Редактирование: Шива-панчакшара-накшатрамала-стотра

॥ शिवपञ्चाक्षरनक्षत्रमालास्तोत्रम् ॥<br />.. śivapañcākṣaranakṣatramālāstotram ..<br />

श्रीमदात्मने गुणैकसिन्धवे नमः शिवाय धामलेशधूतकोकबन्धवे नमः शिवाय ।<br />नामशेषितानमद्भावान्धवे नमः शिवाय पामरेतरप्रधानबन्धवे नमः शिवाय ॥ १॥<br />śrīmadātmane guṇaikasindhave namaḥ śivāya dhāmaleśadhūtakokabandhave namaḥ śivāya .<br />nāmaśeṣitānamadbhāvāndhave namaḥ śivāya pāmaretarapradhānabandhave namaḥ śivāya .. 1..<br />
कालभीतविप्रबालपाल ते नमः शिवाय शूलभिन्नदुष्टदक्षफाल ते नमः शिवाय ।<br />मूलकारणाय कालकाल ते नमः शिवाय पालयाधुना दयालवाल ते नमः शिवाय ॥ २॥<br />kālabhītaviprabālapāla te namaḥ śivāya śūlabhinnaduṣṭadakṣaphāla te namaḥ śivāya .<br />mūlakāraṇāya kālakāla te namaḥ śivāya pālayādhunā dayālavāla te namaḥ śivāya .. 2..<br />
इष्टवस्तुमुख्यदानहेतवे नमः शिवाय दुष्टदैत्यवंशधूमकेतवे नमः शिवाय ।<br />सृष्टिरक्षणाय धर्मसेतवे नमः शिवाय अष्टमूर्तये वृषेन्द्रकेतवे नमः शिवाय ॥ ३॥<br />iṣṭavastumukhyadānahetave namaḥ śivāya duṣṭadaityavaṁśadhūmaketave namaḥ śivāya .<br />sṛṣṭirakṣaṇāya dharmasetave namaḥ śivāya aṣṭamūrtaye vṛṣendraketave namaḥ śivāya .. 3..<br />
आपदद्रिभेदटङ्कहस्त ते नमः शिवाय पापहारिदिव्यसिन्धुमस्त ते नमः शिवाय ।<br />पापदारिणे लसन्नमस्तते नमः शिवाय शापदोषखण्डनप्रशस्त ते नमः शिवाय ॥ ४॥<br />āpadadribhedaṭaṅkahasta te namaḥ śivāya pāpahāridivyasindhumasta te namaḥ śivāya .<br />pāpadāriṇe lasannamastate namaḥ śivāya śāpadoṣakhaṇḍanapraśasta te namaḥ śivāya .. 4..<br />
व्योमकेश दिव्यभव्यरूप ते नमः शिवाय हेममेदिनीधरेन्द्रचाप ते नमः शिवाय ।<br />नाममात्रदग्धसर्वपाप ते नमः शिवाय कामनैकतानहृद्दुराप ते नमः शिवाय ॥ ५॥<br />vyomakeśa divyabhavyarūpa te namaḥ śivāya hemamedinīdharendracāpa te namaḥ śivāya .<br />nāmamātradagdhasarvapāpa te namaḥ śivāya kāmanaikatānahṛddurāpa te namaḥ śivāya .. 5..<br />
ब्रह्ममस्तकावलीनिबद्ध ते नमः शिवाय जिह्मगेन्द्रकुण्डलप्रसिद्ध ते नमः शिवाय ।<br />ब्रह्मणे प्रणीतवेदपद्धते नमः शिवाय जिंहकालदेहदत्तपद्धते नमः शिवाय ॥ ६॥<br />brahmamastakāvalīnibaddha te namaḥ śivāya jihmagendrakuṇḍalaprasiddha te namaḥ śivāya .<br />brahmaṇe praṇītavedapaddhate namaḥ śivāya jiṁhakāladehadattapaddhate namaḥ śivāya .. 6..<br />
कामनाशनाय शुद्धकर्मणे नमः शिवाय सामगानजायमानशर्मणे नमः शिवाय ।<br />हेमकान्तिचाकचक्यवर्मणे नमः शिवाय सामजासुराङ्गलब्धचर्मणे नमः शिवाय ॥ ७॥<br />kāmanāśanāya śuddhakarmaṇe namaḥ śivāya sāmagānajāyamānaśarmaṇe namaḥ śivāya .<br />hemakānticākacakyavarmaṇe namaḥ śivāya sāmajāsurāṅgalabdhacarmaṇe namaḥ śivāya .. 7..<br />
जन्ममृत्युघोरदुःखहारिणे नमः शिवाय चिन्मयैकरूपदेहधारिणे नमः शिवाय ।<br />मन्मनोरथावपूर्तिकारिणे नमः शिवाय सन्मनोगताय कामवैरिणे नमः शिवाय ॥ ८॥<br />janmamṛtyughoraduḥkhahāriṇe namaḥ śivāya cinmayaikarūpadehadhāriṇe namaḥ śivāya .<br />manmanorathāvapūrtikāriṇe namaḥ śivāya sanmanogatāya kāmavairiṇe namaḥ śivāya .. 8..<br />
यक्षराजबन्धवे दयालवे नमः शिवाय दक्षपाणिशोभिकाञ्चनालवे नमः शिवाय ।<br />पक्षिराजवाहहृच्छयालवे नमः शिवाय अक्षिफाल वेदपूततालवे नमः शिवाय ॥ ९॥<br />yakṣarājabandhave dayālave namaḥ śivāya dakṣapāṇiśobhikāñcanālave namaḥ śivāya .<br />pakṣirājavāhahṛcchayālave namaḥ śivāya akṣiphāla vedapūtatālave namaḥ śivāya .. 9..<br />
दक्षहस्तनिष्ठजातवेदसे नमः शिवाय अक्षरात्मने नमद्बिडौजसे नमः शिवाय ।<br />दीक्षितप्रकाशितात्मतेजसे नमः शिवाय उक्षराजवाह ते सतां गते नमः शिवाय ॥ १०॥<br />dakṣahastaniṣṭhajātavedase namaḥ śivāya akṣarātmane namadbiḍaujase namaḥ śivāya .<br />dīkṣitaprakāśitātmatejase namaḥ śivāya ukṣarājavāha te satāṁ gate namaḥ śivāya .. 10..<br />
राजताचलेन्द्रसानुवासिने नमः शिवाय राजमाननित्यमन्दहासिने नमः शिवाय ।<br />राजकोरकावतंसभासिने नमः शिवाय राजराजमित्रताप्रकाशिने नमः शिवाय ॥ ११॥<br />rājatācalendrasānuvāsine namaḥ śivāya rājamānanityamandahāsine namaḥ śivāya .<br />rājakorakāvataṁsabhāsine namaḥ śivāya rājarājamitratāprakāśine namaḥ śivāya .. 11..<br />
दीनमानवालिकामधेनवे नमः शिवाय सूनबाणदाहकृत्कृशानवे नमः शिवाय ।<br />स्वानुरागभक्तरत्नसानवे नमः शिवाय दानवान्धकारचण्डभानवे नमः शिवाय ॥ १२॥<br />dīnamānavālikāmadhenave namaḥ śivāya sūnabāṇadāhakṛtkṛśānave namaḥ śivāya .<br />svānurāgabhaktaratnasānave namaḥ śivāya dānavāndhakāracaṇḍabhānave namaḥ śivāya .. 12..<br />
सर्वमङ्गलाकुचाग्रशायिने नमः शिवाय सर्वदेवतागणातिशायिने नमः शिवाय ।<br />पूर्वदेवनाशसंविधायिने नमः शिवाय सर्वमन्मनोजभङ्गदायिने नमः शिवाय ॥ १३॥<br />sarvamaṅgalākucāgraśāyine namaḥ śivāya sarvadevatāgaṇātiśāyine namaḥ śivāya .<br />pūrvadevanāśasaṁvidhāyine namaḥ śivāya sarvamanmanojabhaṅgadāyine namaḥ śivāya .. 13..<br />
स्तोकभक्तितोऽपि भक्तपोषिणे नमः शिवाय माकरन्दसारवर्षिभाषिणे नमः शिवाय ।<br />एकबिल्वदानतोऽपि तोषिणे नमः शिवाय नैकजन्मपापजालशोषिणे नमः शिवाय ॥ १४॥<br />stokabhaktito'pi bhaktapoṣiṇe namaḥ śivāya mākarandasāravarṣibhāṣiṇe namaḥ śivāya .<br />ekabilvadānato'pi toṣiṇe namaḥ śivāya naikajanmapāpajālaśoṣiṇe namaḥ śivāya .. 14..<br />
सर्वजीवरक्षणैकशीलिने नमः शिवाय पार्वतीप्रियाय भक्तपालिने नमः शिवाय ।<br />दुर्विदग्धदैत्यसैन्यदारिणे नमः शिवाय शर्वरीशधारिणे कपालिने नमः शिवाय ॥ १५॥<br />sarvajīvarakṣaṇaikaśīline namaḥ śivāya pārvatīpriyāya bhaktapāline namaḥ śivāya .<br />durvidagdhadaityasainyadāriṇe namaḥ śivāya śarvarīśadhāriṇe kapāline namaḥ śivāya .. 15..<br />
पाहि मामुमामनोज्ञदेह ते नमः शिवाय देहि मे वरं सिताद्रिगेह ते नमः शिवाय ।<br />मोहितर्षिकामिनीसमूह ते नमः शिवाय स्वेहितप्रसन्न कामदोह ते नमः शिवाय ॥ १६॥<br />pāhi māmumāmanojñadeha te namaḥ śivāya dehi me varaṁ sitādrigeha te namaḥ śivāya .<br />mohitarṣikāminīsamūha te namaḥ śivāya svehitaprasanna kāmadoha te namaḥ śivāya .. 16..<br />
मङ्गलप्रदाय गोतुरंग ते नमः शिवाय गङ्गया तरङ्गितोत्तमाङ्ग ते नमः शिवाय ।<br />सङ्गरप्रवृत्तवैरिभङ्ग ते नमः शिवाय अङ्गजारये करेकुरङ्ग ते नमः शिवाय ॥ १७॥<br />maṅgalapradāya goturaṁga te namaḥ śivāya gaṅgayā taraṅgitottamāṅga te namaḥ śivāya .<br />saṅgarapravṛttavairibhaṅga te namaḥ śivāya aṅgajāraye karekuraṅga te namaḥ śivāya .. 17..<br />
ईहितक्षणप्रदानहेतवे नमः शिवाय आहिताग्निपालकोक्षकेतवे नमः शिवाय ।<br />देहकान्तिधूतरौप्यधातवे नमः शिवाय गेहदुःखपुञ्जधूमकेतवे नमः शिवाय ॥ १८॥<br />īhitakṣaṇapradānahetave namaḥ śivāya āhitāgnipālakokṣaketave namaḥ śivāya .<br />dehakāntidhūtaraupyadhātave namaḥ śivāya gehaduḥkhapuñjadhūmaketave namaḥ śivāya .. 18..<br />
त्र्यक्ष दीनसत्कृपाकटाक्ष ते नमः शिवाय दक्षसप्ततन्तुनाशदक्ष ते नमः शिवाय ।<br />ऋक्षराजभानुपावकाक्ष ते नमः शिवाय रक्ष मां प्रपन्नमात्ररक्ष ते नमः शिवाय ॥ १९॥<br />tryakṣa dīnasatkṛpākaṭākṣa te namaḥ śivāya dakṣasaptatantunāśadakṣa te namaḥ śivāya .<br />ṛkṣarājabhānupāvakākṣa te namaḥ śivāya rakṣa māṁ prapannamātrarakṣa te namaḥ śivāya .. 19..<br />
न्यङ्कुपाणये शिवंकराय ते नमः शिवाय संकटाब्धितीर्णकिंकराय ते नमः शिवाय ।<br />कङ्कभीषिताभयंकराय ते नमः शिवाय पङ्कजाननाय शंकराय ते नमः शिवाय ॥ २०॥<br />nyaṅkupāṇaye śivaṁkarāya te namaḥ śivāya saṁkaṭābdhitīrṇakiṁkarāya te namaḥ śivāya .<br />kaṅkabhīṣitābhayaṁkarāya te namaḥ śivāya paṅkajānanāya śaṁkarāya te namaḥ śivāya .. 20..<br />
कर्मपाशनाश नीलकण्ठ ते नमः शिवाय शर्मदाय नर्यभस्मकण्ठ ते नमः शिवाय ।<br />निर्ममर्षिसेवितोपकण्ठ ते नमः शिवाय कुर्महे नतीर्नमद्विकुण्ठ ते नमः शिवाय ॥ २१॥<br />karmapāśanāśa nīlakaṇṭha te namaḥ śivāya śarmadāya naryabhasmakaṇṭha te namaḥ śivāya .<br />nirmamarṣisevitopakaṇṭha te namaḥ śivāya kurmahe natīrnamadvikuṇṭha te namaḥ śivāya .. 21..<br />
विष्टपाधिपाय नम्रविष्णवे नमः शिवाय शिष्टविप्रहृद्गुहाचरिष्णवे नमः शिवाय ।<br />इष्टवस्तुनित्यतुष्टजिष्णवे नमः शिवाय कष्टनाशनाय लोकजिष्णवे नमः शिवाय ॥ २२॥<br />viṣṭapādhipāya namraviṣṇave namaḥ śivāya śiṣṭaviprahṛdguhācariṣṇave namaḥ śivāya .<br />iṣṭavastunityatuṣṭajiṣṇave namaḥ śivāya kaṣṭanāśanāya lokajiṣṇave namaḥ śivāya .. 22..<br />
अप्रमेयदिव्यसुप्रभाव ते नमः शिवाय सत्प्रपन्नरक्षणस्वभाव ते नमः शिवाय ।<br />स्वप्रकाश निस्तुलानुभाव ते नमः शिवाय विप्रडिम्भदर्शितार्द्रभाव ते नमः शिवाय ॥ २३॥<br />aprameyadivyasuprabhāva te namaḥ śivāya satprapannarakṣaṇasvabhāva te namaḥ śivāya .<br />svaprakāśa nistulānubhāva te namaḥ śivāya vipraḍimbhadarśitārdrabhāva te namaḥ śivāya .. 23..<br />
सेवकाय मे मृड प्रसीद ते नमः शिवाय भावलभ्य तावकप्रसाद ते नमः शिवाय ।<br />पावकाक्ष देवपूज्यपाद ते नमः शिवाय तवकाङ्घ्रिभक्तदत्तमोद ते नमः शिवाय ॥ २४॥<br />sevakāya me mṛḍa prasīda te namaḥ śivāya bhāvalabhya tāvakaprasāda te namaḥ śivāya .<br />pāvakākṣa devapūjyapāda te namaḥ śivāya tavakāṅghribhaktadattamoda te namaḥ śivāya .. 24..<br />
भुक्तिमुक्तिदिव्यभोगदायिने नमः शिवाय शक्तिकल्पितप्रपञ्चभागिने नमः शिवाय ।<br />भक्तसंकटापहारयोगिने नमः शिवाय युक्तसन्मनःसरोजयोगिने नमः शिवाय ॥ २५॥<br />bhuktimuktidivyabhogadāyine namaḥ śivāya śaktikalpitaprapañcabhāgine namaḥ śivāya .<br />bhaktasaṁkaṭāpahārayogine namaḥ śivāya yuktasanmanaḥsarojayogine namaḥ śivāya .. 25..<br />
अन्तकान्तकाय पापहारिणे नमः शिवाय शान्तमायदन्तिचर्मधारिणे नमः शिवाय ।<br />संतताश्रितव्यथाविदारिणे नमः शिवाय जन्तुजातनित्यसौख्यकारिणे नमः शिवाय ॥ २६॥<br />antakāntakāya pāpahāriṇe namaḥ śivāya śāntamāyadanticarmadhāriṇe namaḥ śivāya .<br />saṁtatāśritavyathāvidāriṇe namaḥ śivāya jantujātanityasaukhyakāriṇe namaḥ śivāya .. 26..<br />
शूलिने नमो नमः कपालिने नमः शिवाय पालिने विरिञ्चितुण्डमालिने नमः शिवाय ।<br />लीलिने विशेषरुण्डमालिने नमः शिवाय शीलिने नमः प्रपुण्यशालिने नमः शिवाय ॥ २७॥<br />śūline namo namaḥ kapāline namaḥ śivāya pāline viriñcituṇḍamāline namaḥ śivāya .<br />līline viśeṣaruṇḍamāline namaḥ śivāya śīline namaḥ prapuṇyaśāline namaḥ śivāya .. 27..<br />
शिवपञ्चाक्षरमुद्रां चतुष्पदोल्लासपद्यमणिघटिताम् ।<br />नक्षत्रमालिकामिह दधदुपकण्ठं नरो भवेत्सोमः ॥ २८॥<br />śivapañcākṣaramudrāṁ catuṣpadollāsapadyamaṇighaṭitām .<br />nakṣatramālikāmiha dadhadupakaṇṭhaṁ naro bhavetsomaḥ .. 28..<br />
॥ इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छंकरभगवतः कृतौ शिवपञ्चाक्षरनक्षत्रमालास्तोत्रं संपूर्णम् ॥<br />.. iti śrīmatparamahaṁsaparivrājakācāryasya śrīgovindabhagavatpūjyapādaśiṣyasya śrīmacchaṁkarabhagavataḥ kṛtau śivapañcākṣaranakṣatramālāstotraṁ saṁpūrṇam .. <br />


== Примечания ==
{{примечания}}

[[Категория:Гимны к Шиве]]
[[Категория:Шанкара]]
[[Категория:Не переведённые тексты]]
[[Категория:Статьи без иллюстраций]]