dhaH<br>
1.13.10a     iha/ tva/STaaram agriya/M vishva/ruupam u/pa hvaye<br>
1.13.10c     asmaa/kam astu ke/valaH<br>
1.13.11a     a/va sRjaa vanaspate de/va deve/bhyo havi/H<br>
1.13.11c     pra/ daatu/r astu ce/tanam<br>
1.13.12a     svaa/haa yaj~na/M kRNotane/ndraaya ya/jvano gRhe/<br>
1.13.12c     ta/tra devaa/M+ u/pa hvaye<br>
1.14.1a     ai/bhir agne du/vo gi/ro vi/shvebhiH so/mapiitaye<br>
1.14.1c     deve/bhir yaahi ya/kSi ca<br>
1.14.2a     aa/ tvaa ka/Nvaa ahuuSata gRNa/nti vipra te dhi/yaH<br>
1.14.2c     deve/bhir agna aa/ gahi<br>
1.14.3a     indravaayuu/ bR/haspa/tim mitraa/gni/m puuSa/Nam bha/gam<br>
1.14.3c     aadityaa/n maa/rutaM gaNa/m<br>
1.14.4a     pra/ vo bhriyanta i/ndavo matsaraa/ maadayiSNa/vaH<br>
1.14.4c     drapsaa/ ma/dhvash camuuSa/daH<br>
1.14.5a     ii/Late tvaa/m avasya/vaH ka/Nvaaso vRkta/barhiSaH<br>
1.14.5c     havi/Smanto araMkR/taH<br>
1.14.6a     ghRta/pRSThaa manoyu/jo ye/ tvaa va/hanti va/hnayaH<br>
1.14.6c     aa/ devaa/n so/mapiitaye<br>
1.14.7a     taa/n ya/jatraaM+ RtaavR/dho/ .agne pa/tniivatas kRdhi<br>
1.14.7c     ma/dhvaH sujihva paayaya<br>
1.14.8a     ye/ ya/jatraa ya/ ii/Dyaas te/ te pibantu jihva/yaa<br>
1.14.8c     ma/dhor agne va/SaTkRti<br>
1.14.9a     aa/kiiM suu/ryasya rocanaa/d vi/shvaan devaa/M+ uSarbu/dhaH<br>
1.14.9c     vi/pro ho/teha/ vakSati<br>
1.14.10a     vi/shvebhiH somya/m ma/dhv a/gna i/ndreNa vaayu/naa<br>
1.14.10c     pi/baa mitra/sya dhaa/mabhiH<br>
1.14.11a     tva/M ho/taa ma/nurhito/ .agne yaj~ne/Su siidasi<br>
1.14.11c     se/ma/M no adhvara/M yaja<br>
1.14.12a     yukSvaa/ hy a/ruSii ra/the hari/to deva rohi/taH<br>
1.14.12c     taa/bhir devaa/M+ ihaa/ vaha<br>
1.15.1a     i/ndra so/mam pi/ba Rtu/naa/ tvaa vishantv i/ndavaH<br>
1.15.1c     matsaraa/sas ta/dokasaH<br>
1.15.2a     ma/rutaH pi/bata Rtu/naa potraa/d yaj~na/m puniitana<br>
1.15.2c     yuuya/M hi/ SThaa/ sudaanavaH<br>
1.15.3a     abhi/ yaj~na/M gRNiihi no gnaa/vo ne/STaH pi/ba Rtu/naa<br>
1.15.3c     tva/M hi/ ratnadhaa/ a/si<br>
1.15.4a     a/gne devaa/M+ ihaa/ vaha saada/yaa yo/niSu triSu/<br>
1.15.4c     pa/ri bhuuSa pi/ba Rtu/naa<br>
1.15.5a     braa/hmaNaad indra raa/dhasaH pi/baa so/mam Rtuu/M+r a/nu<br>
1.15.5c     ta/ve/d dhi/ sakhya/m a/stRtam<br>
1.15.6a     yuva/M da/kSaM dhRtavrata mi/traavaruNa duuLa/bham<br>
1.15.6c     Rtu/naa yaj~na/m aashaathe<br>
1.15.7a     draviNodaa/ dra/viNaso graa/vahastaaso adhvare/<br>
1.15.7c     yaj~ne/Su deva/m iiLate<br>
1.15.8a     draviNodaa/ dadaatu no va/suuni yaa/ni shRNvire/<br>
1.15.8c     deve/Su taa/ vanaamahe<br>
1.15.9a     draviNodaa/H pipiiSati juho/ta pra/ ca tiSThata<br>
1.15.9c     neSTraa/d Rtu/bhir iSyata<br>
1.15.10a     ya/t tvaa turii/yam Rtu/bhir dra/viNodo ya/jaamahe<br>
1.15.10c     a/dha smaa no dadi/r bhava<br>
1.15.11a     a/shvinaa pi/batam ma/dhu dii/dyagnii shucivrataa<br>
1.15.11c     Rtu/naa yaj~navaahasaa<br>
1.15.12a     gaa/rhapatyena santya Rtu/naa yaj~nanii/r asi<br>
1.15.12c     devaa/n devayate/ yaja<br>
1.16.1a     aa/ tvaa vahantu ha/rayo vR/SaNaM so/mapiitaye<br>
1.16.1c     i/ndra tvaa suu/racakSasaH<br>
1.16.2a     imaa/ dhaanaa/ ghRtasnu/vo ha/rii iho/pa vakSataH<br>
1.16.2c     i/ndraM sukha/tame ra/the<br>
1.16.3a     i/ndram praata/r havaamaha i/ndram prayaty a\dhvare/<br>
1.16.3c     i/ndraM so/masya piita/ye<br>
1.16.4a     u/pa naH suta/m aa/ gahi ha/ribhir indra keshi/bhiH<br>
1.16.4c     sute/ hi/ tvaa ha/vaamahe<br>
1.16.5a     se/ma/M na sto/mam aa/ gahy u/peda/M sa/vanaM suta/m<br>
1.16.5c     gauro/ na/ tRSita/H piba<br>
1.16.6a     ime/ so/maasa i/ndavaH sutaa/so a/dhi barhi/Si<br>
1.16.6c     taa/M+ indra sa/hase piba<br>
1.16.7a     aya/M te sto/mo agriyo/ hRdispR/g astu sha/MtamaH<br>
1.16.7c     a/thaa so/maM suta/m piba<br>
1.16.8a     vi/shvam i/t sa/vanaM suta/m i/ndro ma/daaya gachati<br>
1.16.8c     vRtrahaa/ so/mapiitaye<br>
1.16.9a     se/ma/M naH kaa/mam aa/ pRNa go/bhir a/shvaiH shatakrato<br>
1.16.9c     sta/vaama tvaa svaadhya\H<br>
1.17.1a     i/ndraava/ruNayor aha/M samraa/jor a/va aa/ vRNe<br>
1.17.1c     taa/ no mRLaata iidR/she<br>
1.17.2a     ga/ntaaraa hi/ stho/ .avase ha/vaM vi/prasya maa/vataH<br>
1.17.2c     dhartaa/raa carSaNiinaa/m<br>
1.17.3a     anukaama/M tarpayethaam i/ndraavaruNa raaya/ aa/<br>
1.17.3c     taa/ vaaM ne/diSTham iimahe<br>
1.17.4a     yuvaa/ku hi/ sha/ciinaaM yuvaa/ku sumatiinaa/m<br>
1.17.4c     bhuuyaa/ma vaajadaa/vnaam<br>
1.17.5a     i/ndraH sahasradaa/vnaaM va/ruNaH sha/Msyaanaam<br>
1.17.5c     kra/tur bhavaty ukthya\H<br>
1.17.6a     ta/yor i/d a/vasaa vaya/M sane/ma ni/ ca dhiimahi<br>
1.17.6c     syaa/d uta/ prare/canam<br>
1.17.7a     i/ndraavaruNa vaam aha/M huve/ citraa/ya raa/dhase<br>
1.17.7c     asmaa/n su/ jigyu/Sas kRtam<br>
1.17.8a     i/ndraavaruNa nuu/ nu/ vaaM si/SaasantiiSu dhiiSv aa/<br>
1.17.8c     asma/bhyaM sha/rma yachatam<br>
1.17.9a     pra/ vaam ashnotu suSTuti/r i/ndraavaruNa yaa/M huve/<br>
1.17.9c     yaa/m Rdhaa/the sadha/stutim<br>
1.18.1a     somaa/naM sva/raNaM kRNuhi/ brahmaNas pate<br>
1.18.1c     kakSii/vantaM ya/ aushija/H<br>
1.18.2a     yo/ revaa/n yo/ amiivahaa/ vasuvi/t puSTiva/rdhanaH<br>
1.18.2c     sa/ naH siSaktu ya/s tura/H<br>
1.18.3a     maa/ naH sha/Mso a/raruSo dhuurti/H pra/Na~N ma/rtyasya<br>
1.18.3c     ra/kSaa No brahmaNas pate<br>
1.18.4a     sa/ ghaa viiro/ na/ riSyati ya/m i/ndro bra/hmaNas pa/tiH<br>
1.18.4c     so/mo hino/ti ma/rtyam<br>
1.18.5a     tva/M ta/m brahmaNas pate so/ma i/ndrash ca ma/rtyam<br>
1.18.5c     da/kSiNaa paatv a/MhasaH<br>
1.18.6a     sa/dasas pa/tim a/dbhutam priya/m i/ndrasya kaa/myam<br>
1.18.6c     sani/m medhaa/m ayaasiSam<br>
1.18.7a     ya/smaad Rte/ na/ si/dhyati yaj~no/ vipashci/tash cana/<br>
1.18.7c     sa/ dhiinaa/M yo/gam invati<br>
1.18.8a     aa/d Rdhnoti havi/SkRtim praa/~ncaM kRNoty adhvara/m<br>
1.18.8c     ho/traa deve/Su gachati<br>
1.18.9a     na/raasha/MsaM sudhR/STamam a/pashyaM sapra/thastamam<br>
1.18.9c     divo/ na/ sa/dmamakhasam<br>
1.19.1a     pra/ti tya/M caa/rum adhvara/M gopiithaa/ya pra/ huuyase<br>
1.19.1c     maru/dbhir agna aa/ gahi<br>
1.19.2a     nahi/ devo/ na/ ma/rtyo maha/s ta/va kra/tum para/H<br>
1.19.2c     maru/dbhir agna aa/ gahi<br>
1.19.3a     ye/ maho/ ra/jaso vidu/r vi/shve devaa/so adru/haH<br>
1.19.3c     maru/dbhir agna aa/ gahi<br>
1.19.4a     ya/ ugraa/ arka/m aanRcu/r a/naadhRSTaasa o/jasaa<br>
1.19.4c     maru/dbhir agna aa/ gahi<br>
1.19.5a     ye/ shubhraa/ ghora/varpasaH sukSatraa/so rishaa/dasaH<br>
1.19.5c     maru/dbhir agna aa/ gahi<br>
1.19.6a     ye/ naa/kasyaa/dhi rocane/ divi/ devaa/sa aa/sate<br>
1.19.6c     maru/dbhir agna aa/ gahi<br>
1.19.7a     ya/ ii~Nkha/yanti pa/rvataan tira/H samudra/m arNava/m<br>
1.19.7c     maru/dbhir agna aa/ gahi<br>
1.19.8a     aa/ ye/ tanva/nti rashmi/bhis tira/H samudra/m o/jasaa<br>
1.19.8c     maru/dbhir agna aa/ gahi<br>
1.19.9a     abhi/ tvaa puurva/piitaye sRjaa/mi somya/m ma/dhu<br>
1.19.9c     maru/dbhir agna aa/ gahi<br>
1.20.1a     aya/M devaa/ya ja/nmane sto/mo vi/prebhir aasayaa/<br>
1.20.1c     a/kaari ratnadhaa/tamaH<br>
1.20.2a     ya/ i/ndraaya vacoyu/jaa tatakSu/r ma/nasaa ha/rii<br>
1.20.2c     sha/miibhir yaj~na/m aashata<br>
1.20.3a     ta/kSan naa/satyaabhyaam pa/rijmaanaM sukha/M ra/tham<br>
1.20.3c     ta/kSan dhenu/M sabardu/ghaam<br>
1.20.4a     yu/vaanaa pita/raa pu/naH satya/mantraa Rjuuya/vaH<br>
1.20.4c     Rbha/vo viSTy a\krata<br>
1.20.5a     sa/M vo ma/daaso agmate/ndreNa ca maru/tvataa<br>
1.20.5c     aaditye/bhish ca raa/jabhiH<br>
1.20.6a     uta/ tya/M camasa/M na/vaM tva/STur deva/sya ni/SkRtam<br>
1.20.6c     a/karta catu/raH pu/naH<br>
1.20.7a     te/ no ra/tnaani dhattana tri/r aa/ saa/ptaani sunvate/<br>
1.20.7c     e/kam-ekaM sushasti/bhiH<br>
1.20.8a     a/dhaarayanta va/hnayo/ .abhajanta sukRtya/yaa<br>
1.20.8c     bhaaga/M deve/Su yaj~ni/yam<br>
1.21.1a     ihe/ndraagnii/ u/pa hvaye ta/yor i/t sto/mam ushmasi<br>
1.21.1c     taa/ so/maM somapaa/tamaa<br>
1.21.2a     taa/ yaj~ne/Su pra/ shaMsatendraagnii/ shumbhataa naraH<br>
1.21.2c     taa/ gaayatre/Su gaayata<br>
1.21.3a     taa/ mitra/sya pra/shastaya indraagnii/ taa/ havaamahe<br>
1.21.3c     somapaa/ so/mapiitaye<br>
1.21.4a     ugraa/ sa/ntaa havaamaha u/peda/M sa/vanaM suta/m<br>
1.21.4c     indraagnii/ e/ha/ gachataam<br>
1.21.5a     taa/ mahaa/ntaa sa/daspa/tii i/ndraagnii ra/kSa ubjatam<br>
1.21.5c     a/prajaaH santv atri/NaH<br>
1.21.6a     te/na satye/na jaagRtam a/dhi pracetu/ne pade/<br>
1.21.6c     i/ndraagnii sha/rma yachatam<br>
1.22.1a     praataryu/jaa vi/ bodhayaashvi/naav e/ha/ gachataam<br>
1.22.1c     asya/ so/masya piita/ye<br>
1.22.2a     yaa/ sura/thaa rathii/tamobhaa/ devaa/ divispR/shaa<br>
1.22.2c     ashvi/naa taa/ havaamahe<br>
1.22.3a     yaa/ vaaM ka/shaa ma/dhumaty a/shvinaa suunR/taavatii<br>
1.22.3c     ta/yaa yaj~na/m mimikSatam<br>
1.22.4a     nahi/ vaam a/sti duurake/ ya/traa ra/thena ga/chathaH<br>
1.22.4c     a/shvinaa somi/no gRha/m<br>
1.22.5a     hi/raNyapaaNim uuta/ye savitaa/ram u/pa hvaye<br>
1.22.5c     sa/ ce/ttaa deva/taa pada/m<br>
1.22.6a     apaa/M na/paatam a/vase savitaa/ram u/pa stuhi<br>
1.22.6c     ta/sya vrataa/ny ushmasi<br>
1.22.7a     vibhaktaa/raM havaamahe va/sosh citra/sya raa/dhasaH<br>
1.22.7c     savitaa/raM nRca/kSasam<br>
1.22.8a     sa/khaaya aa/ ni/ Siidata savitaa/ sto/myo nu/ naH<br>
1.22.8c     daa/taa raa/dhaaMsi shumbhati<br>
1.22.9a     a/gne pa/tniir ihaa/ vaha devaa/naam ushatii/r u/pa<br>
1.22.9c     tva/STaaraM so/mapiitaye<br>
1.22.10a     aa/ gnaa/ agna ihaa/vase ho/traaM yaviSTha bhaa/ratiim<br>
1.22.10c     va/ruutriiM dhiSa/NaaM vaha<br>
1.22.11a     abhi/ no devii/r a/vasaa maha/H sha/rmaNaa nRpa/tniiH<br>
1.22.11c     a/chinnapatraaH sacantaam<br>
1.22.12a     ihe/ndraaNii/m u/pa hvaye varuNaanii/M svasta/ye<br>
1.22.12c     agnaa/yiiM so/mapiitaye<br>
1.22.13a     mahii/ dyau/H pRthivii/ ca na ima/M yaj~na/m \.\ mimikSataam<br>
1.22.13c     pipRtaa/M no bha/riimabhiH<br>
1.22.14a     ta/yor i/d ghRta/vat pa/yo vi/praa rihanti dhiiti/bhiH<br>
1.22.14c     gandharva/sya dhruve/ pade/<br>
1.22.15a     syonaa/ pRthivi bhavaanRkSaraa/ nive/shanii<br>
1.22.15c     ya/chaa naH sha/rma sapra/thaH<br>
1.22.16a     a/to devaa/ avantu no ya/to vi/SNur vicakrame/<br>
1.22.16c     pRthivyaa/H sapta/ dhaa/mabhiH<br>
1.22.17a     ida/M vi/SNur vi/ cakrame tredhaa/ ni/ dadhe pada/m<br>
1.22.17c     sa/muuLham asya paaMsure/<br>
1.22.18a     trii/Ni padaa/ vi/ cakrame vi/SNur gopaa/ a/daabhyaH<br>
1.22.18c     a/to dha/rmaaNi dhaara/yan<br>
1.22.19a     vi/SNoH ka/rmaaNi pashyata ya/to vrataa/ni paspashe/<br>
1.22.19c     i/ndrasya yu/jyaH sa/khaa<br>
1.22.20a     ta/d vi/SNoH parama/m pada/M sa/daa pashyanti suura/yaH<br>
1.22.20c     diviiaa\va ca/kSur aa/tatam<br>
1.22.21a     ta/d vi/praaso vipanya/vo jaagRvaa/MsaH sa/m indhate<br>
1.22.21c     vi/SNor ya/t parama/m pada/m<br>
1.23.1a     tiivraa/H so/maasa aa/ gahy aashii/rvantaH sutaa/ ime/<br>
1.23.1c     vaa/yo taa/n pra/sthitaan piba<br>
1.23.2a     ubhaa/ devaa/ divispR/shendravaayuu/ havaamahe<br>
1.23.2c     asya/ so/masya piita/ye<br>
1.23.3a     indravaayuu/ manoju/vaa vi/praa havanta uuta/ye<br>
1.23.3c     sahasraakSaa/ dhiya/s pa/tii<br>
1.23.4a     mitra/M vaya/M havaamahe va/ruNaM so/mapiitaye<br>
1.23.4c     jaj~naanaa/ puuta/dakSasaa<br>
1.23.5a     Rte/na yaa/v RtaavR/dhaav Rta/sya jyo/tiSas pa/tii<br>
1.23.5c     taa/ mitraa/va/ruNaa huve<br>
1.23.6a     va/ruNaH praavitaa/ bhuvan mitro/ vi/shvaabhir uuti/bhiH<br>
1.23.6c     ka/rataaM naH suraa/dhasaH<br>
1.23.7a     maru/tvantaM havaamaha i/ndram aa/ so/mapiitaye<br>
1.23.7c     sajuu/r gaNe/na tRmpatu<br>
1.23.8a     i/ndrajyeSThaa ma/rudgaNaa de/vaasaH puu/SaraatayaH<br>
1.23.8c     vi/shve ma/ma shrutaa ha/vam<br>
1.23.9a     hata/ vRtra/M sudaanava i/ndreNa sa/hasaa yujaa/<br>
1.23.9c     maa/ no duHsha/Msa iishata<br>
1.23.10a     vi/shvaan devaa/n havaamahe maru/taH so/mapiitaye<br>
1.23.10c     ugraa/ hi/ pR/shnimaataraH<br>
1.23.11a     ja/yataam iva tanyatu/r maru/taam eti dhRSNuyaa/<br>
1.23.11c     ya/c chu/bhaM yaatha/naa naraH<br>
1.23.12a     haskaaraa/d vidyu/tas pa/ry a/to jaataa/ avantu naH<br>
1.23.12c     maru/to mRLayantu naH<br>
1.23.13a     aa/ puuSa~n citra/barhiSam aa/ghRNe dharu/NaM diva/H<br>
1.23.13c     aa/jaa naSTa/M ya/thaa pashu/m<br>
1.23.14a     puuSaa/ raa/jaanam aa/ghRNir a/paguuLhaM gu/haa hita/m<br>
1.23.14c     a/vindac citra/barhiSam<br>
1.23.15a     uto/ sa/ ma/hyam i/ndubhiH Sa/D yuktaa/M+ anuse/Sidhat<br>
1.23.15c     go/bhir ya/vaM na/ carkRSat<br>
1.23.16a     amba/yo yanty a/dhvabhir jaama/yo adhvariiyataa/m<br>
1.23.16c     pR~ncatii/r ma/dhunaa pa/yaH<br>
1.23.17a     amuu/r yaa/ u/pa suu/rye yaa/bhir vaa suu/ryaH saha/<br>
1.23.17c     taa/ no hinvantv adhvara/m<br>
1.23.18a     apo/ devii/r u/pa hvaye ya/tra gaa/vaH pi/banti naH<br>
1.23.18c     si/ndhubhyaH ka/rtvaM havi/H<br>
1.23.19a     apsv a\nta/r amR/tam apsu/ bheSaja/m apaa/m uta/ pra/shastaye<br>
1.23.19c     de/vaa bha/vata vaaji/naH<br>
1.23.20a     apsu/ me so/mo abraviid anta/r vi/shvaani bheSajaa/<br>
1.23.20c     agni/M ca vishva/shambhuvam aa/pash ca vishva/bheSajiiH<br>
1.23.21a     aa/paH pRNiita/ bheSaja/M va/ruuthaM tanve\ ma/ma<br>
1.23.21c     jyo/k ca suu/ryaM dRshe/<br>
1.23.22a     ida/m aapaH pra/ vahata ya/t ki/M ca durita/m ma/yi<br>
1.23.22c     ya/d vaaha/m abhidudro/ha ya/d vaa shepa/ utaa/nRtam<br>
1.23.23a     aa/po adyaa/nv acaariSaM ra/sena sa/m agasmahi<br>
1.23.23c     pa/yasvaan agna aa/ gahi ta/m maa sa/M sRja va/rcasaa<br>
1.23.24a     sa/m maagne va/rcasaa sRja sa/m praja/yaa sa/m aa/yuSaa<br>
1.23.24c     vidyu/r me asya devaa/ i/ndro vidyaat saha/ R/SibhiH<br>
1.24.1a     ka/sya nuuna/M katama/syaamR/taanaam ma/naamahe caa/ru deva/sya naa/ma<br>
1.24.1c     ko/ no mahyaa/ a/ditaye pu/nar daat pita/raM ca dRshe/yam maata/raM ca<br>
1.24.2a     agne/r vaya/m prathama/syaamR/taanaam ma/naamahe caa/ru deva/sya naa/ma<br>
1.24.2c     sa/ no mahyaa/ a/ditaye pu/nar daat pita/raM ca dRshe/yam maata/raM ca<br>
1.24.3a     abhi/ tvaa deva savitar ii/shaanaM vaa/ryaaNaam<br>
1.24.3c     sa/daavan bhaaga/m iimahe<br>
1.24.4a     ya/sh cid dhi/ ta itthaa/ bha/gaH shashamaana/H puraa/ nida/H<br>
1.24.4c     adveSo/ ha/stayor dadhe/<br>
1.24.5a     bha/gabhaktasya te vaya/m u/d ashema ta/vaa/vasaa<br>
1.24.5c     muurdhaa/naM raaya/ aara/bhe<br>
1.24.6a     nahi/ te kSatra/M na/ sa/ho na/ manyu/M va/yash canaa/mii/ pata/yanta aapu/H<br>
1.24.6c     ne/maa/ aa/po animiSa/M ca/rantiir na/ ye/ vaa/tasya pramina/nty a/bhvam<br>
1.24.7a     abudhne/ raa/jaa va/ruNo va/nasyordhva/M stuu/paM dadate puuta/dakSaH<br>
1.24.7c     niicii/naa sthur upa/ri budhna/ eSaam asme/ anta/r ni/hitaaH keta/vaH syuH<br>
1.24.8a     uru/M hi/ raa/jaa va/ruNash cakaa/ra suu/ryaaya pa/nthaam a/nvetavaa/ u<br>
1.24.8c     apa/de paa/daa pra/tidhaatave .akar utaa/pavaktaa/ hRdayaavi/dhash cit<br>
1.24.9a     shata/M te raajan bhiSa/jaH saha/sram urvii/ gabhiiraa/ sumati/S Te astu<br>
1.24.9c     baa/dhasva duure/ ni/rRtim paraacai/H kRta/M cid e/naH pra/ mumugdhy asma/t<br>
1.24.10a     amii/ ya/ R/kSaa ni/hitaasa uccaa/ na/ktaM da/dRshre ku/ha cid di/veyuH<br>
1.24.10c     a/dabdhaani va/ruNasya vrataa/ni vicaa/kashac candra/maa na/ktam eti<br>
1.24.11a     ta/t tvaa yaami bra/hmaNaa va/ndamaanas ta/d aa/ shaaste ya/jamaano havi/rbhiH<br>
1.24.11c     a/heLamaano varuNeha/ bodhy u/rushaMsa maa/ na aa/yuH pra/ moSiiH<br>
1.24.12a     ta/d i/n na/ktaM ta/d di/vaa ma/hyam aahus ta/d aya/M ke/to hRda/ aa/ vi/ caSTe<br>
1.24.12c     shu/naHshe/po ya/m a/hvad gRbhiita/H so/ asmaa/n raa/jaa va/ruNo mumoktu<br>
1.24.13a     shu/naHshe/po hy a/hvad gRbhiita/s triSv aaaa\ditya/M drupade/Su baddha/H<br>
1.24.13c     a/vainaM raa/jaa va/ruNaH sasRjyaad vidvaa/M+ a/dabdho vi/ mumoktu paa/shaan<br>
1.24.14a     a/va te he/Lo varuNa na/mobhir a/va yaj~ne/bhir iimahe havi/rbhiH<br>
1.24.14c     kSa/yann asma/bhyam asura pracetaa raa/jann e/naaMsi shishrathaH kRtaa/ni<br>
1.24.15a     u/d uttama/M varuNa paa/sham asma/d a/vaadhama/M vi/ madhyama/M shrathaaya<br>
1.24.15c     a/thaa vaya/m aaditya vrate/ ta/vaa/naagaso a/ditaye syaama<br>
1.25.1a     ya/c cid dhi/ te vi/sho yathaa pra/ deva varuNa vrata/m<br>
1.25.1c     miniima/si dya/vi-dyavi<br>
1.25.2a     maa/ no vadhaa/ya hatna/ve jihiiLaana/sya riiradhaH<br>
1.25.2c     maa/ hRNaana/sya manya/ve<br>
1.25.3a     vi/ mRLiikaa/ya te ma/no rathii/r a/shvaM na/ sa/Mditam<br>
1.25.3c     giirbhi/r varuNa siimahi<br>
1.25.4a     pa/raa hi/ me vi/manyavaH pa/tanti va/sya.aiSTaye<br>
1.25.4c     va/yo na/ vasatii/r u/pa<br>
1.25.5a     kadaa/ kSatrashri/yaM na/ram aa/ va/ruNaM karaamahe<br>
1.25.5c     mRLiikaa/yoruca/kSasam<br>
1.25.6a     ta/d i/t samaana/m aashaate ve/nantaa na/ pra/ yuchataH<br>
1.25.6c     dhRta/vrataaya daashu/Se<br>
1.25.7a     ve/daa yo/ viinaa/m pada/m anta/rikSeNa pa/tataam<br>
1.25.7c     ve/da naava/H samudri/yaH<br>
1.25.8a     ve/da maaso/ dhRta/vrato dvaa/dasha prajaa/vataH<br>
1.25.8c     ve/daa ya/ upajaa/yate<br>
1.25.9a     ve/da vaa/tasya vartani/m uro/r RSva/sya bRhata/H<br>
1.25.9c     ve/daa ye/ adhyaa/sate<br>
1.25.10a     ni/ Sasaada dhRta/vrato va/ruNaH pastyaaaa\sv aa/<br>
1.25.10c     saa/mraajyaaya sukra/tuH<br>
1.25.11a     a/to vi/shvaany a/dbhutaa cikitvaa/M+ abhi/ pashyati<br>
1.25.11c     kRtaa/ni yaa/ ca ka/rtvaa<br>
1.25.12a     sa/ no vishvaa/haa sukra/tur aaditya/H supa/thaa karat<br>
1.25.12c     pra/ Na aa/yuuMSi taariSat<br>
1.25.13a     bi/bhrad draapi/M hiraNya/yaM va/ruNo vasta nirNi/jam<br>
1.25.13c     pa/ri spa/sho ni/ Sedire<br>
1.25.14a     na/ ya/M di/psanti dipsa/vo na/ dru/hvaaNo ja/naanaam<br>
1.25.14c     na/ deva/m abhi/maatayaH<br>
1.25.15a     uta/ yo/ maa/nuSeSv aa/ ya/shash cakre/ a/saamy aa/<br>
1.25.15c     asmaa/kam uda/reSv aa/<br>
1.25.16a     pa/raa me yanti dhiita/yo gaa/vo na/ ga/vyuutiir a/nu<br>
1.25.16c     icha/ntiir uruca/kSasam<br>
1.25.17a     sa/M nu/ vocaavahai pu/nar ya/to me ma/dhv aa/bhRtam<br>
1.25.17c     ho/teva kSa/dase priya/m<br>
1.25.18a     da/rshaM nu/ vishva/darshataM da/rshaM ra/tham a/dhi kSa/mi<br>
1.25.18c     etaa/ juSata me gi/raH<br>
1.25.19a     ima/m me varuNa shrudhii ha/vam adyaa/ ca mRLaya<br>
1.25.19c     tvaa/m avasyu/r aa/ cake<br>
1.25.20a     tva/M vi/shvasya medhira diva/sh ca gma/sh ca raajasi<br>
1.25.20c     sa/ yaa/mani pra/ti shrudhi<br>
1.25.21a     u/d uttama/m mumugdhi no vi/ paa/sham madhyama/M cRta<br>
1.25.21c     a/vaadhamaa/ni jiiva/se<br>
1.26.1a     va/siSvaa hi/ miyedhya va/straaNy uurjaam pate<br>
1.26.1c     se/ma/M no adhvara/M yaja<br>
1.26.2a     ni/ no ho/taa va/reNyaH sa/daa yaviSTha ma/nmabhiH<br>
1.26.2c     a/gne divi/tmataa va/caH<br>
1.26.3a     aa/ hi/ Smaa suuna/ve pitaa/pi/r ya/jaty aapa/ye<br>
1.26.3c     sa/khaa sa/khye va/reNyaH<br>
1.26.4a     aa/ no barhii/ rishaa/daso va/ruNo mitro/ aryamaa/<br>
1.26.4c     sii/dantu ma/nuSo yathaa<br>
1.26.5a     puu/rvya hotar asya/ no ma/ndasva sakhya/sya ca<br>
1.26.5c     imaa/ u Su/ shrudhii gi/raH<br>
1.26.6a     ya/c cid dhi/ sha/shvataa ta/naa deva/M-devaM ya/jaamahe<br>
1.26.6c     tve/ i/d dhuuyate havi/H<br>
1.26.7a     priyo/ no astu vishpa/tir ho/taa mandro/ va/reNyaH<br>
1.26.7c     priyaa/H svagna/yo vaya/m<br>
1.26.8a     svagna/yo hi/ vaa/ryaM devaa/so dadhire/ ca naH<br>
1.26.8c     svagna/yo manaamahe<br>
1.26.9a     a/thaa na ubha/yeSaam a/mRta ma/rtyaanaam<br>
1.26.9c     mitha/H santu pra/shastayaH<br>
1.26.10a     vi/shvebhir agne agni/bhir ima/M yaj~na/m ida/M va/caH<br>
1.26.10c     ca/no dhaaH sahaso yaho<br>
1.27.1a     a/shvaM na/ tvaa vaa/ravantaM vanda/dhyaa agni/M na/mobhiH<br>
1.27.1c     samraa/jantam adhvaraa/Naam<br>
1.27.2a     sa/ ghaa naH suunu/H sha/vasaa pRthu/pragaamaa sushe/vaH<br>
1.27.2c     miiDhvaa/M+ asmaa/kam babhuuyaat<br>
1.27.3a     sa/ no duuraa/c caasaa/c ca ni/ ma/rtyaad aghaayo/H<br>
1.27.3c     paahi/ sa/dam i/d vishvaa/yuH<br>
1.27.4a     ima/m uu Su/ tva/m asmaa/kaM sani/M gaayatra/M na/vyaaMsam<br>
1.27.4c     a/gne deve/Su pra/ vocaH<br>
1.27.5a     aa/ no bhaja parame/Sv aa/ vaa/jeSu madhyame/Su<br>
1.27.5c     shi/kSaa va/svo a/ntamasya<br>
1.27.6a     vibhaktaa/si citrabhaano si/ndhor uurmaa/ upaaka/ aa/<br>
1.27.6c     sadyo/ daashu/Se kSarasi<br>
1.27.7a     ya/m agne pRtsu/ ma/rtyam a/vaa vaa/jeSu ya/M junaa/H<br>
1.27.7c     sa/ ya/ntaa sha/shvatiir i/SaH<br>
1.27.8a     na/kir asya sahantya paryetaa/ ka/yasya cit<br>
1.27.8c     vaa/jo asti shravaa/yyaH<br>
1.27.9a     sa/ vaa/jaM vishva/carSaNir a/rvadbhir astu ta/rutaa<br>
1.27.9c     vi/prebhir astu sa/nitaa<br>
1.27.10a     ja/raabodha ta/d viviDDhi vishe/-vishe yaj~ni/yaaya<br>
1.27.10c     sto/maM rudraa/ya dR/shiikam<br>
1.27.11a     sa/ no mahaa/M+ animaano/ dhuuma/ketuH purushcandra/H<br>
1.27.11c     dhiye/ vaa/jaaya hinvatu<br>
1.27.12a     sa/ revaa/M+ iva vishpa/tir dai/vyaH ketu/H shRNotu naH<br>
1.27.12c     ukthai/r agni/r bRha/dbhaanuH<br>
1.27.13a     na/mo maha/dbhyo na/mo arbhake/bhyo na/mo yu/vabhyo na/ma aashine/bhyaH<br>
1.27.13c     ya/jaama devaa/n ya/di shakna/vaama maa/ jyaa/yasaH sha/Msam aa/ vRkSi devaaH<br>
1.28.1a     ya/tra graa/vaa pRthu/budhna uurdhvo/ bha/vati so/tave<br>
1.28.1c     uluu/khalasutaanaam a/ve/d v indra jalgulaH<br>
1.28.2a     ya/tra dvaa/v iva jagha/naadhiSavaNyaaaa\ kRtaa/<br>
1.28.2c     uluu/khalasutaanaam a/ve/d v indra jalgulaH<br>
1.28.3a     ya/tra naa/ry apacyava/m upacyava/M ca shi/kSate<br>
1.28.3c     uluu/khalasutaanaam a/ve/d v indra jalgulaH<br>
1.28.4a     ya/tra ma/nthaaM vibadhna/te rashmii/n ya/mitavaa/ iva<br>
1.28.4c     uluu/khalasutaanaam a/ve/d v indra jalgulaH<br>
1.28.5a     ya/c cid dhi/ tva/M gRhe/-gRha u/luukhalaka yujya/se<br>
1.28.5c     iha/ dyuma/ttamaM vada ja/yataam iva dundubhi/H<br>
1.28.6a     uta/ sma te vanaspate vaa/to vi/ vaaty a/gram i/t<br>
1.28.6c     a/tho i/ndraaya paa/tave sunu/ so/mam uluukhala<br>
1.28.7a     aayajii/ vaajasaa/tamaa taa/ hy u\ccaa/ vijarbhRta/H<br>
1.28.7c     ha/rii ivaa/ndhaaMsi ba/psataa<br>
1.28.8a     taa/ no adya/ vanaspatii RSvaa/v RSve/bhiH sotR/bhiH<br>
1.28.8c     i/ndraaya ma/dhumat sutam<br>
1.28.9a     u/c chiSTa/M camvo\r bhara so/mam pavi/tra aa/ sRja<br>
1.28.9c     ni/ dhehi go/r a/dhi tvaci/<br>
1.29.1a     ya/c cid dhi/ satya somapaa anaashastaa/ iva sma/si<br>
1.29.1c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.2a     shi/prin vaajaanaam pate sha/ciivas ta/va daMsa/naa<br>
1.29.2c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.3a     ni/ Svaapayaa mithuudR/shaa sastaa/m a/budhyamaane<br>
1.29.3c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.4a     sasa/ntu tyaa/ a/raatayo bo/dhantu shuura raata/yaH<br>
1.29.4c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.5a     sa/m indra gardabha/m mRNa nuva/ntam paapa/yaamuyaa/<br>
1.29.5c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.6a     pa/taati kuNDRNaa/cyaa duura/M vaa/to va/naad a/dhi<br>
1.29.6c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.29.7a     sa/rvam parikrosha/M jahi jambha/yaa kRkadaashva\m<br>
1.29.7c     aa/ tuu/ na indra shaM+saya go/Sv a/shveSu shubhri/Su saha/sreSu tuviimagha<br>
1.30.1a     aa/ va i/ndraM kri/viM yathaa vaajaya/ntaH shata/kratum<br>
1.30.1c     ma/MhiSThaM si~nca i/ndubhiH<br>
1.30.2a     shata/M vaa ya/H shu/ciinaaM saha/sraM vaa sa/maashiraam<br>
1.30.2c     e/d u nimna/M na/ riiyate<br>
1.30.3a     sa/M ya/n ma/daaya shuSmi/Na enaa/ hy a\syoda/re<br>
1.30.3c     samudro/ na/ vya/co dadhe/<br>
1.30.4a     aya/m u te sa/m atasi kapo/ta iva garbhadhi/m<br>
1.30.4c     va/cas ta/c cin na ohase<br>
1.30.5a     stotra/M raadhaanaam pate gi/rvaaho viira ya/sya te<br>
1.30.5c     vi/bhuutir astu suunR/taa<br>
1.30.6a     uurdhva/s tiSThaa na uuta/ye .asmi/n vaa/je shatakrato<br>
1.30.6c     sa/m anye/Su bravaavahai<br>
1.30.7a     yo/ge-yoge tava/staraM vaa/je-vaaje havaamahe<br>
1.30.7c     sa/khaaya i/ndram uuta/ye<br>
1.30.8a     aa/ ghaa gamad ya/di shra/vat sahasri/Niibhir uuti/bhiH<br>
1.30.8c     vaa/jebhir u/pa no ha/vam<br>
1.30.9a     a/nu pratna/syau/kaso huve/ tuviprati/M na/ram<br>
1.30.9c     ya/M te puu/rvam pitaa/ huve/<br>
1.30.10a     ta/M tvaa vaya/M vishvavaaraa/ shaasmahe puruhuuta<br>
1.30.10c     sa/khe vaso jaritR/bhyaH<br>
1.30.11a     asmaa/kaM shipri/NiinaaM so/mapaaH somapaa/vnaam<br>
1.30.11c     sa/khe vajrin sa/khiinaam<br>
1.30.12a     ta/thaa ta/d astu somapaaH sa/khe vajrin ta/thaa kRNu<br>
1.30.12c     ya/thaa ta ushma/siiSTa/ye<br>
1.30.13a     reva/tiir naH sadhamaa/da i/ndre santu tuvi/vaajaaH<br>
1.30.13c     kSuma/nto yaa/bhir ma/dema<br>
1.30.14a     aa/ gha tvaa/vaan tma/naapta/ stotR/bhyo dhRSNav iyaana/H<br>
1.30.14c     RNo/r a/kSaM na/ cakryo\H<br>
1.30.15a     aa/ ya/d du/vaH shatakratav aa/ kaa/maM jaritRRNaa/m<br>
1.30.15c     RNo/r a/kSaM na/ sha/ciibhiH<br>
1.30.16a     sha/shvad i/ndraH po/pruthadbhir jigaaya naa/nadadbhiH shaa/shvasadbhir dha/naani<br>
1.30.16c     sa/ no hiraNyaratha/M daMsa/naavaan sa/ naH sanitaa/ sana/ye sa/ no .adaat<br>
1.30.17a     aa/shvinaav a/shvaavatyeSaa/ yaataM sha/viirayaa<br>
1.30.17c     go/mad dasraa hi/raNyavat<br>
1.30.18a     samaana/yojano hi/ vaaM ra/tho dasraav a/martyaH<br>
1.30.18c     samudre/ ashvine/yate<br>
1.30.19a     ny a\ghnya/sya muurdha/ni cakra/M ra/thasya yemathuH<br>
1.30.19c     pa/ri dyaa/m anya/d iiyate<br>
1.30.20a     ka/s ta uSaH kadhapriye bhuje/ ma/rto amartye<br>
1.30.20c     ka/M nakSase vibhaavari<br>
1.30.21a     vaya/M hi/ te a/manmahy aa/ntaad aa/ paraakaa/t<br>
1.30.21c     a/shve na/ citre aruSi<br>
1.30.22a     tva/M tye/bhir aa/ gahi vaa/jebhir duhitar divaH<br>
1.30.22c     asme/ rayi/M ni/ dhaaraya<br>
1.31.1a     tva/m agne prathamo/ a/~Ngiraa R/Sir devo/ devaa/naam abhavaH shiva/H sa/khaa<br>
1.31.1c     ta/va vrate/ kava/yo vidmanaa/paso/ .ajaayanta maru/to bhraa/jadRSTayaH<br>
1.31.2a     tva/m agne prathamo/ a/~NgirastamaH kavi/r devaa/naam pa/ri bhuuSasi vrata/m<br>
1.31.2c     vibhu/r vi/shvasmai bhu/vanaaya me/dhiro dvimaataa/ shayu/H katidhaa/ cid aaya/ve<br>
1.31.3a     tva/m agne prathamo/ maatari/shvana aavi/r bhava sukratuuyaa/ viva/svate<br>
1.31.3c     a/rejetaaM ro/dasii hotRvuu/rye/ .asaghnor bhaara/m a/yajo maho/ vaso<br>
1.31.4a     tva/m agne ma/nave dyaa/m avaashayaH puruura/vase sukR/te sukR/ttaraH<br>
1.31.4c     shvaatre/Na ya/t pitro/r mu/cyase pa/ry aa/ tvaa puu/rvam anayann aa/param pu/naH<br>
1.31.5a     tva/m agne vRSabha/H puSTiva/rdhana u/dyatasruce bhavasi shravaa/yyaH<br>
1.31.5c     ya/ aa/hutim pa/ri ve/daa va/SaTkRtim e/kaayur a/gre vi/sha aavi/vaasasi<br>
1.31.6a     tva/m agne vRjina/vartaniM na/raM sa/kman piparSi vida/the vicarSaNe<br>
1.31.6c     ya/H shuu/rasaataa pa/ritakmye dha/ne dabhre/bhish cit sa/mRtaa ha/Msi bhuu/yasaH<br>
1.31.7a     tva/M ta/m agne amRtatva/ uttame/ ma/rtaM dadhaasi shra/vase dive/-dive<br>
1.31.7c     ya/s taatRSaaNa/ ubha/yaaya ja/nmane ma/yaH kRNo/Si pra/ya aa/ ca suura/ye<br>
1.31.8a     tva/M no agne sana/ye dha/naanaaM yasha/saM kaaru/M kRNuhi sta/vaanaH<br>
1.31.8c     Rdhyaa/ma ka/rmaapa/saa na/vena devai/r dyaavaapRthivii praa/vataM naH<br>
1.31.9a     tva/M no agne pitro/r upa/stha aa/ devo/ deve/Sv anavadya jaa/gRviH<br>
1.31.9c     tanuukR/d bodhi pra/matish ca kaara/ve tva/M kalyaaNa va/su vi/shvam o/piSe<br>
1.31.10a     tva/m agne pra/matis tva/m pitaa/si nas tva/M vayaskR/t ta/va jaama/yo vaya/m<br>
1.31.10c     sa/M tvaa raa/yaH shati/naH sa/M sahasri/NaH suvii/raM yanti vratapaa/m adaabhya<br>
1.31.11a     tvaa/m agne prathama/m aayu/m aaya/ve devaa/ akRNvan na/huSasya vishpa/tim<br>
1.31.11c     i/Laam akRNvan ma/nuSasya shaa/saniim pitu/r ya/t putro/ ma/makasya jaa/yate<br>
1.31.12a     tva/M no agne ta/va deva paayu/bhir magho/no rakSa tanva\sh ca vandya<br>
1.31.12c     traataa/ toka/sya ta/naye ga/vaam asy a/nimeSaM ra/kSamaaNas ta/va vrate/<br>
1.31.13a     tva/m agne ya/jyave paayu/r a/ntaro .aniSa~Ngaa/ya caturakSa/ idhyase<br>
1.31.13c     yo/ raata/havyo .avRkaa/ya dhaa/yase kiire/sh cin ma/ntram ma/nasaa vano/Si ta/m<br>
1.31.14a     tva/m agna urusha/Msaaya vaagha/te spaarha/M ya/d re/kNaH parama/M vano/Si ta/t<br>
1.31.14c     aadhra/sya cit pra/matir ucyase pitaa/ pra/ paa/kaM shaa/ssi pra/ di/sho vidu/STaraH<br>
1.31.15a     tva/m agne pra/yatadakSiNaM na/raM va/rmeva syuuta/m pa/ri paasi vishva/taH<br>
1.31.15c     svaadukSa/dmaa yo/ vasatau/ syonakR/j jiivayaaja/M ya/jate so/pamaa/ diva/H<br>
1.31.16a     imaa/m agne shara/Nim miimRSo na ima/m a/dhvaanaM ya/m a/gaama duuraa/t<br>
1.31.16c     aapi/H pitaa/ pra/matiH somyaa/naam bhR/mir asy RSikR/n ma/rtyaanaam<br>
1.31.17a     manuSva/d agne a~Ngirasva/d a~Ngiro yayaativa/t sa/dane puurvava/c chuce<br>
1.31.17c     a/cha yaahy aa/ vahaa dai/vyaM ja/nam aa/ saadaya barhi/Si ya/kSi ca priya/m<br>
1.31.18a     ete/naagne bra/hmaNaa vaavRdhasva sha/ktii vaa ya/t te cakRmaa/ vidaa/ vaa<br>
1.31.18c     uta/ pra/ NeSy abhi/ va/syo asmaa/n sa/M naH sRja sumatyaa/ vaa/javatyaa<br>
1.32.1a     i/ndrasya nu/ viiryaaaa\Ni pra/ vocaM yaa/ni cakaa/ra prathamaa/ni vajrii/<br>
1.32.1c     a/hann a/him a/nv apa/s tatarda pra/ vakSa/Naa abhinat pa/rvataanaam<br>
1.32.2a     a/hann a/him pa/rvate shishriyaaNa/M tva/STaasmai va/jraM svarya\M tatakSa<br>
1.32.2c     vaashraa/ iva dhena/vaH sya/ndamaanaa a/~njaH samudra/m a/va jagmur aa/paH<br>
1.32.3a     vRSaaya/maaNo .avRNiita so/maM tri/kadrukeSv apibat suta/sya<br>
1.32.3c     aa/ saa/yakam magha/vaadatta va/jram a/hann enam prathamajaa/m a/hiinaam<br>
1.32.4a     ya/d indraa/han prathamajaa/m a/hiinaam aa/n maayi/naam a/minaaH pro/ta/ maayaa/H<br>
1.32.4c     aa/t suu/ryaM jana/yan dyaa/m uSaa/saM taadii/tnaa sha/truM na/ ki/laa vivitse<br>
1.32.5a     a/han vRtra/M vRtrata/raM vya\Msam i/ndro va/jreNa mahataa/ vadhe/na<br>
1.32.5c     ska/ndhaaMsiiva ku/lishenaa vi/vRkNaa/hiH shayata upapR/k pRthivyaa/H<br>
1.32.6a     ayoddhe/va durma/da aa/ hi/ juhve/ mahaaviira/M tuvibaadha/m RjiiSa/m<br>
1.32.6c     naa/taariid asya sa/mRtiM vadhaa/naaM sa/M rujaa/naaH pipiSa i/ndrashatruH<br>
1.32.7a     apaa/d ahasto/ apRtanyad i/ndram aa/sya va/jram a/dhi saa/nau jaghaana<br>
1.32.7c     vR/SNo va/dhriH pratimaa/nam bu/bhuuSan purutraa/ vRtro/ ashayad vya\staH<br>
1.32.8a     nada/M na/ bhinna/m amuyaa/ sha/yaanam ma/no ru/haaNaa a/ti yanty aa/paH<br>
1.32.8c     yaa/sh cid vRtro/ mahinaa/ parya/tiSThat taa/saam a/hiH patsutaHshii/r babhuuva<br>
1.32.9a     niicaa/vayaa abhavad vRtra/putre/ndro asyaa a/va va/dhar jabhaara<br>
1.32.9c     u/ttaraa suu/r a/dharaH putra/ aasiid daa/nuH shaye saha/vatsaa na/ dhenu/H<br>
1.32.10a     a/tiSThantiinaam aniveshanaa/naaM kaa/SThaanaam ma/dhye ni/hitaM sha/riiram<br>
1.32.10c     vRtra/sya niNya/M vi/ caranty aa/po diirgha/M ta/ma aa/shayad i/ndrashatruH<br>
1.32.11a     daasa/patniir a/higopaa atiSThan ni/ruddhaa aa/paH paNi/neva gaa/vaH<br>
1.32.11c     apaa/m bi/lam a/pihitaM ya/d aa/siid vRtra/M jaghanvaa/M+ a/pa ta/d vavaara<br>
1.32.12a     a/shvyo vaa/ro abhavas ta/d indra sRke/ ya/t tvaa pratya/han deva/ e/kaH<br>
1.32.12c     a/jayo gaa/ a/jayaH shuura so/mam a/vaasRjaH sa/rtave sapta/ si/ndhuun<br>
1.32.13a     naa/smai vidyu/n na/ tanyatu/H siSedha na/ yaa/m mi/ham a/kirad dhraadu/niM ca<br>
1.32.13c     i/ndrash ca ya/d yuyudhaa/te a/hish cotaa/parii/bhyo magha/vaa vi/ jigye<br>
1.32.14a     a/her yaataa/raM ka/m apashya indra hRdi/ ya/t te jaghnu/So bhii/r a/gachat<br>
1.32.14c     na/va ca ya/n navati/M ca sra/vantiiH shyeno/ na/ bhiito/ a/taro ra/jaaMsi<br>
1.32.15a     i/ndro yaato/ .avasitasya raa/jaa sha/masya ca shR~Ngi/No va/jrabaahuH<br>
1.32.15c     se/d u raa/jaa kSayati carSaNiinaa/m araa/n na/ nemi/H pa/ri taa/ babhuuva<br>
1.33.1a     e/taa/yaamo/pa gavya/nta i/ndram asmaa/kaM su/ pra/matiM vaavRdhaati<br>
1.33.1c     anaamRNa/H kuvi/d aa/d asya/ raayo/ ga/vaaM ke/tam pa/ram aava/rjate naH<br>
1.33.2a     u/pe/d aha/M dhanadaa/m a/pratiitaM ju/STaaM na/ shyeno/ vasati/m pataami<br>
1.33.2c     i/ndraM namasya/nn upame/bhir arkai/r ya/ stotR/bhyo ha/vyo a/sti yaa/man<br>
1.33.3a     ni/ sa/rvasena iSudhii/M+r asakta sa/m aryo/ gaa/ ajati ya/sya va/STi<br>
1.33.3c     coSkuuya/maaNa indra bhuu/ri vaama/m maa/ paNi/r bhuur asma/d a/dhi pravRddha<br>
1.33.4a     va/dhiir hi/ da/syuM dhani/naM ghane/naM+ e/kash ca/rann upashaake/bhir indra<br>
1.33.4c     dha/nor a/dhi viSuNa/k te/ vy aaaa\yann a/yajvaanaH sanakaa/H pre/tim iiyuH<br>
1.33.5a     pa/raa cic chiirSaa/ vavRjus ta/ indraa/yajvaano ya/jvabhi spa/rdhamaanaaH<br>
1.33.5c     pra/ ya/d divo/ hariva sthaatar ugra ni/r avrataa/M+ adhamo ro/dasyoH<br>
1.33.6a     a/yuyutsann anavadya/sya se/naam a/yaatayanta kSita/yo na/vagvaaH<br>
1.33.6c     vRSaayu/dho na/ va/dhrayo ni/raSTaaH prava/dbhir i/ndraac cita/yanta aayan<br>
1.33.7a     tva/m etaa/n rudato/ ja/kSatash caa/yodhayo ra/jasa indra paare/<br>
1.33.7c     a/vaadaho diva/ aa/ da/syum uccaa/ pra/ sunvata/ stuvata/H sha/Msam aavaH<br>
1.33.8a     cakraaNaa/saH pariiNa/ham pRthivyaa/ hi/raNyena maNi/naa shu/mbhamaanaaH<br>
1.33.8c     na/ hinvaanaa/sas titirus ta/ i/ndram pa/ri spa/sho adadhaat suu/ryeNa<br>
1.33.9a     pa/ri ya/d indra ro/dasii ubhe/ a/bubhojiir mahinaa/ vishva/taH siim<br>
1.33.9c     a/manyamaanaaM+ abhi/ ma/nyamaanair ni/r brahma/bhir adhamo da/syum indra<br>
1.33.10a     na/ ye/ diva/H pRthivyaa/ a/ntam aapu/r na/ maayaa/bhir dhanadaa/m parya/bhuuvan<br>
1.33.10c     yu/jaM va/jraM vRSabha/sh cakra i/ndro ni/r jyo/tiSaa ta/maso gaa/ adukSat<br>
1.33.11a     a/nu svadhaa/m akSarann aa/po asyaa/vardhata ma/dhya aa/ naavyaaaa\naam<br>
1.33.11c     sadhriicii/nena ma/nasaa ta/m i/ndra o/jiSThena ha/nmanaahann abhi/ dyuu/n<br>
1.33.12a     ny aaaa\vidhyad iliibi/shasya dRLhaa/ vi/ shR~Ngi/Nam abhinac chu/SNam i/ndraH<br>
1.33.12c     yaa/vat ta/ro maghavan yaa/vad o/jo va/jreNa sha/trum avadhiiH pRtanyu/m<br>
1.33.13a     abhi/ sidhmo/ ajigaad asya sha/truun vi/ tigme/na vRSabhe/Naa pu/ro .abhet<br>
1.33.13c     sa/M va/jreNaasRjad vRtra/m i/ndraH pra/ svaa/m mati/m atirac chaa/shadaanaH<br>
1.33.14a     aa/vaH ku/tsam indra ya/smi~n caaka/n praa/vo yu/dhyantaM vRSabha/M da/shadyum<br>
1.33.14c     shapha/cyuto reNu/r nakSata dyaa/m u/c chvaitreyo/ nRSaa/hyaaya tasthau<br>
1.33.15a     aa/vaH sha/maM vRSabha/M tu/gryaasu kSetrajeSe/ maghava~n chvi/tryaM gaa/m<br>
1.33.15c     jyo/k cid a/tra tasthivaa/Mso akra~n chatruuyataa/m a/dharaa ve/danaakaH<br>
1.34.1a     tri/sh cin no adyaa/ bhavataM navedasaa vibhu/r vaaM yaa/ma uta/ raati/r ashvinaa<br>
1.34.1c     yuvo/r hi/ yantra/M himye/va vaa/saso .abhyaayaMse/nyaa bhavatam maniiSi/bhiH<br>
1.34.2a     tra/yaH pava/yo madhuvaa/hane ra/the so/masya venaa/m a/nu vi/shva i/d viduH<br>
1.34.2c     tra/ya skambhaa/sa skabhitaa/sa aara/bhe tri/r na/ktaM yaatha/s tri/r v ashvinaa di/vaa<br>
1.34.3a     samaane/ a/han tri/r avadyagohanaa tri/r adya/ yaj~na/m ma/dhunaa mimikSatam<br>
1.34.3c     tri/r vaa/javatiir i/So ashvinaa yuva/M doSaa/ asma/bhyam uSa/sash ca pinvatam<br>
1.34.4a     tri/r varti/r yaataM tri/r a/nuvrate jane/ tri/H supraavye\ tredhe/va shikSatam<br>
1.34.4c     tri/r naandya\M vahatam ashvinaa yuva/M tri/H pR/kSo asme/ akSa/reva pinvatam<br>
1.34.5a     tri/r no rayi/M vahatam ashvinaa yuva/M tri/r deva/taataa tri/r utaa/vataM dhi/yaH<br>
1.34.5c     tri/H saubhagatva/M tri/r uta/ shra/vaaMsi nas triSTha/M vaaM suu/re duhitaa/ ruhad ra/tham<br>
1.34.6a     tri/r no ashvinaa divyaa/ni bheSajaa/ tri/H paa/rthivaani tri/r u dattam adbhya/H<br>
1.34.6c     omaa/naM shaMyo/r ma/makaaya suuna/ve tridhaa/tu sha/rma vahataM shubhas patii<br>
1.34.7a     tri/r no ashvinaa yajataa/ dive/-dive pa/ri tridhaa/tu pRthivii/m ashaayatam<br>
1.34.7c     tisro/ naasatyaa rathyaa paraava/ta aatme/va vaa/taH sva/saraaNi gachatam<br>
1.34.8a     tri/r ashvinaa si/ndhubhiH sapta/maatRbhis tra/ya aahaavaa/s tredhaa/ havi/S kRta/m<br>
1.34.8c     tisra/H pRthivii/r upa/ri pravaa/ divo/ naa/kaM rakSethe dyu/bhir aktu/bhir hita/m<br>
1.34.9a     kva\ trii/ cakraa/ trivR/to ra/thasya kva\ tra/yo vandhu/ro ye/ sa/niiLaaH<br>
1.34.9c     kadaa/ yo/go vaaji/no raa/sabhasya ye/na yaj~na/M naasatyopayaatha/H<br>
1.34.10a     aa/ naasatyaa ga/chataM huuya/te havi/r ma/dhvaH pibatam madhupe/bhir aasa/bhiH<br>
1.34.10c     yuvo/r hi/ puu/rvaM savito/Sa/so ra/tham Rtaa/ya citra/M ghRta/vantam i/Syati<br>
1.34.11a     aa/ naasatyaa tribhi/r ekaadashai/r iha/ deve/bhir yaatam madhupe/yam ashvinaa<br>
1.34.11c     praa/yus taa/riSTaM nii/ ra/paaMsi mRkSataM se/dhataM dve/So bha/vataM sacaabhu/vaa<br>
1.34.12a     aa/ no ashvinaa trivR/taa ra/thenaarvaa/~ncaM rayi/M vahataM suvii/ram<br>
1.34.12c     shRNva/ntaa vaam a/vase johaviimi vRdhe/ ca no bhavataM vaa/jasaatau<br>
1.35.1a     hva/yaamy agni/m prathama/M svasta/ye hva/yaami mitraa/va/ruNaav ihaa/vase<br>
1.35.1c     hva/yaami raa/triiM ja/gato nive/shaniiM hva/yaami deva/M savitaa/ram uuta/ye<br>
1.35.2a     aa/ kRSNe/na ra/jasaa va/rtamaano nivesha/yann amR/tam ma/rtyaM ca<br>
1.35.2c     hiraNya/yena savitaa/ ra/thenaa/ devo/ yaati bhu/vanaani pa/shyan<br>
1.35.3a     yaa/ti deva/H prava/taa yaa/ty udva/taa yaa/ti shubhraa/bhyaaM yajato/ ha/ribhyaam<br>
1.35.3c     aa/ devo/ yaati savitaa/ paraava/to/ .apa vi/shvaa duritaa/ baa/dhamaanaH<br>
1.35.4a     abhii/vRtaM kR/shanair vishva/ruupaM hi/raNyashamyaM yajato/ bRha/ntam<br>
1.35.4c     aa/sthaad ra/thaM savitaa/ citra/bhaanuH kRSNaa/ ra/jaaMsi ta/viSiiM da/dhaanaH<br>
1.35.5a     vi/ ja/naa~n chyaavaa/H shitipaa/do akhyan ra/thaM hi/raNyapra.augaM va/hantaH<br>
1.35.5c     sha/shvad vi/shaH savitu/r dai/vyasyopa/sthe vi/shvaa bhu/vanaani tasthuH<br>
1.35.6a     tisro/ dyaa/vaH savitu/r dvaa/ upa/sthaaM+ e/kaa yama/sya bhu/vane viraaSaa/T<br>
1.35.6c     aaNi/M na/ ra/thyam amR/taa/dhi tasthur iha/ braviitu ya/ u ta/c ci/ketat<br>
1.35.7a     vi/ suparNo/ anta/rikSaaNy akhyad gabhiira/vepaa a/suraH suniitha/H<br>
1.35.7c     kve\daa/niiM suu/ryaH ka/sh ciketa katamaa/M dyaa/M rashmi/r asyaa/ tataana<br>
1.35.8a     aSTau/ vy a\khyat kaku/bhaH pRthivyaa/s trii/ dha/nva yo/janaa sapta/ si/ndhuun<br>
1.35.8c     hiraNyaakSa/H savitaa/ deva/ aa/gaad da/dhad ra/tnaa daashu/Se vaa/ryaaNi<br>
1.35.9a     hi/raNyapaaNiH savitaa/ vi/carSaNir ubhe/ dyaa/vaapRthivii/ anta/r iiyate<br>
1.35.9c     a/paa/miivaam baa/dhate ve/ti suu/ryam abhi/ kRSNe/na ra/jasaa dyaa/m RNoti<br>
1.35.10a     hi/raNyahasto a/suraH suniitha/H sumRLiika/H sva/vaaM+ yaatv arvaa/~N<br>
1.35.10c     apase/dhan rakSa/so yaatudhaa/naan a/sthaad deva/H pratidoSa/M gRNaana/H<br>
1.35.11a     ye/ te pa/nthaaH savitaH puurvyaa/so .areNa/vaH su/kRtaa anta/rikSe<br>
1.35.11c     te/bhir no adya/ pathi/bhiH suge/bhii ra/kSaa ca no a/dhi ca bruuhi deva<br>
1.36.1a     pra/ vo yahva/m puruuNaa/M vishaa/M devayatii/naam<br>
1.36.1c     agni/M suukte/bhir va/cobhir iimahe / ya/M siim i/d anya/ ii/Late<br>
1.36.2a     ja/naaso agni/M dadhire sahovR/dhaM / havi/Smanto vidhema te<br>
1.36.2c     sa/ tva/M no adya/ suma/naa ihaa/vitaa/ / bha/vaa vaa/jeSu santya<br>
1.36.3a     pra/ tvaa duuta/M vRNiimahe ho/taaraM vishva/vedasam<br>
1.36.3c     maha/s te sato/ vi/ caranty arca/yo / divi/ spRshanti bhaana/vaH<br>
1.36.4a     devaa/sas tvaa va/ruNo mitro/ aryamaa/ / sa/M duuta/m pratna/m indhate<br>
1.36.4c     vi/shvaM so/ agne jayati tva/yaa dha/naM / ya/s te dadaa/sha ma/rtyaH<br>
1.36.5a     mandro/ ho/taa gRha/patir a/gne duuto/ vishaa/m asi<br>
1.36.5c     tve/ vi/shvaa sa/Mgataani vrataa/ dhruvaa/ / yaa/ni devaa/ a/kRNvata<br>
1.36.6a     tve/ i/d agne subha/ge yaviSThya / vi/shvam aa/ huuyate havi/H<br>
1.36.6c     sa/ tva/M no adya/ suma/naa utaa/para/M / ya/kSi devaa/n suvii/ryaa<br>
1.36.7a     ta/M ghem itthaa/ namasvi/na u/pa svaraa/jam aasate<br>
1.36.7c     ho/traabhir agni/m ma/nuSaH sa/m indhate / titirvaa/Mso a/ti sri/dhaH<br>
1.36.8a     ghna/nto vRtra/m ataran ro/dasii apa/ / uru/ kSa/yaaya cakrire<br>
1.36.8c     bhu/vat ka/Nve vR/Saa dyumny aa/hutaH / kra/ndad a/shvo ga/viSTiSu<br>
1.36.9a     sa/M siidasva mahaa/M+ asi sho/casva devavii/tamaH<br>
1.36.9c     vi/ dhuuma/m agne aruSa/m miyedhya sRja/ prashasta darshata/m<br>
1.36.10a     ya/M tvaa devaa/so ma/nave dadhu/r iha/ / ya/jiSThaM havyavaahana<br>
1.36.10c     ya/M ka/Nvo me/dhyaatithir dhanaspR/taM / ya/M vR/Saa ya/m upastuta/H<br>
1.36.11a     ya/m agni/m me/dhyaatithiH ka/Nva iidha/ Rtaa/d a/dhi<br>
1.36.11c     ta/sya pre/So diidiyus ta/m imaa/ R/cas / ta/m agni/M vardhayaamasi<br>
1.36.12a     raaya/s puurdhi svadhaavo/ .asti hi/ \!\ te/ .agne deve/Sv aa/pyam<br>
1.36.12c     tva/M vaa/jasya shru/tyasya raajasi / sa/ no mRLa mahaa/M+ asi<br>
1.36.13a     uurdhva/ uu Su/ Na uuta/ye ti/SThaa devo/ na/ savitaa/<br>
1.36.13c     uurdhvo/ vaa/jasya sa/nitaa ya/d a~nji/bhir / vaagha/dbhir vihva/yaamahe<br>
1.36.14a     uurdhvo/ naH paahy a/Mhaso ni/ ketu/naa / vi/shvaM sa/m atri/NaM daha<br>
1.36.14c     kRdhii/ na uurdhvaa/~n cara/thaaya jiiva/se / vidaa/ deve/Su no du/vaH<br>
1.36.15a     paahi/ no agne rakSa/saH paahi/ dhuurte/r a/raavNaH<br>
1.36.15c     paahi/ rii/Sata uta/ vaa ji/ghaaMsato / bR/hadbhaano ya/viSThya<br>
1.36.16a     ghane/va vi/Svag vi/ jahy a/raavNas / ta/purjambha yo/ asmadhru/k<br>
1.36.16c     yo/ ma/rtyaH shi/shiite a/ty aktu/bhir / maa/ naH sa/ ripu/r iishata<br>
1.36.17a     agni/r vavne suvii/ryam agni/H ka/Nvaaya sau/bhagam<br>
1.36.17c     agni/H praa/van mitro/ta/ me/dhyaatithim / agni/H saataa/ upastuta/m<br>
1.36.18a     agni/naa turva/shaM ya/dum \.\ paraava/ta / ugraa/devaM havaamahe<br>
1.36.18c     agni/r nayan na/vavaastvam bRha/drathaM / turvii/tiM da/syave sa/haH<br>
1.36.19a     ni/ tvaa/m agne ma/nur dadhe jyo/tir ja/naaya sha/shvate<br>
1.36.19c     diide/tha ka/Nva Rta/jaata ukSito/ / ya/M namasya/nti kRSTa/yaH<br>
1.36.20a     tveSaa/so agne/r a/mavanto arca/yo / bhiimaa/so na/ pra/tiitaye<br>
1.36.20c     rakSasvi/naH sa/dam i/d yaatumaa/vato vi/shvaM sa/m atri/NaM daha<br>
1.37.1a     kriiLa/M vaH sha/rdho maa/rutam anarvaa/NaM ratheshu/bham<br>
1.37.1c     ka/Nvaa abhi/ pra/ gaayata<br>
1.37.2a     ye/ pR/Satiibhir RSTi/bhiH saaka/M vaa/shiibhir a~nji/bhiH<br>
1.37.2c     a/jaayanta sva/bhaanavaH<br>
1.37.3a     ihe/va shRNva eSaaM ka/shaa ha/steSu ya/d va/daan<br>
1.37.3c     ni/ yaa/ma~n citra/m R~njate<br>
1.37.4a     pra/ vaH sha/rdhaaya ghR/Svaye tveSa/dyumnaaya shuSmi/Ne<br>
1.37.4c     deva/ttam bra/hma gaayata<br>
1.37.5a     pra/ shaMsaa go/Sv a/ghnyaM kriiLa/M ya/c cha/rdho maa/rutam<br>
1.37.5c     ja/mbhe ra/sasya vaavRdhe<br>
1.37.6a     ko/ vo va/rSiSTha aa/ naro diva/sh ca gma/sh ca dhuutayaH<br>
1.37.6c     ya/t siim a/ntaM na/ dhuunutha/<br>
1.37.7a     ni/ vo yaa/maaya maa/nuSo dadhra/ ugraa/ya manya/ve<br>
1.37.7c     ji/hiita pa/rvato giri/H<br>
1.37.8a     ye/Saam a/jmeSu pRthivii/ jujurvaa/M+ iva vishpa/tiH<br>
1.37.8c     bhiyaa/ yaa/meSu re/jate<br>
1.37.9a     sthira/M hi/ jaa/nam eSaaM va/yo maatu/r ni/retave<br>
1.37.9c     ya/t siim a/nu dvitaa/ sha/vaH<br>
1.37.10a     u/d u tye/ suuna/vo gi/raH kaa/SThaa a/jmeSv atnata<br>
1.37.10c     vaashraa/ abhij~nu/ yaa/tave<br>
1.37.11a     tya/M cid ghaa diirgha/m pRthu/m miho/ na/paatam a/mRdhram<br>
1.37.11c     pra/ cyaavayanti yaa/mabhiH<br>
1.37.12a     ma/ruto ya/d dha vo ba/laM ja/naaM+ acucyaviitana<br>
1.37.12c     girii/M+r acucyaviitana<br>
1.37.13a     ya/d dha yaa/nti maru/taH sa/M ha bruvate/ .adhvann aa/<br>
1.37.13c     shRNo/ti ka/sh cid eSaam<br>
1.37.14a     pra/ yaata shii/bham aashu/bhiH sa/nti ka/NveSu vo du/vaH<br>
1.37.14c     ta/tro Su/ maadayaadhvai<br>
1.37.15a     a/sti hi/ Smaa ma/daaya vaH sma/si Smaa vaya/m eSaam<br>
1.37.15c     vi/shvaM cid aa/yur jiiva/se<br>
1.38.1a     ka/d dha nuuna/M kadhapriyaH pitaa/ putra/M na/ ha/stayoH<br>
1.38.1c     dadhidhve/ vRktabarhiSaH<br>
1.38.2a     kva\ nuuna/M ka/d vo a/rthaM ga/ntaa divo/ na/ pRthivyaa/H<br>
1.38.2c     kva\ vo gaa/vo na/ raNyanti<br>
1.38.3a     kva\ vaH sumnaa/ na/vyaaMsi ma/rutaH kva\ suvitaa/<br>
1.38.3c     kvo\ vi/shvaani sau/bhagaa<br>
1.38.4a     ya/d yuuya/m pRshnimaataro ma/rtaasaH syaa/tana<br>
1.38.4c     stotaa/ vo amR/taH syaat<br>
1.38.5a     maa/ vo mRgo/ na/ ya/vase jaritaa/ bhuud a/joSyaH<br>
1.38.5c     pathaa/ yama/sya gaad u/pa<br>
1.38.6a     mo/ Su/ NaH pa/raa-paraa ni/rRtir durha/Naa vadhiit<br>
1.38.6c     padiiSTa/ tR/SNayaa saha/<br>
1.38.7a     satya/M tveSaa/ a/mavanto dha/nva~n cid aa/ rudri/yaasaH<br>
1.38.7c     mi/haM kRNvanty avaataa/m<br>
1.38.8a     vaashre/va vidyu/n mimaati vatsa/M na/ maataa/ siSakti<br>
1.38.8c     ya/d eSaaM vRSTi/r a/sarji<br>
1.38.9a     di/vaa cit ta/maH kRNvanti parja/nyenodavaahe/na<br>
1.38.9c     ya/t pRthivii/M vyunda/nti<br>
1.38.10a     a/dha svanaa/n maru/taaM vi/shvam aa/ sa/dma paa/rthivam<br>
1.38.10c     a/rejanta pra/ maa/nuSaaH<br>
1.38.11a     ma/ruto viiLupaaNi/bhish citraa/ ro/dhasvatiir a/nu<br>
1.38.11c     yaate/m a/khidrayaamabhiH<br>
1.38.12a     sthiraa/ vaH santu nema/yo ra/thaa a/shvaasa eSaam<br>
1.38.12c     su/saMskRtaa abhii/shavaH<br>
1.38.13a     a/chaa vadaa ta/naa giraa/ jaraa/yai bra/hmaNas pa/tim<br>
1.38.13c     agni/m mitra/M na/ darshata/m<br>
1.38.14a     mimiihi/ shlo/kam aasye\ parja/nya iva tatanaH<br>
1.38.14c     gaa/ya gaayatra/m ukthya\m<br>
1.38.15a     va/ndasva maa/rutaM gaNa/M tveSa/m panasyu/m arki/Nam<br>
1.38.15c     asme/ vRddhaa/ asann iha/<br>
1.39.1a     pra/ ya/d itthaa/ paraava/taH shoci/r na/ maa/nam a/syatha<br>
1.39.1c     ka/sya kra/tvaa marutaH ka/sya va/rpasaa ka/M yaatha ka/M ha dhuutayaH<br>
1.39.2a     sthiraa/ vaH santv aa/yudhaa paraaNu/de viiLuu/ uta/ pratiSka/bhe<br>
1.39.2c     yuSmaa/kam astu ta/viSii pa/niiyasii maa/ ma/rtyasya maayi/naH<br>
1.39.3a     pa/raa ha ya/t sthira/M hatha/ na/ro varta/yathaa guru/<br>
1.39.3c     vi/ yaathana vani/naH pRthivyaa/ vy aa/shaaH pa/rvataanaam<br>
1.39.4a     nahi/ vaH sha/trur vivide/ a/dhi dya/vi na/ bhuu/myaaM rishaadasaH<br>
1.39.4c     yuSmaa/kam astu ta/viSii ta/naa yujaa/ ru/draaso nuu/ cid aadhR/Se<br>
1.39.5a     pra/ vepayanti pa/rvataan vi/ vi~ncanti va/naspa/tiin<br>
1.39.5c     pro/ aarata maruto durma/daa iva de/vaasaH sa/rvayaa vishaa/<br>
1.39.6a     u/po ra/theSu pR/Satiir ayugdhvam pra/STir vahati ro/hitaH<br>
1.39.6c     aa/ vo yaa/maaya pRthivii/ cid ashrod a/biibhayanta maa/nuSaaH<br>
1.39.7a     aa/ vo makSuu/ ta/naaya ka/M ru/draa a/vo vRNiimahe<br>
1.39.7c     ga/ntaa nuuna/M no/ .avasaa ya/thaa pure/tthaa/ ka/Nvaaya bibhyu/Se<br>
1.39.8a     yuSme/Sito maruto ma/rtyeSita aa/ yo/ no a/bhva ii/Sate<br>
1.39.8c     vi/ ta/M yuyota sha/vasaa vy o/jasaa vi/ yuSmaa/kaabhir uuti/bhiH<br>
1.39.9a     a/saami hi/ prayajyavaH ka/NvaM dada/ pracetasaH<br>
1.39.9c     a/saamibhir maruta aa/ na uuti/bhir ga/ntaa vRSTi/M na/ vidyu/taH<br>
1.39.10a     a/saamy o/jo bibhRthaa sudaanavo/ .asaami dhuutayaH sha/vaH<br>
1.39.10c     RSidvi/Se marutaH parimanya/va i/SuM na/ sRjata dvi/Sam<br>
1.40.1a     u/t tiSTha brahmaNas pate devaya/ntas tvemahe<br>
1.40.1c     u/pa pra/ yantu maru/taH sudaa/nava i/ndra praashuu/r bhavaa sa/caa<br>
1.40.2a     tvaa/m i/d dhi/ sahasas putra ma/rtya upabruute/ dha/ne hite/<br>
1.40.2c     suvii/ryam maruta aa/ sva/shvyaM da/dhiita yo/ va aacake/<br>
1.40.3a     prai/tu bra/hmaNas pa/tiH pra/ devy e\tu suunR/taa<br>
1.40.3c     a/chaa viira/M na/ryam pa~Nkti/raadhasaM devaa/ yaj~na/M nayantu naH<br>
1.40.4a     yo/ vaagha/te da/daati suuna/raM va/su sa/ dhatte a/kSiti shra/vaH<br>
1.40.4c     ta/smaa i/LaaM suvii/raam aa/ yajaamahe supra/tuurtim aneha/sam<br>
1.40.5a     pra/ nuuna/m bra/hmaNas pa/tir ma/ntraM vadaty ukthya\m<br>
1.40.5c     ya/sminn i/ndro va/ruNo mitro/ aryamaa/ devaa/ o/kaaMsi cakrire/<br>
1.40.6a     ta/m i/d vocemaa vida/theSu shambhu/vam ma/ntraM devaa aneha/sam<br>
1.40.6c     imaa/M ca vaa/cam pratiha/ryathaa naro vi/shve/d vaamaa/ vo ashnavat<br>
1.40.7a     ko/ devaya/ntam ashnavaj ja/naM ko/ vRkta/barhiSam<br>
1.40.7c     pra/-pra daashvaa/n pastyaaaa\bhir asthitaantarvaa/vat kSa/yaM dadhe<br>
1.40.8a     u/pa kSatra/m pR~nciita/ ha/nti raa/jabhir bhaye/ cit sukSiti/M dadhe<br>
1.40.8c     naa/sya vartaa/ na/ tarutaa/ mahaadhane/ naa/rbhe asti vajri/NaH<br>
1.41.1a     ya/M ra/kSanti pra/cetaso va/ruNo mitro/ aryamaa/<br>
1.41.1c     nuu/ cit sa/ dabhyate ja/naH<br>
1.41.2a     ya/m baahu/teva pi/prati paa/nti ma/rtyaM riSa/H<br>
1.41.2c     a/riSTaH sa/rva edhate<br>
1.41.3a     vi/ durgaa/ vi/ dvi/SaH puro/ ghna/nti raa/jaana eSaam<br>
1.41.3c     na/yanti duritaa/ tira/H<br>
1.41.4a     suga/H pa/nthaa anRkSara/ aa/dityaasa Rta/M yate/<br>
1.41.4c     naa/traavakhaado/ asti vaH<br>
1.41.5a     ya/M yaj~na/M na/yathaa nara aa/dityaa Rju/naa pathaa/<br>
1.41.5c     pra/ vaH sa/ dhiita/ye nashat<br>
1.41.6a     sa/ ra/tnam ma/rtyo va/su vi/shvaM toka/m uta/ tma/naa<br>
1.41.6c     a/chaa gachaty a/stRtaH<br>
1.41.7a     kathaa/ raadhaama sakhaaya sto/mam mitra/syaaryamNa/H<br>
1.41.7c     ma/hi psa/ro va/ruNasya<br>
1.41.8a     maa/ vo ghna/ntam maa/ sha/pantam pra/ti voce devaya/ntam<br>
1.41.8c     sumnai/r i/d va aa/ vivaase<br>
1.41.9a     catu/rash cid da/damaanaad bibhiiyaa/d aa/ ni/dhaatoH<br>
1.41.9c     na/ duruktaa/ya spRhayet<br>
1.42.1a     sa/m puuSann a/dhvanas tira vy a/Mho vimuco napaat<br>
1.42.1c     sa/kSvaa deva pra/ Nas pura/H<br>
1.42.2a     yo/ naH puuSann agho/ vR/ko duHshe/va aadi/deshati<br>
1.42.2c     a/pa sma ta/m patho/ jahi<br>
1.42.3a     a/pa tya/m paripanthi/nam muSiivaa/NaM hurashci/tam<br>
1.42.3c     duura/m a/dhi srute/r aja<br>
1.42.4a     tva/M ta/sya dvayaavi/no .agha/shaMsasya ka/sya cit<br>
1.42.4c     padaa/bhi/ tiSTha ta/puSim<br>
1.42.5a     aa/ ta/t te dasra mantumaH puu/Sann a/vo vRNiimahe<br>
1.42.5c     ye/na pitRR/n a/codayaH<br>
1.42.6a     a/dhaa no vishvasaubhaga hi/raNyavaashiimattama<br>
1.42.6c     dha/naani suSa/Naa kRdhi<br>
1.42.7a     a/ti naH sashca/to naya sugaa/ naH supa/thaa kRNu<br>
1.42.7c     puu/Sann iha/ kra/tuM vidaH<br>
1.42.8a     abhi/ suuya/vasaM naya na/ navajvaaro/ a/dhvane<br>
1.42.8c     puu/Sann iha/ kra/tuM vidaH<br>
1.42.9a     shagdhi/ puurdhi/ pra/ yaMsi ca shishiihi/ praa/sy uda/ram<br>
1.42.9c     puu/Sann iha/ kra/tuM vidaH<br>
1.42.10a     na/ puuSa/Nam methaamasi suuktai/r abhi/ gRNiimasi<br>
1.42.10c     va/suuni dasma/m iimahe<br>
1.43.1a     ka/d rudraa/ya pra/cetase miiLhu/STamaaya ta/vyase<br>
1.43.1c     voce/ma sha/MtamaM hRde/<br>
1.43.2a     ya/thaa no a/ditiH ka/rat pa/shve nR/bhyo ya/thaa ga/ve<br>
1.43.2c     ya/thaa tokaa/ya rudri/yam<br>
1.43.3a     ya/thaa no mitro/ va/ruNo ya/thaa rudra/sh ci/ketati<br>
1.43.3c     ya/thaa vi/shve sajo/SasaH<br>
1.43.4a     gaatha/patim medha/patiM rudra/M ja/laaSabheSajam<br>
1.43.4c     ta/c chaMyo/H sumna/m iimahe<br>
1.43.5a     ya/H shukra/ iva suu/ryo hi/raNyam iva ro/cate<br>
1.43.5c     shre/STho devaa/naaM va/suH<br>
1.43.6a     sha/M naH karaty a/rvate suga/m meSaa/ya meSye\<br>
1.43.6c     nR/bhyo naa/ribhyo ga/ve<br>
1.43.7a     asme/ soma shri/yam a/dhi ni/ dhehi shata/sya nRNaa/m<br>
1.43.7c     ma/hi shra/vas tuvinRmNa/m<br>
1.43.8a     maa/ naH somaparibaa/dho maa/raatayo juhuranta<br>
1.43.8c     aa/ na indo vaa/je bhaja<br>
1.43.9a     yaa/s te prajaa/ amR/tasya pa/rasmin dhaa/mann Rta/sya<br>
1.43.9c     muurdhaa/ naa/bhaa soma vena aabhuu/SantiiH soma vedaH<br>
1.44.1a     a/gne vi/vasvad uSa/sash citra/M raa/dho amartya<br>
1.44.1c     aa/ daashu/Se jaatavedo vahaa tva/m adyaa/ devaa/M+ uSarbu/dhaH<br>
1.44.2a     ju/STo hi/ duuto/ a/si havyavaa/hano/ .agne rathii/r adhvaraa/Naam<br>
1.44.2c     sajuu/r ashvi/bhyaam uSa/saa suvii/ryam asme/ dhehi shra/vo bRha/t<br>
1.44.3a     adyaa/ duuta/M vRNiimahe va/sum agni/m purupriya/m<br>
1.44.3c     dhuuma/ketum bhaa/RjiikaM vyu\STiSu yaj~naa/naam adhvarashri/yam<br>
1.44.4a     shre/SThaM ya/viSTham a/tithiM svaaaa\hutaM ju/STaM ja/naaya daashu/Se<br>
1.44.4c     devaa/M+ a/chaa yaa/tave jaata/vedasam agni/m iiLe vyu\STiSu<br>
1.44.5a     staviSyaa/mi tvaa/m aha/M vi/shvasyaamRta bhojana<br>
1.44.5c     a/gne traataa/ram amR/tam miyedhya ya/jiSThaM havyavaahana<br>
1.44.6a     susha/Mso bodhi gRNate/ yaviSThya ma/dhujihvaH svaaaa\hutaH<br>
1.44.6c     pra/skaNvasya pratira/nn aa/yur jiiva/se namasyaa/ dai/vyaM ja/nam<br>
1.44.7a     ho/taaraM vishva/vedasaM sa/M hi/ tvaa vi/sha indha/te<br>
1.44.7c     sa/ aa/ vaha puruhuuta pra/cetaso/ .agne devaa/M+ iha/ drava/t<br>
1.44.8a     savitaa/ram uSa/sam ashvi/naa bha/gam agni/M vyu\STiSu kSa/paH<br>
1.44.8c     ka/Nvaasas tvaa suta/somaasa indhate havyavaa/haM svadhvara<br>
1.44.9a     pa/tir hy a\dhvaraa/Naam a/gne duuto/ vishaa/m a/si<br>
1.44.9c     uSarbu/dha aa/ vaha so/mapiitaye devaa/M+ adya/ svardR/shaH<br>
1.44.10a     a/gne puu/rvaa a/nuuSa/so vibhaavaso diide/tha vishva/darshataH<br>
1.44.10c     a/si graa/meSv avitaa/ puro/hito/ .asi yaj~ne/Su maa/nuSaH<br>
1.44.11a     ni/ tvaa yaj~na/sya saa/dhanam a/gne ho/taaram Rtvi/jam<br>
1.44.11c     manuSva/d deva dhiimahi pra/cetasaM jiira/M duuta/m a/martyam<br>
1.44.12a     ya/d devaa/naam mitramahaH puro/hito/ .antaro yaa/si duutya\m<br>
1.44.12c     si/ndhor iva pra/svanitaasa uurma/yo .agne/r bhraajante arca/yaH<br>
1.44.13a     shrudhi/ shrutkarNa va/hnibhir devai/r agne sayaa/vabhiH<br>
1.44.13c     aa/ siidantu barhi/Si mitro/ aryamaa/ praataryaa/vaaNo adhvara/m<br>
1.44.14a     shRNva/ntu sto/mam maru/taH sudaa/navo .agnijihvaa/ RtaavR/dhaH<br>
1.44.14c     pi/batu so/maM va/ruNo dhRta/vrato .ashvi/bhyaam uSa/saa sajuu/H<br>
1.45.1a     tva/m agne va/suuM+r iha/ rudraa/M+ aadityaa/M+ uta/<br>
1.45.1c     ya/jaa svadhvara/M ja/nam ma/nujaataM ghRtapru/Sam<br>
1.45.2a     shruSTiivaa/no hi/ daashu/Se devaa/ agne vi/cetasaH<br>
1.45.2c     taa/n rohidashva girvaNas tra/yastriMshatam aa/ vaha<br>
1.45.3a     priyamedhava/d atriva/j jaa/tavedo viruupava/t<br>
1.45.3c     a~Ngirasva/n mahivrata pra/skaNvasya shrudhii ha/vam<br>
1.45.4a     ma/hikerava uuta/ye priya/medhaa ahuuSata<br>
1.45.4c     raa/jantam adhvaraa/Naam agni/M shukre/Na shoci/Saa<br>
1.45.5a     ghR/taahavana santyemaa/ u Su/ shrudhii gi/raH<br>
1.45.5c     yaa/bhiH ka/Nvasya suuna/vo ha/vante/ .avase tvaa<br>
1.45.6a     tvaa/M citrashravastama ha/vante vikSu/ janta/vaH<br>
1.45.6c     shoci/Skesham purupriyaa/gne havyaa/ya vo/Lhave<br>
1.45.7a     ni/ tvaa ho/taaram Rtvi/jaM dadhire/ vasuvi/ttamam<br>
1.45.7c     shru/tkarNaM sapra/thastamaM vi/praa agne di/viSTiSu<br>
1.45.8a     aa/ tvaa vi/praa acucyavuH suta/somaa abhi/ pra/yaH<br>
1.45.8c     bRha/d bhaa/ bi/bhrato havi/r a/gne ma/rtaaya daashu/Se<br>
1.45.9a     praataryaa/vNaH sahaskRta somape/yaaya santya<br>
1.45.9c     ihaa/dya/ dai/vyaM ja/nam barhi/r aa/ saadayaa vaso<br>
1.45.10a     arvaa/~ncaM dai/vyaM ja/nam a/gne ya/kSva sa/huutibhiH<br>
1.45.10c     aya/M so/maH sudaanavas ta/m paata tiro/ahnyam<br>
1.46.1a     eSo/ uSaa/ a/puurvyaa vy u\chati priyaa/ diva/H<br>
1.46.1c     stuSe/ vaam ashvinaa bRha/t<br>
1.46.2a     yaa/ dasraa/ si/ndhumaataraa manota/raa rayiiNaa/m<br>
1.46.2c     dhiyaa/ devaa/ vasuvi/daa<br>
1.46.3a     vacya/nte vaaM kakuhaa/so juurNaa/yaam a/dhi viSTa/pi<br>
1.46.3c     ya/d vaaM ra/tho vi/bhiS pa/taat<br>
1.46.4a     havi/Saa jaaro/ apaa/m pi/parti pa/purir naraa<br>
1.46.4c     pitaa/ ku/Tasya carSaNi/H<br>
1.46.5a     aadaaro/ vaam matiinaa/M naa/satyaa matavacasaa<br>
1.46.5c     paata/M so/masya dhRSNuyaa/<br>
1.46.6a     yaa/ naH pii/parad ashvinaa jyo/tiSmatii ta/mas tira/H<br>
1.46.6c     taa/m asme/ raasaathaam i/Sam<br>
1.46.7a     aa/ no naavaa/ matiinaa/M yaata/m paaraa/ya ga/ntave<br>
1.46.7c     yu~njaa/thaam ashvinaa ra/tham<br>
1.46.8a     ari/traM vaaM diva/s pRthu/ tiirthe/ si/ndhuunaaM ra/thaH<br>
1.46.8c     dhiyaa/ yuyujra i/ndavaH<br>
1.46.9a     diva/s kaNvaasa i/ndavo va/su si/ndhuunaam pade/<br>
1.46.9c     sva/M vavri/M ku/ha dhitsathaH<br>
1.46.10a     a/bhuud u bhaa/ u aMsha/ve hi/raNyam pra/ti suu/ryaH<br>
1.46.10c     vy a\khyaj jihva/yaa/sitaH<br>
1.46.11a     a/bhuud u paara/m e/tave pa/nthaa Rta/sya saadhuyaa/<br>
1.46.11c     a/darshi vi/ sruti/r diva/H<br>
1.46.12a     ta/t-tad i/d ashvi/nor a/vo jaritaa/ pra/ti bhuuSati<br>
1.46.12c     ma/de so/masya pi/pratoH<br>
1.46.13a     vaavasaanaa/ viva/svati so/masya piityaa/ giraa/<br>
1.46.13c     manuSva/c chambhuu aa/ gatam<br>
1.46.14a     yuvo/r uSaa/ a/nu shri/yam pa/rijmanor upaa/carat<br>
1.46.14c     Rtaa/ vanatho aktu/bhiH<br>
1.46.15a     ubhaa/ pibatam ashvinobhaa/ naH sha/rma yachatam<br>
1.46.15c     avidriyaa/bhir uuti/bhiH<br>
1.47.1a     aya/M vaam ma/dhumattamaH suta/H so/ma RtaavRdhaa<br>
1.47.1c     ta/m ashvinaa pibataM tiro/ahnyaM dhatta/M ra/tnaani daashu/Se<br>
1.47.2a     trivandhure/Na trivR/taa supe/shasaa ra/thenaa/ yaatam ashvinaa<br>
1.47.2c     ka/Nvaaso vaam bra/hma kRNvanty adhvare/ te/SaaM su/ shRNutaM ha/vam<br>
1.47.3a     a/shvinaa ma/dhumattamam paata/M so/mam RtaavRdhaa<br>
1.47.3c     a/thaadya/ dasraa va/su bi/bhrataa ra/the daashvaa/Msam u/pa gachatam<br>
1.47.4a     triSadhasthe/ barhi/Si vishvavedasaa ma/dhvaa yaj~na/m mimikSatam<br>
1.47.4c     ka/Nvaaso vaaM suta/somaa abhi/dyavo yuvaa/M havante ashvinaa<br>
1.47.5a     yaa/bhiH ka/Nvam abhi/STibhiH praa/vataM yuva/m ashvinaa<br>
1.47.5c     taa/bhiH Sv a\smaa/M+ avataM shubhas patii paata/M so/mam RtaavRdhaa<br>
1.47.6a     sudaa/se dasraa va/su bi/bhrataa ra/the pR/kSo vahatam ashvinaa<br>
1.47.6c     rayi/M samudraa/d uta/ vaa diva/s pa/ry asme/ dhattam puruspR/ham<br>
1.47.7a     ya/n naasatyaa paraava/ti ya/d vaa stho/ a/dhi turva/she<br>
1.47.7c     a/to ra/thena suvR/taa na aa/ gataM saaka/M suu/ryasya rashmi/bhiH<br>
1.47.8a     arvaa/~ncaa vaaM sa/ptayo .adhvarashri/yo va/hantu sa/vane/d u/pa<br>
1.47.8c     i/Sam pR~nca/ntaa sukR/te sudaa/nava aa/ barhi/H siidataM naraa<br>
1.47.9a     te/na naasatyaa/ gataM ra/thena suu/ryatvacaa<br>
1.47.9c     ye/na sha/shvad uuha/thur daashu/Se va/su ma/dhvaH so/masya piita/ye<br>
1.47.10a     ukthe/bhir arvaa/g a/vase puruuva/suu arkai/sh ca ni/ hvayaamahe<br>
1.47.10c     sha/shvat ka/NvaanaaM sa/dasi priye/ hi/ kaM so/mam papa/thur ashvinaa<br>
1.48.1a     saha/ vaame/na na uSo vy u\chaa duhitar divaH<br>
1.48.1c     saha/ dyumne/na bRhataa/ vibhaavari raayaa/ devi daa/svatii<br>
1.48.2a     a/shvaavatiir go/matiir vishvasuvi/do bhuu/ri cyavanta va/stave<br>
1.48.2c     u/d iiraya pra/ti maa suunR/taa uSash co/da raa/dho magho/naam<br>
1.48.3a     uvaa/soSaa/ uchaa/c ca nu/ devii/ jiiraa/ ra/thaanaam<br>
1.48.3c     ye/ asyaa aaca/raNeSu dadhrire/ samudre/ na/ shravasya/vaH<br>
1.48.4a     u/So ye/ te pra/ yaa/meSu yu~nja/te ma/no daanaa/ya suura/yaH<br>
1.48.4c     a/traa/ha ta/t ka/Nva eSaaM ka/Nvatamo naa/ma gRNaati nRNaa/m<br>
1.48.5a     aa/ ghaa yo/Seva suuna/ry uSaa/ yaati prabhu~njatii/<br>
1.48.5c     jara/yantii vR/janam padva/d iiyata u/t paatayati pakSi/NaH<br>
1.48.6a     vi/ yaa/ sRja/ti sa/manaM vy a\rthi/naH pada/M na/ vety o/datii<br>
1.48.6c     va/yo na/kiS Te paptivaa/Msa aasate vyu\STau vaajiniivati<br>
1.48.7a     eSaa/yukta paraava/taH suu/ryasyoda/yanaad a/dhi<br>
1.48.7c     shata/M ra/thebhiH subha/goSaa/ iya/M vi/ yaaty abhi/ maa/nuSaan<br>
1.48.8a     vi/shvam asyaa naanaama ca/kSase ja/gaj jyo/tiS kRNoti suuna/rii<br>
1.48.8c     a/pa dve/So magho/nii duhitaa/ diva/ uSaa/ uchad a/pa sri/dhaH<br>
1.48.9a     u/Sa aa/ bhaahi bhaanu/naa candre/Na duhitar divaH<br>
1.48.9c     aava/hantii bhuu/ry asma/bhyaM sau/bhagaM vyucha/ntii di/viSTiSu<br>
1.48.10a     vi/shvasya hi/ praa/NanaM jii/vanaM tve/ vi/ ya/d ucha/si suunari<br>
1.48.10c     saa/ no ra/thena bRhataa/ vibhaavari shrudhi/ citraamaghe ha/vam<br>
1.48.11a     u/So vaa/jaM hi/ va/Msva ya/sh citro/ maa/nuSe ja/ne<br>
1.48.11c     te/naa/ vaha sukR/to adhvaraa/M+ u/pa ye/ tvaa gRNa/nti va/hnayaH<br>
1.48.12a     vi/shvaan devaa/M+ aa/ vaha so/mapiitaye .anta/rikSaad uSas tva/m<br>
1.48.12c     saa/smaa/su dhaa go/mad a/shvaavad ukthya\m u/So vaa/jaM suvii/ryam<br>
1.48.13a     ya/syaa ru/shanto arca/yaH pra/ti bhadraa/ a/dRkSata<br>
1.48.13c     saa/ no rayi/M vishva/vaaraM supe/shasam uSaa/ dadaatu su/gmyam<br>
1.48.14a     ye/ cid dhi/ tvaa/m R/SayaH puu/rva uuta/ye juhuure/ .avase mahi<br>
1.48.14c     saa/ na sto/maaM+ abhi/ gRNiihi raa/dhaso/SaH shukre/Na shoci/Saa<br>
1.48.15a     u/So ya/d adya/ bhaanu/naa vi/ dvaa/raav RNa/vo diva/H<br>
1.48.15c     pra/ no yachataad avRka/m pRthu/ chardi/H pra/ devi go/matiir i/SaH<br>
1.48.16a     sa/M no raayaa/ bRhataa/ vishva/peshasaa mimikSvaa/ sa/m i/Laabhir aa/<br>
1.48.16c     sa/M dyumne/na vishvatu/roSo mahi sa/M vaa/jair vaajiniivati<br>

== Примечания ==
{{список примечаний}}
{| class="wikitable" | width="99%"
|-
| width="33%"|<p style="text-align:right;"></p> || width="33%"|<p style="text-align:center;">[[Риг-веда в ASCII-транслитерации|Содержание]]</p> || width="33%"|<p style="text-align:left;">[[Риг-веда, книга 1a]] (1.49.1a-1.102.11c)</p>
|}

[[Категория:Риг-веда в ASCII]]