https://wiki.shayvam.ru/index.php?action=history&feed=atom&title=%D0%9A%D0%B0%D0%BB%D0%B8_%D1%85%D1%80%D0%B8%D0%B4%D0%B0%D1%8F_%D1%81%D1%82%D0%BE%D1%82%D1%80%D0%B0 2026-06-08T14:22:09Z История изменений этой страницы в вики MediaWiki 1.36.2 https://wiki.shayvam.ru/index.php?title=%D0%9A%D0%B0%D0%BB%D0%B8_%D1%85%D1%80%D0%B8%D0%B4%D0%B0%D1%8F_%D1%81%D1%82%D0%BE%D1%82%D1%80%D0%B0&diff=15748&oldid=prev 2017-10-07T18:03:01Z

<p>Новая страница: «॥ श्रीकालिकाहृदयम् ॥ ॥ श्रीगणेशाय नमः ॥ ॥ श्रीउमामहेश्वराभ…»</p> <p><b>Новая страница</b></p><div>॥ श्रीकालिकाहृदयम् ॥<br /> <br /> ॥ श्रीगणेशाय नमः ॥<br /> <br /> ॥ श्रीउमामहेश्वराभ्यां नमः ॥<br /> <br /> अथ श्रीकालीहृदयप्रारम्भः ।<br /> <br /> श्रीमहाकाल उवाच ।<br /> महाकौतूहलस्तोत्रं हृदयाख्यं महोत्तमम् ।<br /> शृणु प्रिये महागोप्यं दक्षिणायाः सुगोपितम् ॥ १॥<br /> <br /> अवाच्यमपि वक्ष्यामि तव प्रीत्या प्रकाशितम् ।<br /> अन्येभ्यः कुरु गोप्यं च सत्यं सत्यं च शैलजे ॥ २॥<br /> <br /> श्रीदेव्युवाच ।<br /> कस्मिन् युगे समुत्पन्नं केन स्तोत्रं कृतं पुरा ।<br /> तत्सर्वं कथ्यतां शम्भो दयानिधे महेश्वर ॥ ३॥<br /> <br /> श्रीमहाकाल उवाच ।<br /> पुरा प्रजापतेः शीर्षच्छेदनं कृतवानहम् ।<br /> ब्रह्महत्याकृतैः पापैर्भैरवत्वं ममागतम् ॥ ४॥<br /> <br /> ब्रह्महत्याविनाशाय कृतं स्तोत्रं मया प्रिये ।<br /> कृत्याविनाशकं स्तोत्रं ब्रह्महत्यापहारकम् ॥ ५॥<br /> <br /> ॐ अस्य श्रीदक्षिणकाल्या हृदयस्तोत्रमन्त्रस्य श्रीमहाकाल ऋषिः ।<br /> उष्णिक्छन्दः । श्रीदक्षिणकालिका देवता ।<br /> क्रीं बीजं । ह्रीं शक्तिः । नमः कीलकं ।<br /> सर्वत्र सर्वदा जपे विनियोगः ॥<br /> <br /> अथ हृदयादिन्यासः ।<br /> ॐ क्रां हृदयाय नमः ।<br /> ॐ क्रीं शिरसे स्वाहा ।<br /> ॐ क्रूं शिखायै वषट् ।<br /> ॐ क्रैं कवचाय हुं ।<br /> ॐ क्रौं नेत्रत्रयाय वौषट् ।<br /> ॐ क्रः अस्त्राय फट् ॥<br /> <br /> इति हृदयादिन्यासः ॥<br /> <br /> अथ ध्यानम् ।<br /> ॐ ध्यायेत्कालीं महामायां त्रिनेत्रां बहुरूपिणीम् ।<br /> चतुर्भुजां ललजिह्वां पूर्णचन्द्रनिभाननाम् ॥ १॥<br /> <br /> नीलोत्पलदलप्रख्यां शत्रुसङ्घविदारिणीम् ।<br /> नरमुण्डं तथा खङ्गं कमलं वरदं तथा ॥ २॥<br /> <br /> बिभ्राणां रक्तवदनां दंष्ट्रालीं घोररूपिणीम् ।<br /> अट्टाट्टहासनिरतां सर्वदा च दिगम्बराम् ॥ ३॥<br /> <br /> शवासनस्थितां देवीं मुण्डमालाविभूषिताम् ।<br /> इति ध्यात्वा महादेवीं ततस्तु हृदयं पठेत् ॥ ४॥<br /> <br /> ॐ कालिका घोररूपाढया सर्वकामफलप्रदा ।<br /> सर्वदेवस्तुता देवी शत्रुनाशं करोतु मे ॥ ५॥<br /> <br /> ह्रींह्रींस्वरूपिणी श्रेष्ठा त्रिषु लोकेषु दुर्लभा ।<br /> तव स्नेहान्मया ख्यातं न देयं यस्य कस्यचित् ॥ ६॥<br /> <br /> अथ ध्यानं प्रवक्ष्यामि निशामय परात्मिके ।<br /> यस्य विज्ञानमात्रेण जीवन्मुक्तो भविष्यति ॥ ७॥<br /> <br /> नागयज्ञोपवीताञ्च चन्द्रार्द्धकृतशेखराम् ।<br /> जटाजूटाञ्च सञ्चिन्त्य महाकालसमीपगाम् ॥ ८॥<br /> <br /> एवं न्यासादयः सर्वे ये प्रकुर्वन्ति मानवाः ।<br /> प्राप्नुवन्ति च ते मोक्षं सत्यं सत्यं वरानने ॥ ९॥<br /> <br /> यन्त्रं श्रृणु परं देव्याः सर्वार्थसिद्धिदायकम् ।<br /> गोप्यं गोप्यतरं गोप्यं गोप्यं गोप्यतरं महत् ॥ १०॥<br /> <br /> त्रिकोणं पञ्चकं चाष्टकमलं भूपुरान्वितम् ।<br /> मुण्डपङ्क्तिं च ज्वालां च कालीयन्त्रं सुसिद्धिदम् ॥ ११॥<br /> <br /> मन्त्रं तु पूर्वकथितं धारयस्व सदा प्रिये ।<br /> देव्या दक्षिणकाल्यास्तु नाममालां निशामय ॥ १२॥<br /> <br /> काली दक्षिणकाली च कृष्णरूपा परात्मिका ।<br /> मुण्डमाला विशालाक्षी सृष्टिसंहारकारिका ॥ १३ ॥<br /> <br /> स्थितिरूपा महामाया योगनिद्रा भगात्मिका ।<br /> भगसर्पिःपानरता भगोद्योता भगाङ्गजा ॥ १४ ॥<br /> <br /> आद्या सदा नवा घोरा महातेजाः करालिका ।<br /> प्रेतवाहा सिद्धिलक्ष्मीरनिरुद्धा सरस्वती ॥ १५॥<br /> <br /> एतानि नाममाल्यानि ये पठन्ति दिने दिने ।<br /> तेषां दासस्य दासोऽहं सत्यं सत्यं महेश्वरि ॥ १६॥<br /> <br /> ॐ कालीं कालहरां देवी कङ्कालबीजरूपिणीम् ।<br /> कालरूपां कलातीतां कालिकां दक्षिणां भजे ॥ १७॥<br /> <br /> कुण्डगोलप्रियां देवीं खयम्भूकुसुमे रताम् ।<br /> रतिप्रियां महारौद्रीं कालिकां प्रणमाम्यहम् ॥ १८॥<br /> <br /> दूतीप्रियां महादूतीं दूतीयोगेश्वरीं पराम् ।<br /> दूतोयोगोद्भवरतां दूतीरूपां नमाम्यहम् ॥ १९॥<br /> <br /> क्रींमन्त्रेण जलं जप्त्वा सप्तधा सेचनेन तु ।<br /> सर्वे रोगा विनश्यन्ति नात्र कार्या विचारणा ॥ २०॥<br /> <br /> क्रींस्वाहान्तैर्महामन्त्रैश्चन्दनं साधयेत्ततः ।<br /> तिलकं क्रियते प्राज्ञैर्लोको वश्यो भवेत्सदा ॥ २१॥<br /> <br /> क्रीं हूं ह्रीं मन्त्रजप्तैश्च ह्यक्षतैः सप्तभिः प्रिये ।<br /> महाभयविनाशश्च जायते नात्र संशयः ॥ २२॥<br /> <br /> क्रीं ह्रीं ह्रूं स्वाहा मन्त्रेण श्मशानाग्निं च मन्त्रयेत् ।<br /> शत्रोर्गृहे प्रतिक्षिप्त्वा शत्रोर्मृत्युर्भविष्यति ॥ २३॥<br /> <br /> ह्रूं ह्रीं क्रीं चैव उच्चाटे पुष्पं संशोध्य सप्तधा ।<br /> रिपूणां चैव चोच्चाटं नयत्येव न संशयः ॥ २४॥<br /> <br /> आकर्षणे च क्रीं क्रीं क्रीं जप्त्वाऽक्षतान् प्रतिक्षिपेत् ।<br /> सहस्रयोजनस्था च शीघ्रमागच्छति प्रिये ॥ २५॥<br /> <br /> क्रीं क्रीं क्रीं ह्रूं ह्रूं ह्रीं ह्रीं च कज्जलं शोधितं तथा ।<br /> तिलकेन जगन्मोहः सप्तधा मन्त्रमाचरेत् ॥ २६॥<br /> <br /> हृदयं परमेशानि सर्वपापहरं परम् ।<br /> अश्वमेधादियज्ञानां कोटिकोटिगुणोत्तरम् ॥ २७॥<br /> <br /> कन्यादानादिदानानां कोटिकोटिगुणं फलम् ।<br /> दूतीयागादियागानां कोटिकोटिफलं स्मृतम् ॥ २८॥<br /> <br /> गङ्गादिसर्वतीर्थानां फलं कोटिगुणं स्मृतम् ।<br /> एकधा पाठमात्रेण सत्यं सत्यं मयोदितम् ॥ २९॥<br /> <br /> कौमारीस्वेष्टरूपेण पूजां कृत्वा विधानतः ।<br /> पठेत्स्तोत्रं महेशानि जीवन्मुक्तः स उच्यते ॥ ३०॥<br /> <br /> रजस्वलाभगं दृष्ट्वा पठेदेकाग्रमानसः ।<br /> लभते परमं स्थानं देवीलोके वरानने ॥ ३१॥<br /> <br /> महादुःखे महारोगे महासङ्कटके दिने ।<br /> महाभये महाघोरे पठेतस्तोत्रं महोत्तमम् ।<br /> सत्यं सत्यं पुनः सत्यं गोपायेन्मातृजारवत् ॥ ३२॥<br /> <br /> इति श्रीकालीहृदयं समाप्तम् ॥</div>

Satya